ପାକ୍ ଅଧିକୃତ କାଶ୍ମୀର (ପିଓକେ)ର ଲୋକଙ୍କ ବିଦ୍ରୋହ ତୀବ୍ର ହେବାରେ ଲାଗିଛି । ପାକିସ୍ତାନ ସେନା ମୁଖ୍ୟଙ୍କୁ ଭୟ କରିବା ଅପେକ୍ଷା ସେମାନେ ଖୋଲାଖୋଲି କହିଛନ୍ତି ଯେ କାଶ୍ମୀର ପାକିସ୍ତାନର ଅଂଶ ନୁହେଁ। ପିଓକେର ରାୱାଲାକୋଟରେ ପାକିସ୍ତାନ ସରକାର ଏବଂ ସେନା ବିରୋଧରେ ଚାଲିଥିବା ପ୍ରତିବାଦର ଏକ ନୂଆ ଭିଡିଓରେ ଏହା ଦେଖିବାକୁ ମିଳିଛି । ପିଓକେରେ କୌଣସି ଏକଛତ୍ରବାଦୀ (ସେନା ମୁଖ୍ୟ ଅସୀମ ମୁନିରଙ୍କୁ ସହ୍ୟ କରାଯିବନାହିଁ ବୋଲି ସେମାନେ କହିଛନ୍ତି ।

ଏହି ଭିଡିଓରେ ପିଓକେର ଜଣେ କାଶ୍ମୀରୀ, ପାକିସ୍ତାନୀ ସେନାକୁ ସ୍ପଷ୍ଟ ଭାବରେ କହୁଛନ୍ତି ଯେ ଯଦି ସେମାନଙ୍କର ଅତ୍ୟାଚାର ବନ୍ଦ ନହୁଏ, ତେବେ ସେମାନେ ଅନ୍ୟ ଏକ ଉପାୟ ଖୋଜିବେ । ଏହା ପରୋକ୍ଷରେ ଇଙ୍ଗିତ କରିଛି ସେମାନେ ଭାରତର ସମର୍ଥନ ଲୋଡ଼ିବେ । ବିଦ୍ରୋହୀ କାଶ୍ମୀରୀଙ୍କ ଏହି ଭିଡିଓ ଏପରି ଏକ ସମୟରେ ସାମ୍ନାକୁ ଆସିଛି ଯେତେବେଳେ ପିଓକେରେ ପାକିସ୍ତାନ ବିରୋଧରେ ପ୍ରତିବାଦ ଦିନକୁ ଦିନ ତୀବ୍ର ହେବାରେ ଲାଗିଛି ।

• ଭିଡିଓରେ କ’ଣ କୁହାଯାଇଥିଲା?

ଏହି ଭିଡିଓରେ ପିଓକେର ବିଦ୍ରୋହୀ କାଶ୍ମୀରୀ କହିଛନ୍ତି, "ସେମାନେ କାଶ୍ମୀରୀଙ୍କ ପାଇଁ ରାସନ ବନ୍ଦ କରିବାକୁ ଧମକ ଦେଉଛନ୍ତି । ମୁଁ କହୁଛି, ଆମକୁ ତୁମର ରାସନ ଆବଶ୍ୟକ ନାହିଁ । ତୁମକୁ ଆମର ଆବଶ୍ୟକ । ଦୟାକରି ବିଚାରଶୀଳ ହୁଅ, ତୁମକୁ ଆମର ଆବଶ୍ୟକ । ଏମିତି ଧମକ ଦେଲେ ଏପରି ନହେଉ ଯେ ଅନ୍ୟ ରାସ୍ତା ଖୋଲିବ ଏବଂ ତା'ପରେ ତୁମେ ଆମକୁ ଭିକ୍ଷା ମାଗିବ । ଏହା ହୋଇପାରେ ଯେ ଆମେ ଅନ୍ୟ କୌଣସି ରାସ୍ତା ଗ୍ରହଣ କରୁ । ତେଣୁ ଅନୁରୋଧ ହେଉଛି ଯେ ପରିସ୍ଥିତି ସ୍ୱାଭାବିକ ହେଉ । ଏଠାରେ ଆମେ କୌଣସି ଏକଛତ୍ରବାଦୀଙ୍କୁ ଗ୍ରହଣ କରୁନାହୁଁ । କାଶ୍ମୀରର ଲୋକମାନେ କୌଣସି ଏକଛତ୍ରବାଦୀଙ୍କୁ ଗ୍ରହଣ କରିବେ ନାହିଁ ।"

*RAWALAKOT ROARS:* "PoJK Is Not Part of Pakistan" Thousands defy Islamabad. Sit-in at LoC since 9 June. Aman Khan: "If Pakistan blocks food, PoK's borders could open. Islamabad will beg PoK to stay." @CMShehbaz oppression has consequences.
@UN @POTUS @narendramodi… pic.twitter.com/GhI0XWjwDk

