Kim Jong Un / ସାଉଥ୍ କୋରିଆ ଓ ଆମେରିକାକୁ ଧମକାଉଥିବା କିମ୍ ଜୋଙ୍ଗ ସଙ୍କଟରେ; କଣ ହେଲା ଜାଣନ୍ତୁ

ସାରା ବିଶ୍ଵକୁ ପରମାଣୁ ଅସ୍ତ୍ରଶସ୍ତ୍ରର ଭୟ ଦେଖାଉଥିବା ଦକ୍ଷିଣ କୋରିଆ ନେତା କିମ୍ ଜୋଙ୍ଗ ଉନ୍ ଏବେ ନିଜ ସ୍ଵାସ୍ଥ୍ୟକୁ ନେଇ ଚର୍ଚ୍ଚାରେ ଅଛନ୍ତି । ଦକ୍ଷିଣ କୋରିଆର ଏକ ଏଜେନ୍ସିର ତାଜା ରିପୋର୍ଟ ଅନୁସାରେ, କିମଙ୍କ ଓଜନ ୧୪୦କେଜି ପାର କରିଛି । ଏବେ ସେ ହାର୍ଟ ଜନିତ ବିପଦ ଶ୍ରେଣୀର ରୋଗରେ ପୀଡ଼ିତ । ଉତ୍ତର କୋରିଆର ଏହି ଏକଛତ୍ରବାଦ ଶାସକଙ୍କ ସ୍ଵାସ୍ଥ୍ୟକୁ ନେଇ ଏବେ ପୁଣି ଅନ୍ତର୍ଜାତୀୟ ସ୍ତରରେ ଚର୍ଚ୍ଚା ହେଉଛି ।

ଦକ୍ଷିଣ କୋରିଆର ଜାତୀୟ ଗୁଇନ୍ଦା ସଂସ୍ଥା ଆକଳନ କରିଛି ଯେ କିମ୍ ଜୋଙ୍ଗ ଉନ୍ 'ଅତ୍ୟଧିକ ମୋଟାପଣ' ଶ୍ରେଣୀ ଭିତରେ ଆସୁଛନ୍ତି ଓ ତାଙ୍କର ଓଜନ ଏବେ ୧୪୦ କିଲୋଗ୍ରାମରୁ ଅଧିକ ହୋଇସାରିଛି । ରିପୋର୍ଟ ଅନୁସାରେ ଏବେ ତାଙ୍କର ଶାରୀରିକ ସ୍ଥିତି ତାଙ୍କୁ ହାର୍ଟ ଜନିତ ରୋଗ ଓ ଭୟଙ୍କର ରୋଗ ଶ୍ରେଣୀରେ ଅନ୍ତର୍ଭୁକ୍ତ କରିଛି । ଦକ୍ଷିଣ କୋରିଆର ସାଂସଦ ୟୁନ କୁନ୍-ୟଙ୍ଗ ଗୁଇନ୍ଦା ଏଜେନ୍ସିକୁ ସୂଚନା ଦେଇଛି ଯେ କିମ୍ ଦୀର୍ଘ ଦିନ ଧରି ଧୂମ୍ରପାନ କରୁଛନ୍ତି ଓ ଏବେ ମୋଟାପଣ ଜନିତ ରୋଗରେ ପୀଡ଼ିତ । ସେପଟେ ଏଜେନ୍ସି କହିଛି ଯେ କିମ୍ ସିଡି ଚଢୁଥିବାବେଳେ ଜୋରରେ ଚାଲୁଛନ୍ତି ମଧ୍ୟ । ତାଙ୍କ ଗତିବିଧିରେ ସେପରି କୌଣସି ପରିବର୍ତ୍ତନ ଦେଖାଯାଇନାହିଁ । ତଥାପି ଏକ ସ୍ଵତନ୍ତ୍ର ମେଡିକାଲ ଟିମ ତାଙ୍କ ନିକଟରେ ଉପସ୍ଥିତ ରହୁଛନ୍ତି ।

• କାହିଁକି କିମ୍‌ଙ୍କ ସ୍ଵାସ୍ଥ୍ୟକୁ ନେଇ ଚିନ୍ତା ବଢୁଛି ?

ଉତ୍ତର କୋରିଆରେ ଏକଛତ୍ରବାଦ ଶାସନ ଚାଲିଆସୁଛି । କିମଙ୍କ ପରିବାର ଏହି ଶାସନର ମୁଖ୍ୟ । ଏବେ ଉତ୍ତର କୋରିଆର ଶାସନଭାର କିମ୍ ସମ୍ଭାଳୁଛନ୍ତି । ଏଣୁ ଯଦି ହଠାତ୍ ତାଙ୍କ ସ୍ଵାସ୍ଥ୍ୟାବସ୍ଥା ବିଗୁଡିଛି କିମ୍ବା କୌଣସି ଅପ୍ରତ୍ୟାଶିତ ଘଟଣା ଘଟୁଛି ତେବେ ଦେଶର ଶାସନ ହସ୍ତାନ୍ତର ଓ ଦେଶର ସ୍ଥିରତାକୁ ନେଇ ପ୍ରଶ୍ନ ଉଠିପାରେ । ଉତ୍ତର କୋରିଆ ଏକ ପରମାଣୁ ସମ୍ପନ୍ନ ଦେଶ ହୋଇଥିବାରୁ, ସେଠାରେ ନେତୃତ୍ଵରେ ପରିବର୍ତ୍ତନ ଉପରେ ପୁରା ଦୁନିଆର ନଜର ରହିଛି ।

