ସୋମବାରଠୁ ଆରମ୍ଭ ହୋଇଛି ୨୦୨୫ ପାଇଁ ନୋବେଲ ପୁରସ୍କାର ଘୋଷଣା । ସୋମବାର ଚିକିତ୍ସା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ନୋବେଲ ପୁରସ୍କାର ଘୋଷଣା କରାଯାଇଛି । ରୟାଲ୍ ସ୍ୱିଡିସ୍ ଏକାଡେମୀ ଅଫ୍ ସାଇନ୍ସେସ୍ ଫିଜିଓଲୋଜି କିମ୍ବା ମେଡିସିନ୍ କ୍ଷେତ୍ରରେ ନୋବେଲ୍ ପୁରସ୍କାର ବିଜେତାଙ୍କ ନାମ ଘୋଷଣା କରିଛି। ଏହି ବର୍ଷ ତିନି ଜଣ ବୈଜ୍ଞାନିକ - ମାରି ଇ. ବ୍ରୁଙ୍କୋ, ଫ୍ରେଡ୍ ରାମସ୍ଡେଲ୍ ଏବଂ ଶିମୋନ୍ ସାକାଗୁଚି ଏହି ପୁରସ୍କାର ପାଇଛନ୍ତି । ଆର୍ଥରାଇଟସ, ଡାଇବେଟିଜ, ପେରିଫେରାଲ୍ ଇମ୍ମ୍ୟୁନ୍ ସହନଶୀଳତା ସମ୍ବନ୍ଧୀୟ ଆବିଷ୍କାର ପାଇଁ ଏହି ତିନି ଜଣଙ୍କୁ ନୋବେଲ୍ ପୁରସ୍କାର ଦିଆଯିବ।

BREAKING NEWS
The 2025 #NobelPrize in Physiology or Medicine has been awarded to Mary E. Brunkow, Fred Ramsdell and Shimon Sakaguchi “for their discoveries concerning peripheral immune tolerance.” pic.twitter.com/nhjxJSoZEr
— The Nobel Prize (@NobelPrize) October 6, 2025

ଗତ ବର୍ଷ ମେଡିସନ୍ କ୍ଷେତ୍ରରେ ଆମେରିକୀୟ ନାଗରିକ ଭିକ୍ଟର ଆମ୍ବ୍ରୋସ ଏବଂ ଗ୍ୟାରି ରୁଭକୁନଙ୍କ ମଧ୍ୟରେ ମାଇକ୍ରୋ ଆରଏନଏ (ରାଇବୋନ୍ୟୁକ୍ଲିକ୍ ଏସିଡ୍) ଆବିଷ୍କାର ପାଇଁ ନୋବେଲ ପୁରସ୍କାର ଦିଆଯାଇଥିଲା ।

ମଙ୍ଗଳବାର ଦିନ ପଦାର୍ଥ ବିଜ୍ଞାନରେ ନୋବେଲ ପୁରସ୍କାର, ବୁଧବାର ଦିନ ରସାୟନ ବିଜ୍ଞାନ ଏବଂ ଗୁରୁବାର ଦିନ ସାହିତ୍ୟରେ ନୋବେଲ ପୁରସ୍କାର ବିଜେତାଙ୍କ ନାମ ଘୋଷଣା କରାଯିବ । ସେହିପରି ଶୁକ୍ରବାର ଦିନ ନୋବେଲ ଶାନ୍ତି ପୁରସ୍କାର ଏବଂ ଅକ୍ଟୋବର ୧୩ ରେ ଅର୍ଥନୀତିରେ ନୋବେଲ ସ୍ମାରକୀ ପୁରସ୍କାର ଘୋଷଣା କରାଯିବ । ପୁରସ୍କାର ସମାରୋହ ଡିସେମ୍ବର ୧୦ ତାରିଖରେ ଅନୁଷ୍ଠିତ ହେବ।

ଅଧିକ ପଢ଼ନ୍ତୁ: ଘୋଷଣା ହେଲା ବିହାର ନିର୍ବାଚନ ତାରିଖ, ୨ଟି ପର୍ଯ୍ୟାୟରେ ହେବ ମତଦାନ

ମେଡିସିନ୍‌ରେ ନୋବେଲ୍ ପୁରସ୍କାରକୁ ଆନୁଷ୍ଠାନିକ ଭାବରେ ଫିଜିଓଲୋଜି କିମ୍ବା ମେଡିସିନ୍‌ରେ ନୋବେଲ୍ ପୁରସ୍କାର କୁହାଯାଏ। ଏହି ସମ୍ମାନ ୧୯୦୧ ରୁ ୨୦୨୪ ମଧ୍ୟରେ ୧୧୫ ଥର ୨୨୯ ଜଣ ନୋବେଲ୍ ବିଜେତାଙ୍କୁ ପ୍ରଦାନ କରାଯାଇଛି ।

ପ୍ରଥମ ନୋବେଲ ପୁରସ୍କାର ୧୯୦୧ ମସିହାରେ ପଦାର୍ଥ ବିଜ୍ଞାନ, ରସାୟନ ବିଜ୍ଞାନ, ଔଷଧ, ସାହିତ୍ୟ ଏବଂ ଶାନ୍ତି କ୍ଷେତ୍ରରେ ଉଲ୍ଲେଖନୀୟ ସଫଳତା ପାଇଁ ପ୍ରଦାନ କରାଯାଇଥିଲା । ପ୍ରଥମେ ୫ଟି ବର୍ଗରେ ନୋବେଲ ପୁରସ୍କାର ଦିଆଯାଉଥିଲା । ପରବର୍ତ୍ତୀ ସମୟରେ ୧୯୬୮ ମସିହାରେ ସ୍ୱିଡେନର କେନ୍ଦ୍ରୀୟ ବ୍ୟାଙ୍କ, ସ୍ୱେରିଗେସ୍ ରିକ୍ସବ୍ୟାଙ୍କ ଆଲଫ୍ରେଡ୍ ନୋବେଲଙ୍କ ସ୍ମୃତିରେ ଅର୍ଥନୀତି ବିଜ୍ଞାନରେ ନୋବେଲ ପୁରସ୍କାର ଦେବାକୁ ସ୍ଥିର କରିଥିଲେ । ଏହାପରଠୁ ନୋବେଲ ପୁରସ୍କାର ୫ଟି ପରିବର୍ତ୍ତେ ୬ଟି ବର୍ଗରେ ଦିଆଯାଉଛି ।

Argus News | argus news | Odisha Latest News, Breaking News, Trending News, Live TV