Missile Attack / ଇସ୍ରାଏଲ ମିସାଇଲ ମାଡରେ ରକ୍ତରଞ୍ଜିତ ସ୍କୁଲ, ୫୭ ଛାତ୍ରୀଙ୍କ ମୃତ୍ୟୁ ଦାବି

ଇସ୍ରାଏଲ ଆଜି ଇରାନ ଉପରେ ବଡ଼ ଧରଣର ଆକ୍ରମଣ କରିଛି । ରାଜଧାନୀ ତେହେରାନ ସମେତ ଅନେକ ସହର ଉପରେ କ୍ଷେପଣାସ୍ତ୍ର ମାଡ଼ କରାଯାଇଛି । ଏହି ସମୟରେ ଦକ୍ଷିଣ ଇରାନର ହୋର୍ମୁଜଗାନ ପ୍ରଦେଶର ମିନାବ ସହରରେ ଏକ ବାଳିକା ପ୍ରାଥମିକ ବିଦ୍ୟାଳୟ ଉପରେ ଏକ କ୍ଷେପଣାସ୍ତ୍ର ପଡ଼ିବାରୁ ଏଯାବତ ପ୍ରାୟ ୫୭ ଜଣ ଛାତ୍ରୀ ପ୍ରାଣ ହରାଇଥିବା ବେଳେ ୬୦ରୁ ଅଧିକ ଲୋକ ଆହତ ହୋଇଥିବା ଇରାନ ଦାବି କରିଛି ।

ଅନେକଙ୍କ ଅବସ୍ଥା ଗୁରୁତର ଥିବା କୁହାଯାଉଛି । ଇରାନର ରାଷ୍ଟ୍ରାୟତ୍ତ ସଂସ୍ଥା IRNA (ଇସଲାମିକ୍ ରିପବ୍ଲିକ୍ ନ୍ୟୁଜ୍ ଏଜେନ୍ସି) ଏହି ସୂଚନା ଦେଇଛି । କୁହାଯାଉଛି ଯେ କ୍ଷେପଣାସ୍ତ୍ରଟି ନିକଟସ୍ଥ ରିଭୋଲ୍ୟୁସନରୀ ଗାର୍ଡ ବେସକୁ ଲକ୍ଷ୍ୟ କରି ପକାଯାଇଥିଲା, କିନ୍ତୁ ଏହା ସ୍କୁଲ ଉପରେ ପଡ଼ିଥିଲା । ସ୍କୁଲ କୋଠା ଧ୍ୱଂସାବଶେଷରେ ପରିଣତ ହୋଇଥିଲା ଏବଂ ଆଖପାଖ ଅଞ୍ଚଳ ମଧ୍ୟ ଗୁରୁତର ଭାବରେ ପ୍ରଭାବିତ ହୋଇଛି ।

• ଆକ୍ରମଣ କେତେବେଳେ ଏବଂ କିପରି ହୋଇଥିଲା ?

ସ୍ଥାନୀୟ ରିପୋର୍ଟ ଅନୁଯାୟୀ, ଆକ୍ରମଣଟି ହଠାତ୍ ଘଟିଥିଲା । ଛାତ୍ରୀମାନେ ପାଠ ପଢ଼ୁଥିବାବେଳେ ଏକ ଜୋରଦାର ବିସ୍ଫୋରଣ ହୋଇଥିଲା । କିଛି ସେକେଣ୍ଡ ମଧ୍ୟରେ ଆଖି ପିଛୁଳାକେ ସମଗ୍ର ସ୍କୁଲ ଭୁଶୁଡ଼ି ପଡ଼ିଥିଲା । ଏହାପରେ ତୁରନ୍ତ ଉଦ୍ଧାରକାରୀ ଦଳ ସେଠାରେ ପହଞ୍ଚିଥିଲେ । ଘଣ୍ଟା ଘଣ୍ଟା ଧରି ଭଗ୍ନାବଶେଷ ସଫା କରିବା ଏବଂ ଲୋକଙ୍କୁ ଉଦ୍ଧାର କରିବାରେ ଲାଗିଥିଲେ ଉଦ୍ଧାରକାରୀ ଟିମ୍ । ଆହତ ଛାତ୍ରୀମାନଙ୍କୁ ତୁରନ୍ତ ଡାକ୍ତରଖାନାକୁ ପଠାଯାଇଥିଲା ।

ପଢନ୍ତୁ ଏହି ଖବର: ଇସ୍ରାଏଲ-ଇରାନ ମଧ୍ୟରେ ଭୀଷଣ ଯୁଦ୍ଧ; ବଢିଲା ଭାରତର ଟେନସନ୍

• ଇରାନର ଜବାବୀ ଆକ୍ରମଣ

ତେହେରାନ ସମେତ ଅନେକ ସହରରେ ଆକ୍ରମଣ ପରେ ଇରାନ ତୁରନ୍ତ ପ୍ରତିଶୋଧ ନେଇଛି । ଉପସାଗରୀୟ ଅଞ୍ଚଳରେ ଥିବା ଆମେରିକୀୟ ସାମରିକ ଘାଟିକୁ ଲକ୍ଷ୍ୟ କରି ଅନେକ କ୍ଷେପଣାସ୍ତ୍ର ମାଡ଼ କରାଯାଇଛି । ଇରାନ ୪୦୦ରୁ ଅଧିକ କ୍ଷେପଣାସ୍ତ୍ର ମାଡ଼ କରିଥିବା ଜଣାପଡ଼ିଛି । ଏହି ଆକ୍ରମଣଗୁଡ଼ିକ କୁୱେତ, ବାହାରିନ, ୟୁଏଇ ଏବଂ କାତାରରେ ଥିବା ଆମେରିକୀୟ ଘାଟିକୁ ଟାର୍ଗେଟ କରିଥିଲା । ରିପୋର୍ଟ ଅନୁଯାୟୀ, ଇରାନ ୟୁଏଇର ସବୁଠାରୁ ଜନବହୁଳ ସହର ଦୁବାଇ ଉପରେ ମଧ୍ୟ ଆକ୍ରମଣ କରିଥିଲା । ୟୁଏଇରେ ହୋଇଥିବା ଆକ୍ରମଣରେ ଜଣେ ବ୍ୟକ୍ତି ପ୍ରାଣ ହରାଇଛନ୍ତି ।

ଅଧିକ ଖବର ପଢନ୍ତୁ...