ନୂଆଦିଲ୍ଲୀ: ଭାରତ ଓ ଚୀନ ମଧ୍ୟରେ ପୁଣି ଥରେ ତିକ୍ତତା ବଢ଼ିପାରେ । ଚୀର ବିଦେଶ ମନ୍ତ୍ରଣାଳୟ ଅରୁଣାଚଳ ପ୍ରଦେଶକୁ ନିଜ କ୍ଷେତ୍ର ଦାବି କରିବା ପରେ ଏହି ଆଶଙ୍କା ଦେଖା ଦେଇଛି । ଚୀନ କହିଛି, "ଭାରତ ଅବୈଧ ଭାବେ ଅରୁଣାଚଳ ପ୍ରଦେଶର ସ୍ଥାପନ କିରିଛି ।"

ଡ୍ରାଗନ ଦାବି ହେଉଛି, ଅରୁଣାଚଳ ପ୍ରଦେଶ ହେଉଛି ଚୀନର ଜାଙ୍ଗନାନ କ୍ଷେତ୍ର । ଏହି ଅଞ୍ଚଳର କିଛି ସ୍ଥାନର ନାମ ରଖିବାର ଅଧିକାର ବେଜିଂ ପାଖରେ ରହିଛି । ତେବେ ଚୀନ ପକ୍ଷରୁ ଭାରତୀୟ କ୍ଷେତ୍ରର 'କାଳ୍ପନିକ ନାମ' ରଖିବା ପ୍ରଚେଷ୍ଟାକୁ ନୂଆଦିଲ୍ଲୀ ରବିବାର ଖାରଜ କରି ଦେଇଥିଲା ।

ଏଥିସହ ପଢ଼ନ୍ତୁ: ଭାରତୀୟ ଭୂମିକୁ ନିଜର ବୋଲି ଦେଖାଇବାକୁ ଚୀନର ନୂଆ ଚକ୍ରାନ୍ତ

ଚୀନ ବିଦେଶ ମନ୍ତ୍ରଣାଳୟର ମୁଖପାତ୍ର ଗୁଓ ଜିଆକୁନ ମଙ୍ଗଳବାର ଅରୁଣାଚଳ ପ୍ରଦେଶକୁ ନେଇ ଦାବି ରଖିଛନ୍ତି । ଚୀନର ଗ୍ଲୋବାଲ ଟାଇମ୍ସ ଅନୁସାରେ, ଜାଙ୍ଗନାନ ହେଉଛି ଚୀନର ଅଞ୍ଚଳ, ଯାହାକୁ ଭାରତ ଅବୈଧ ଭାବେ ରଖିଛି । ଅରୁଣାଚଳ ପ୍ରଦେଶକୁ କେବେ ସ୍ଵୀକାର କରାଯିବ ନାହିଁ । ଜାଙ୍ଗନାର ନାଁ ଚୀନ ନିଜ ଅନୁସାରେ ବଦଳାଇ ପାରିବ ।

ଭାରତର ଚେତାବନୀ

ଚୀନ ପକ୍ଷରୁ ଅରୁଣାଚଳ ପ୍ରଦେଶର କିଛି ଅଞ୍ଚଳର ନାମ ପ୍ରକାଶିତ କରିବାକୁ ଭାରତ କଡ଼ା ବିରୋଧ କରିଥିଲା । ବିଦେଶ ମନ୍ତ୍ରଣାଳୟର ମୁଖପାତ୍ର ରଣଧିର ଜୟସୱାଲ୍ କହିଥିଲେ, "ଚୀନ ପକ୍ଷରୁ ଭାରତୀୟ ଅଞ୍ଚଳର କାଳ୍ପନିକ ନାମ ଦେବା ପ୍ରୟାସକୁ ଭାରତ ଖାରଜ କରଛି ।" ଏଥିସହ ଏଭଳି ପ୍ରୟାସ ଦ୍ଵିପାକ୍ଷିକ ସମ୍ପର୍କକୁ ସାମାନ୍ୟ କରିବାର ପ୍ରୟାସରେ ବାଧା ସୃଷ୍ଟି କରିପାରେ ।

ଏଥିସହ ପଢ଼ନ୍ତୁ: ଯୁଦ୍ଧ ପାଇଁ ପ୍ରଶିକ୍ଷଣ ନିଅନ୍ତି ନାହିଁ ଏହି ଦେଶର ଯବାନ; ନାହିଁ ଟ୍ୟାଙ୍କ ଓ ଯୁଦ୍ଧ ବିମାନ

କ'ଣ କହୁଛି ଚୀନ ?

ଚୀନ ଅନୁସାରେ, ଏବେ ବେଜିଂ-ନୂଆଦିଲ୍ଲୀ ମଧ୍ୟରେ ସମ୍ପର୍କ ସ୍ଥିର ରହିଛି । ଭାରତ ସହ ସମ୍ପର୍କ ଆହୁରି ସୁଦୃଢ଼ କରିବାକୁ ଚୀନର ନୀତିରେ କୌଣସି ପରିବର୍ତ୍ତନ ଅଣାଯାଇ ନାହିଁ ଆମେ ଆଶା କରୁଛୁ ଯେ, ଦୁଇ ପକ୍ଷ ଗୋଟିଏ ଦିଗରେ କାମ କରିବେ ଏବଂ ଦ୍ଵିପାକ୍ଷିକ ସମ୍ବନ୍ଧ ଅନୁକୂଳ ଲାଗି ପଦକ୍ଷେପ ନେବେ ।

୨୦୧୭ ମସିହାର ଅରୁଣାଚଳ ପ୍ରଦେଶର ବିଭିନ୍ନ ଅଞ୍ଚଳର ନାଁ ପ୍ରକାଶିତ କରିଥିଲା ଚୀନ । ସେତେବେଳେ ମଧ୍ୟ ଭାରତ କଡ଼ା ଆପତ୍ତି ଉଠାଇଥିଲା । ଜାଙ୍ଗନାନ ହେଉଛି ଅରୁଣାଚଳ ପ୍ରଦେଶ ଚୀନ ନାଁ । ଅରୁଣାଚଳ ପ୍ରଦେଶକୁ ଚୀନ ଦକ୍ଷିଣ ତିବ୍ବତର ଅଂଶ ବୋଲି ଦାବି କରି ଆସୁଛି ।