— 🇮🇳Bhartiyavibhooti🇮🇳 (@Bhartiyavibhoti) June 30, 2026

• ୨୨ଦିନରେ ପହଞ୍ଚିଲା ପ୍ରଦର୍ଶନ

ମଙ୍ଗଳବାର ଦିନ ପ୍ରଦର୍ଶନ ୨୨ତମ ଦିନରେ ପହଞ୍ଚିବା ପରେ ପାକିସ୍ତାନ-ଶାସିତ କାଶ୍ମୀରର ରାୱାଲାକୋଟରେ ହଜାର ହଜାର ପ୍ରଦର୍ଶନକାରୀ ଇସଲାମାବାଦର ଏହି ଅଞ୍ଚଳ ଉପରେ ନିୟନ୍ତ୍ରଣକୁ ବିରୋଧ କରିଥିଲେ । ଇଦଗାହ ଗ୍ରାଉଣ୍ଡରେ ପ୍ରଦର୍ଶନ ସମୟରେ ଜଣେ କାଶ୍ମୀରୀ ଦାବି କରିଥିଲେ ଯେ ଏହି ଅଞ୍ଚଳକୁ ଆଉ ପାକିସ୍ତାନ ନିୟନ୍ତ୍ରଣରେ ରଖିବା ଉଚିତ୍ ନୁହେଁ ଏବଂ ଭାରତ ସହିତ ଦୃଢ଼ ସମ୍ପର୍କ ସ୍ଥାପନ କରିବା ବିଷୟରେ ଚେତାବନୀ ଦେଇଥିଲେ ।

• କାହିଁକି ହେଉଛି ବିରୋଧ ?

ଶାସନ, ଆର୍ଥିକ ସଙ୍କଟ, ମୁଦ୍ରାସ୍ଫୀତି ଏବଂ ପ୍ରଶାସନିକ ଅବହେଳା ବିଷୟରେ ଦୀର୍ଘକାଳୀନ ଚିନ୍ତାଧାରାକୁ ସମାଧାନ କରିବା ପାଇଁ ଏହି ପାକ୍ ଅଧିକୃତ କାଶ୍ମୀରୀବାସୀ ବିରୋଧ ପ୍ରଦର୍ଶନ କରୁଛନ୍ତି । ବିରୋଧ ପ୍ରଦର୍ଶନ ପରେ ଏହି ଅଞ୍ଚଳବାସୀଙ୍କୁ ଯେପରି କେହି ଯୋଗାଯୋଗ କରିପାରିବେ ନାହିଁ ଏବଂ ପ୍ରତିବାଦ ସମ୍ପର୍କରେ ଜନସଚେତନତାକୁ ସୀମିତ କରିବାକୁ ଗତ ଜୁନ ୫ ତାରିଖରୁ ଏହି ଅଞ୍ଚଳ ଇଣ୍ଟରନେଟ୍ ବନ୍ଦ ରଖିଛି ପାକିସ୍ତାନ ସରକାର । ନାଗରିକ ଅଧିକାର କର୍ମୀ ତଥା ସ୍ଥାନୀୟ ସର୍ଦ୍ଦାର ଅମାନ ଖାନଙ୍କ ସମେତ ଅନ୍ୟ ବ୍ୟକ୍ତିବିଶେଷଙ୍କ ନେତୃତ୍ୱରେ ଏହି ପ୍ରତିବାଦ ଚାଲିଛି ।

• 'ପାକ୍ ଅଧିକୃତ କାଶ୍ମୀର ପାକିସ୍ତାନର ଅଂଶ ନୁହଁ'

ଅମାନ ଖାନ ତାଙ୍କ ଭାଷଣରେ କହିଥିଲେ ଯେ ପାକିସ୍ତାନ-ଶାସିତ କାଶ୍ମୀର ପାକିସ୍ତାନର ଅଂଶ ନୁହେଁ ଏବଂ ଦାବି କରିଥିଲେ ଯେ ସେମାନଙ୍କୁ ପାକିସ୍ତାନର ନୁହଁ, ବରଂ ପାକିସ୍ତାନକୁ ଏହି ଅଞ୍ଚଳର ଅଧିକ ଆବଶ୍ୟକ । ବିଭିନ୍ନ ଅବ୍ୟବସ୍ଥା ପରେ ଗତ ଜୁନ ୯ ତାରିଖରୁ, ନିୟନ୍ତ୍ରଣ ରେଖା (LoC) ନିକଟରେ ଧାରଣା ଜାରି ରହିଛି । ପ୍ରଦର୍ଶନ ସମୟରେ, ଖାନ ସମର୍ଥକମାନଙ୍କୁ କହିଥିଲେ ଯେ ଯଦି ଖାଦ୍ୟ ଏବଂ ଅନ୍ୟାନ୍ୟ ଆବଶ୍ୟକୀୟ ସାମଗ୍ରୀ ଉପରେ କଟକଣା ଜାରି ରହେ, ତେବେ ଏହି ଅଞ୍ଚଳର ଲୋକମାନେ ସାହାଯ୍ୟ ପାଇଁ ଭାରତ ଆଡ଼କୁ ଚାହିଁପାରନ୍ତି । ଏପରିକି ଏହି ଅଞ୍ଚଳର ବାସିନ୍ଦାମାନେ ପାକିସ୍ତାନ ସେନା ମୁଖ୍ୟ ଅସୀମ ମୁନିରଙ୍କୁ ପ୍ରତ୍ୟାଖ୍ୟାନ କରିଛନ୍ତି ଏବଂ କହିଛନ୍ତି ଯେ ସେମାନେ ଜଣେ ଏକଛତ୍ରବାଦୀଙ୍କୁ ସହ୍ୟ କରିବେ ନାହିଁ ।