ପାକିସ୍ତାନ ଅଧିକୃତ କାଶ୍ମୀରରେ ତୀବ୍ର ହେଉଛି ଅଶାନ୍ତି । ଏବେ ପାକିସ୍ତାନ ସରକାର ବିରୋଧରେ ରାଜରାସ୍ତାକୁ ଓହ୍ଲାଇଛନ୍ତି ଶହ ଶହ ଲୋକ । ପାକିସ୍ତାନ ସେନା ହାତରେ ପ୍ରତିଦିନ ହଜାର ହଜାର ଲୋକଙ୍କ ଜୀବନ ଯାଉଛି । ଏପରି ସ୍ଥିତିରେ PoKର ବିରୋଧ ପ୍ରଦର୍ଶନର ନେତୃତ୍ଵ ନେଉଥିବା ଜଏଣ୍ଟ ଆୱାମି ଆକ୍ସନ କମିଟି (JAAC)ର ନେତା ସର୍ଦ୍ଦାର ଅମନ ଖାନ ଭାରତଠାରୁ ସାହାଯ୍ୟ ଲୋଡ଼ିଛନ୍ତି । ପାକିସ୍ତାନ ସରକାର ବିରୋଧ ପ୍ରଦର୍ଶନକୁ ରୋକିବା ଲାଗି ଏହି ଅଞ୍ଚଳରେ ଅର୍ଥନୈତିକ ଅବରୋଧ କରିଛନ୍ତି । ଏପରି ସ୍ଥିତିରେ ମାନବିକତା ଦୃଷ୍ଟିରୁ ଭାରତ ସହାୟତା ପଠାଉ ବୋଲି କହିଛନ୍ତି ଅମନ ।

ଏଠାରେ କହିରଖୁଛୁ କି, ଅର୍ଥନୈତିକ ଅବରୋଧରେ ଏକ ନିର୍ଦ୍ଦିଷ୍ଟ ଅଞ୍ଚଳରେ ଆର୍ଥିକ କାରବାର, ବାଣିଜ୍ୟ, ଏବଂ ଅତ୍ୟାବଶ୍ୟକ ସାମଗ୍ରୀ ଯୋଗାଣକୁ ଜୋରଜବରଦସ୍ତି ବା ବାଧ୍ୟତାମୂଳକ ଭାବେ ବନ୍ଦ କରାଯାଇଥାଏ । ପାକିସ୍ତାନ ଅଧିକୃତ କାଶ୍ମୀରରେ ଏବେ ସମାନ ଅବସ୍ଥା । PoK ପାକିସ୍ତାନ ବିରୋଧରେ ସ୍ଵର ଉତ୍ତୋଳନ କରିଥିବାରୁ ଏହି ଅଞ୍ଚଳରେ ଅର୍ଥନୈତିକ ଅବରୋଧ କରାଯାଇଛି । ଏଣୁ JAACର ମୁଖ୍ୟ ଅମନ ଖାନ ଭାରତଠାରୁ ସହାୟତା ଲୋଡ଼ିଛନ୍ତି ଏବଂ ଲାଇନ୍ ଅଫ୍ କଣ୍ଟ୍ରୋଲ (LoC) ଖୋଲିବାକୁ ଅନୁରୋଧ କରିଛନ୍ତି । ତାଙ୍କର କହିବା କଥା ହେଉଛି, ଯଦି ଆଗକୁ ସ୍ଥିତି ଆହୁରି ବିଗିଡିଯାଏ ତେବେ ସାଧାରଣ ଲୋକେ ଭାରତରେ ଆଶ୍ରୟ ନେବେ ।

• 'ଆମକୁ ଭାରତର ସାହାଯ୍ୟ ଆବଶ୍ୟକ'

