Black Bear Alert / ପୁଣି ମାତିଲା ମଣିଷ ଖିଆ କଳା ଭାଲୁ, ଦୁଇ ଦିନ ପାଇଁ ସବୁ ସ୍କୁଲ୍ ଛୁଟି

ନୂଆଦିଲ୍ଲୀ: ସହରରେ ଭାଲୁ ବୁଲୁଛି । କେତେବେଳେ ସ୍କୁଲ୍ କ୍ୟାମ୍ପସ୍‌ରେ ପଶୁଛି ତ ଆଉ କେବେ ବିଶ୍ଵବିଦ୍ୟାଳୟ ନିକଟରେ । ଯେଉଁଥିପାଇଁ ଦୁଇ ଦିନ ହେଲାଣି ସହରର ସମସ୍ତ ସ୍କୁଲ୍‌କୁ ବନ୍ଦ ରଖା ଯାଇଛି ।

ସୂଚନା ଅନୁସାରେ, ଦୁନିଆର ସବୁଠୁ ବିକଶିତ ଦେଶ ଜାପାନରେ ଭାଲୁ ପାଇଁ ବନ୍ଦ ରହିଛି ବିଦ୍ୟାଳୟ । ଜାପନର ଉତ୍ସୁନୋମିୟା ସହରରେ ମଣିଷ ଖିଆ କଳା ଭାଲୁ ବୁଲୁଛି । ଆଉ ଭାଲୁ ପାଇଁ ସରକାର ସେଠାକ ୯୪ଟି ସ୍କୁଲ୍‌କୁ ଛୁଟି କରି ଦେଇଛନ୍ତି ।

ଏଥିସହ ପଢ଼ନ୍ତୁ: ହଠାତ୍ ପାଦ ତଳୁ ମାଟି ଖସିଗଲା; ବାସ୍ତବତା ଜାଣି ମୁଣ୍ଡରେ ହାତ ଦେଲେ ଯୁବକ 

ଉତ୍ସୁନୋମିୟାରେ ମଙ୍ଗଳବାର ଦ୍ଵିତୀୟ ଦିନ ମଧ୍ୟ କଳା ଭାଲୁକୁ ଖୋଜିବା କାର୍ଯ୍ୟ ଜାରି ରହିଛି । ବିଗତ କିଛିଦିନ ମଧ୍ୟରେ ମଣିଷ ଖିଆ କଳା ଭାଲୁକୁ ଲୋକେ ୧୨ରୁ ଅଧିକ ଥର ଦେଖିଲେଣି । ସମ୍ଭାବ୍ୟ ବିପଦକୁ ଏଡ଼ାଇବା ଲାଗି ସତର୍କତାମୂଳକ ଭାବେ ସ୍କୁଲ୍‌କୁ ଦ୍ଵିତୀୟ ଦିନ ମଧ୍ୟ ବନ୍ଦ ରଖା ଯାଇଛି ।

ନ୍ୟୁଜ୍ ଏଜେନ୍ସି ରୟଟର୍ସ ରିପୋର୍ଟ ଅନୁସାରେ, ବୁଲୁଥବା ବୟସ୍କ ଭାଲୁର ଓଜନ ପ୍ରାୟ ୧୦୦ କେଜି ହେବ । ସ୍ଥାନୀୟ ପ୍ରଶାସନ ଅନୁସାରେ, ଲୋକେ ଶେଷଥର ପାଇଁ ଭାଲୁଟିକୁ ମଙ୍ଗଳବାର ସକାଳେ ବିଶ୍ଵବିଦ୍ୟାଳୟ କ୍ୟାମ୍ପସ୍ ଠାରୁ ୭୦୦ ମିଟର ଦୂରରେ ଦେଖିଥିଲେ ।

ଏହା ପୂର୍ବରୁ ଭାଲୁଟି ଶନିବାର ଦେଖା ଯାଇଥିଲା । ତେବେ ଜାପାନର ଉତ୍ସୁନୋମିୟା ସହରରେ ଭାଲୁ ଦେଖାଯିବାର ଏହା ପ୍ରଥମ ଘଟଣା । ଉତ୍ସୁନୋମିୟା ସହର ଜାପାନର ରାଜଧାନୀ ଟୋକିଓ ଠାରୁ ଉତ୍ତରରେ ୧୦୦ କିଲୋମିଟର ଦୂରରେ ଅବସ୍ଥିତ ।

ଏଥିସହ ପଢ଼ନ୍ତୁ: ପୃଥିବୀ ଆଡ଼କୁ ମାଡ଼ିଆସୁଛି ଭୟଙ୍କର ସୌରଝଡ଼…ଭାରତରେ ଦେଖାଯିବ ଅଦ୍ଭୁତ ଆଲୋକମାଳା

ଜାପାନରେ ବଢ଼ୁଛି ଭାଲୁଙ୍କ ଆକ୍ରମଣ

ଏବେର ସମୟରେ ଜାପାନରେ ଭାଲୁ ଆକ୍ରମଣ ବୃଦ୍ଧି ପାଇଛି । ଭାଲୁ ସହରକୁ ପଶି ଆସୁଛନ୍ତି । ଫଳରେ ସରକାର ଭାଲୁଙ୍କ ନିୟନ୍ତ୍ରଣ ଲାଗି ଏକ ସ୍ଵତନ୍ତ୍ର ଟାସ୍କ ଫୋର୍ସ ଗଠନ କରିଛନ୍ତି । ଜାପାନର ପରିବେଶ ମନ୍ତ୍ରଣାଳୟ ଅନୁସାରେ, ୨୦୨୫ ଆର୍ଥିକ ବର୍ଷରେ ଭାଲୁ ଆକ୍ରମଣରେ ରେକର୍ଡ ୨୩୮ ଲୋକ ପ୍ରଭାବିତ ହୋଇଥିବା ବେଳେ ୧୩ ଜଣଙ୍କ ମୃତ୍ଯୁ ହୋଇଛି ।

ବିଶେଷଜ୍ଞଙ୍କ ଅନୁସାରେ, ଜଳବାୟୁ ପରିବର୍ତ୍ତନ କାରଣରୁ ଭାଲୁମାନଙ୍କ ବାସସ୍ଥଳୀ ପ୍ରଭାବିତ ହୋଇଛି । ପ୍ରାକୃତିକ ଖାଦ୍ୟ ଯଥେଷ୍ଟ ହ୍ରାସ ପାଇଛି । ଏହା ସହ ଗାଁର ଲୋକଙ୍କ ପଳାୟନ ଓ ଜମି ଚାଷ ନ ହୋଇ ଖାଲି ପଡ଼ିବା ଦ୍ଵାରା ଭାଲୁ ଖାଦ୍ୟ ଅନ୍ଵେଷଣରେ ଜନବସତି ଆଡ଼କୁ ଚାଲି ଆସୁଛନ୍ତି ।