ପଢନ୍ତୁ ଏହି ଖବର: କୁଆଡ଼େ ଗଲେ ଡିକ୍ଟେକ୍ଟର କିମ୍ ଜୋଙ୍ଗ ଉନ୍ ? ଆସୁନାହାନ୍ତି ନଜର, କେବେ ଏମିତି ହୋଇନି

ତେବେ ଏହା ପ୍ରଥମ ଥର ନୁହେଁ ଯେ, ଯେତେବେଳେ କିମ୍ ଜୋଙ୍ଗ ଉନ୍‌ଙ୍କ ସ୍ଵାସ୍ଥ୍ୟକୁ ନେଇ ଚିନ୍ତା ପ୍ରକଟ କରାଯାଉଛି । ଏହା ପୂର୍ବରୁ ୨୦୨୦ ମସିହାରେ ମଧ୍ୟ ତାଙ୍କ ଦାଦା ଓ ଉତ୍ତର କୋରିଆର ପ୍ରତିଷ୍ଠାତା କିମ୍ ଇଲ୍ ସୁଙ୍ଗଙ୍କ ଜୟନ୍ତୀ ପରି ଗୁରୁତ୍ଵପୂର୍ଣ୍ଣ କାର୍ଯ୍ୟକ୍ରମରେ କିମ୍ ସାମିଲ ହୋଇନଥିଲେ । ଏହାପରେ ସେ ପ୍ରାୟ ୨୦ ଦିନ ପର୍ଯ୍ୟନ୍ତ ସର୍ବସାଧାରଣ ନଜରରୁ ଦୂରେଇ ଯାଇଥିଲେ । ଏହି ସମୟରେ ମିଡିଆରେ କିମ୍‌ଙ୍କ ସ୍ଵାସ୍ଥ୍ୟାବସ୍ଥାକୁ ନେଇ ବେଶ ଚର୍ଚ୍ଚା ହୋଇଥିଲା । କିନ୍ତୁ ପରବର୍ତ୍ତୀ ସମୟରେ ସେ ସର୍ବସାଧାରଣ କାର୍ଯ୍ୟକ୍ରମରେ ନଜର ଆସିଥିଲେ ଓ ଏହି ଚର୍ଚ୍ଚା ଉପରେ ବିରାମ ଲାଗିଥିଲା ।

• କିମ୍‌ଙ୍କ ପୂର୍ବଜଙ୍କ ଏପରି ହୋଇଥିଲା ମୃତ୍ୟୁ

କିମ୍ ଜୋଙ୍ଗଙ୍କ ପରିବାରର ସ୍ଵାସ୍ଥ୍ୟ ରେକର୍ଡ ପ୍ରାୟତଃ ଚର୍ଚ୍ଚାରେ ରୁହେ । ତାଙ୍କ ପିତା କିମ୍ ଜୋଙ୍ଗ ଇଲ୍ ଓ ଦାଦା କିମ୍ ଇଲ୍ ସୁଙ୍ଗ ଉଭୟଙ୍କୁ ମୋଟାପଣ ଓ ଧୂମ୍ରପାନର ଅଭ୍ୟାସ ଥିଲା । ଉଭୟଙ୍କ ମୃତ୍ୟୁ ହାର୍ଟ ଆଟାକ୍ ଯୋଗୁଁ ହୋଇଥିଲା । ଏଥିଲାଗି ବିଶେଷଜ୍ଞ ଦଳ କିମ୍ ଜୋଙ୍ଗ ଉନ୍‌ଙ୍କ ସ୍ଵାସ୍ଥ୍ୟାବସ୍ଥାକୁ ଗୁରୁତର ସହକାରେ ନେଇଛନ୍ତି । ଗୋଟିଏ ପଟେ ଉତ୍ତର କୋରିଆର ବର୍ଷ ବର୍ଷ ଧରି ଆର୍ଥିକ ସଙ୍କଟ, ଅନ୍ତର୍ଜାତୀୟ ପ୍ରତିବନ୍ଧକ ଓ ଖାଦ୍ୟ ସଙ୍କଟ ପରି ସମସ୍ଯା ସହିତ ଲଢେଇ କରୁଥିବାବେଳେ ଏପଟେ କିମ୍‌ଙ୍କ ଜୀବନଶୈଳୀକୁ ନେଇ ବି ଚର୍ଚ୍ଚା ହୁଏ ।