ତେହରାନ: ମଧ୍ୟପ୍ରାଚ୍ୟରେ ଜାରି ସଂଘର୍ଷ ଭିତରେ ରଣନୀତିରେ ପରିବର୍ତ୍ତନ ଆଣିଛି ଇରାନ । ଇରାନର ରାଷ୍ଟ୍ରପତି ମାସୁଦ ପେଜେଶକିଆନ କ୍ଷମା ପ୍ରାର୍ଥନା କରିଛନ୍ତି । ଉପସାଗରୀୟ ରାଷ୍ଟ୍ରଗୁଡ଼ିକୁ ଆକ୍ରମଣ ପାଇଁ ଇରାନ ରାଷ୍ଟ୍ରପତି କ୍ଷମା ମାଗିଛନ୍ତି ।

ଇସ୍ରାଏଲ୍ ଓ ଆମେରିକାର ଆକ୍ରମଣ ପରେ ଇରାନ ପଡ଼ୋଶୀ ଦେଶ ଉପରେ ଆକ୍ରମଣ କରିଥିଲା । ଏବେ ଇରାନ ତାର ରଣନୀତି ବଦଳାଇବା ସହ ପଡ଼ୋଶୀ ଦେଶକୁ ରାଷ୍ଟ୍ରପତି କ୍ଷମା ମାଗିଛନ୍ତି । ଇରାନ ରାଷ୍ଟ୍ରପତି ମାସୁଦ ପେଜେଶକିଆନ କହିଛନ୍ତି, "ସେପଟୁ ଆକ୍ରମଣ ନ ହେଲେ ତେହରାନ ପଡ଼ୋଶୀ ଦେଶ ଉପରେ ଆକ୍ରମଣ କରିବ ନାହିଁ ।"

ଏଥିସହ ପଢ଼ନ୍ତୁ: ସପ୍ତାହକର ଯୁଦ୍ଧ ଭିତରେ ଦୋହଲି ଗଲାଣି ଦୁନିଆ; ଆଗକୁ ପଡ଼ିବ କେଉଁ ପ୍ରଭାବ ?

ପୂର୍ବରୁ ଇରାନ ପଡ଼ୋଶୀ ଦେଶ ଉପରେ କରିଥିବା ଆକ୍ରମଣ ପାଇଁ ମାସୁଦ ପେଜେଶକିଆନ କ୍ଷମା ପ୍ରାର୍ଥନା କରିଛନ୍ତି । କହିଛନ୍ତି, "ଅନ୍ତରୀଣ ନେତୃତ୍ଵାଧୀନ କାଉନସିଲ୍ ପଡ଼ୋଶୀ ଦେଶ ଉପରେ ଆକ୍ରମଣ ନ କରିବା ଲାଗି ନିଷ୍ପତ୍ତି ନେଇଛି । ସେପଟେ କୌଣସି ଆକ୍ରମଣ ନ ହେଲେ ଆମେ ମିସାଇଲ୍ ମାଡ଼ କରିବୁ ନାହିଁ ।"

ତେବେ ଇରାନ କାହା ନିକଟରେ ମୁଣ୍ଡ ନୁଆଇଁ ଆତ୍ମସମର୍ପଣ କରିବ ନାହିଁ । ଶତ୍ରୁ ଆଶା କରୁଥିବା ଇରାନ ନାଗରିକଙ୍କ ସମର୍ପଣ ଇଚ୍ଛାକୁ କବର୍ ଦେଇ ଦିଅନ୍ତୁ । ଏଭଳି କଡ଼ା ଶବ୍ଦ କହି ଆମେରିକାର ଦାବିକୁ ଅଗ୍ରାହ୍ୟ କରି ଦେଇଛନ୍ତି ଇରାନ ରାଷ୍ଟ୍ରପତି ମାସୁଦ ପେଜେଶକିଆନ ।

ସପ୍ତାହେ ଧରି ଯୁଦ୍ଧ ଚାଲିଥିବା ବେଳେ ଇରାନର ସର୍ବୋଚ୍ଚ ନେତା ଅୟାତୋଲ୍ଲା ଅଲୀ ଖାମେନେଇଙ୍କୁ ହତ୍ୟା କରିଛି ଇସ୍ରାଏଲ୍ ଓ ଆମେରିକା । ଯାହାକୁ ନେଇ ଉପସାଗରୀୟ ଦେଶ ଦୁବାଇ, ଆବୁଧାବି, କତାର, କୁଏତ, ବାହାରିନ୍ ଭଳି ଦେଶରେ ଘନ ଘନ ମିସାଇଲ୍ ମାଡ଼ ହେଉଛି ।

ଏଥିସହ ପଢ଼ନ୍ତୁ: ଯୁଦ୍ଧ କରି କେତେ ଦେଶଙ୍କୁ ବର୍ବାଦ କରିଛି ଆମେରିକା? ତାଲିକାରେ କେଉଁଠି ରହିଛି ଇରାନ୍?

ଫେବ୍ରୁଆରୀ ୨୮ ତାରିଖରେ ଇରାନ ଉପରେ ଇସ୍ରାଏଲ୍ ଓ ଆମେରିକା ମିଳିତ ଆକ୍ରମଣ କରିଥିଲେ । ଇରାନ ପରମାଣୁ କାର୍ଯ୍ୟକଳାପରେ ଲିପ୍ତ ଥିବା ଅଭିଯୋଗରେ ଆକ୍ରମଣ କରଥିଲା ଆମେରିକା ଓ ଇସ୍ରାଏଲ୍ । ଯାହାର ନାଁ ଥିଲା ଅପରେସନ୍ ଏପିକ୍ ଫ୍ୟୁରି ।

ଇରାନର ସର୍ବୋଚ୍ଚ ନେତା ଖାମେନେଇ ବାସଭବନରେ ଥିବା ବେଳେ ଇସ୍ରାଏଲ୍-ଆମେରିକା ମିଳିତ ବାବେ ତେହରାନ ଉପରେ ଆକ୍ରମଣ କରିଥିଲେ । ଯେଉଁଥିରେ ଖାମେନେଇଙ୍କ ସହ ତାଙ୍କ ଝିଅ, ଜ୍ଵାଇଁ, ନାତୁଣୀ ନିହତ ହୋଇଥିଲେ । ଗୁରୁତର ଖାମେନେଇଙ୍କ ପତ୍ନୀ ମାନସୋରେହ ଖୋଜାସ୍ଥେ ମଧ୍ୟ ପରେ ପ୍ରାଣ ହରାଇଛନ୍ତି ।