ସୋସିଆଲ ମିଡିଆରେ ଅମନ ଖାନଙ୍କ ଏକ ଭିଡିଓ ଖୁବ ଭାଇରାଲ ହେବାରେ ଲାଗିଛି, ଯେଉଁଥିରେ ସେ କହୁଛନ୍ତି, "ଆମକୁ ଭାରତର ସାହାଯ୍ୟ ଆବଶ୍ୟକ । ଏଠାରେ ରାସନ ସାମଗ୍ରୀର ଅଭାବ.. ।" ସେ କହିଛନ୍ତି ଯେ PoK ପାକିସ୍ତାନ ସୁରକ୍ଷା ବଳ ବିରୋଧରେ ପ୍ରଦର୍ଶନକୁ ଜୋରଦାର କରିବା ପରେ ପାକିସ୍ତାନ ସରକାର ଏହି ଅଞ୍ଚଳରେ ଖାଦ୍ୟ ଓ ଔଷଧ ସାମଗ୍ରୀର ଅଭାବ ସୃଷ୍ଟି କରିଛି । ରାୱଲକୋଟରେ ଜମିଥିବା ଭିଡ଼କୁ ଯେତେବେଳେ ଅମନ ଖାନ ବାରମ୍ବାର ପଚାରିଥିଲେ ଯେ, 'କଣ ଆମକୁ LoC ଆଡ଼କୁ ବଢିବା ଦରକାର ?' ତେବେ ରୁଣ୍ଡ ହୋଇଥିବା ଲୋକେ ବାରମ୍ବାର ଏଥିପ୍ରତି ସମ୍ମତି ଜଣାଇଥିବା ଭିଡିଓରେ ଦେଖିବାକୁ ମିଳିଛି ।

"Help Us, India": PoJK Protesters Make Direct Appeal Amid Food Shortage

On the 26th day of protests, one of the main protest leaders, Sardar Aman Khan, appealed to the people across the Line of Control and to India for help, alleging that Pakistan has blocked food and medicine… pic.twitter.com/DRg3z2AlrL

— OsintTV 📺 (@OsintTV) July 5, 2026

• କାହିଁକି PoKରେ ଅଶାନ୍ତି ?

କାଶ୍ମୀରର ଯେଉଁ ଭାଗକୁ ପାକିସ୍ତାନ ଦଖଲ କରିଛି ବା PoKରେ ଗତ କିଛି ମାସ ଧରି ପାକ୍ ସରକାର ବିରୋଧରେ ପ୍ରଦର୍ଶନ କରାଯାଉଛି । ପିଓକେ ପାକିସ୍ତାନର ଅଂଶବିଶେଷ ନୁହଁ ବୋଲି ବାରମ୍ବାର ଦାବି କରିଥିଲେ ଏବଂ ସେମାନଙ୍କୁ ସ୍ଵାଧୀନତା ଆବଶ୍ୟକ ବୋଲି କହିଥିଲେ । କିଛି ଅବ୍ୟବସ୍ଥାକୁ ନେଇ ବିରୋଧ ପ୍ରଦର୍ଶନ ଆରମ୍ଭ ହୋଇଥିଲେ ସୁଦ୍ଧା, ଏବେ ଏଠାକାର ବାସିନ୍ଦା ପାକିସ୍ତାନଠାରୁ ସ୍ଵାଧୀନତା ଚାହୁଁଥିବା ଖୋଲାଖୋଲି ଦାବି କରୁଛନ୍ତି ।

ପଢନ୍ତୁ ଏହି ଖବର: 'PoK ପାକିସ୍ତାନର ନୁହଁ'; ତୀବ୍ର ହେବାରେ ଲାଗିଛି ପାକ୍ ଅଧିକୃତ କାଶ୍ମୀରବାସୀଙ୍କ ପ୍ରତିବାଦ

• କଣ କହୁଛନ୍ତି କୂଟନୈତିକ ବିଶେଷଜ୍ଞ ?

କୂଟନୈତିକ ବିଶେଷଜ୍ଞଙ୍କ କହିବାନୁସାରେ, ପିଓକେରେ ଦେଖାଯାଇଥିବା ରାଜନୈତିକ ସଙ୍କଟ, ସ୍ଥାନୀୟ ବାସିନ୍ଦା ଓ ସ୍ଥାନୀୟ ପ୍ରଶାସନ ମଧ୍ୟରେ ଥିବା ଅବିଶ୍ଵାସକୁ ଦର୍ଶାଉଛି କାରଣ ଏହି ପ୍ରଶାସନ ସମ୍ପୂର୍ଣ୍ଣ ଭାବେ ଇସଲାମବାଦ ଦ୍ଵାରା ନିୟନ୍ତ୍ରିତ ହେଉଛି । ଗତ ଜୁନ ୫ ତାରିଖରେ ପାକିସ୍ତାନୀ ଅଧିକାରୀଙ୍କ ଦ୍ଵାରା JAACକୁ ଅବୈଧ ଘୋଷଣା କରିବା ଓ ତୃଣମୂଳ ସ୍ତରରେ କାମ କରୁଥିବା ସଂଗଠନଗୁଡ଼ିକୁ ଆତଙ୍କବାଦୀ ସଂଗଠନ ଘୋଷଣା କରିବା ପରେ PoKରେ ଅଶାନ୍ତି ଆହୁରି ବୃଦ୍ଧି ପାଇଛି ।