Kamal Haasan To Trump / ଟ୍ରମ୍ପଙ୍କ କ୍ଲାସ୍ ନେଲେ କମଲ୍ ହାସନ୍; କହିଲେ ନିଜ କାମ ଉପରେ ଧ୍ୟାନ ଦିଅ

ଦକ୍ଷିଣ ଫିଲ୍ମ ଜଗତର ଜଣାଶୁଣା ଅଭିନେତା ତଥା ରାଜନେତା କମଲ୍ ହାସନ୍ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଏକ ଖୋଲା ଚିଠି ଲେଖି କଡ଼ା ଜବାବ ଦେଇଛନ୍ତି । ସେ କହିଛନ୍ତି ଯେ ଭାରତ ଏକ ସ୍ୱାଧୀନ ଏବଂ ସାର୍ବଭୌମ ରାଷ୍ଟ୍ର । ଭାରତ ଆଉ କୌଣସି ଦୂର ଦେଶର ନିର୍ଦ୍ଦେଶ ଗ୍ରହଣ କରେ ନାହିଁ । ଏଣୁ ଭାରତକୁ ନିର୍ଦ୍ଦେଶ ନ ଦେଇ ନିଜ କାମ ଉପରେ ଧ୍ୟାନ ଦେଲେ ଭଲ ହେବ ବୋଲି ଏକ୍ସ ସାଇଟରେ ଲେଖିଛନ୍ତି କମଲ ହାସନ ।

ହାସନ ଲେଖିଛନ୍ତି, "ଭାରତ ଏକ ସ୍ୱାଧୀନ ଦେଶ ଏବଂ ଯେକୌଣସି ବିଦେଶୀ ଶକ୍ତିଠାରୁ ନିର୍ଦ୍ଦେଶ ନେବାର ସମୟ ଶେଷ ହୋଇସାରିଛି । ଦେଶମାନଙ୍କ ମଧ୍ୟରେ ପାରସ୍ପରିକ ସମ୍ମାନ ହେଉଛି ବିଶ୍ୱରେ ସ୍ଥାୟୀ ଶାନ୍ତିର ମୂଳଦୁଆ ।" ସେ ଆମେରିକାର ରାଷ୍ଟ୍ରପତିଙ୍କୁ ନିଜ କାମ ଉପରେ ଧ୍ୟାନ ଦେବାକୁ କହିଥିଲେ । ଏହାସହିତ ସେ ନିଜକୁ ଜଣେ ଗର୍ବିତ ଭାରତୀୟ ନାଗରିକ ଭାବରେ ବର୍ଣ୍ଣନା ମଧ୍ୟ କରିଥିଲେ ।

• ଏମିତି କଣ କଲେ ଟ୍ରମ୍ପ ?

କମଲ ହାସନଙ୍କ ଏହି ବୟାନ ଏପରି ସମୟରେ ଆସିଛି ଯେତେବେଳେ ଆମେରିକା ଭାରତକୁ ଋଷରୁ ତେଲ କିଣିବା ପାଇଁ ଅସ୍ଥାୟୀ ୩୦ ଦିନର ସମୟ ଦେଇଛି । ଏହି ସମୟ ମଧ୍ୟରେ ଭାରତୀୟ ରିଫାଇନାରୀଗୁଡ଼ିକୁ ଋଷରୁ ତେଲ କିଣିବା ଜାରି ରଖିବାକୁ ଅନୁମତି ଦିଏ । ଏହି ଘୋଷଣା ଆମେରିକାର ଟ୍ରେଜେରୀ ସଚିବ ସ୍କଟ୍ ବେସାଣ୍ଟ କରିଛନ୍ତି । ସ୍କଟ୍ ବେସାଣ୍ଟ କହିଛନ୍ତି ଯେ ଭାରତ ଆମେରିକାର ଏକ ଗୁରୁତ୍ୱପୂର୍ଣ୍ଣ ପାର୍ଟନର ଏବଂ ନୂଆଦିଲ୍ଲୀ ଭବିଷ୍ୟତରେ ଆମେରିକାରୁ ତେଲ କିଣା ବୃଦ୍ଧି କରିବ । ଅନ୍ୟପଟେ ଆମେରିକା ପୂର୍ବରୁ କହିଥିଲା ଯେ ଭାରତ ଋଷରୁ ତେଲ କିଣିବା ବନ୍ଦ କରିଦେବାକୁ ଘୋଷଣା କରିଛି, କିନ୍ତୁ ଭାରତୀୟ ଅଧିକାରୀଙ୍କ ପକ୍ଷରୁ ଏପରି କୌଣସି ଆନୁଷ୍ଠାନିକ ଘୋଷଣା ହୋଇନାହିଁ ।

• ଆମେରିକା-ଇରାନ ମଧ୍ୟରେ ଯୁଦ୍ଧ

ମଧ୍ୟପ୍ରାଚ୍ୟରେ ବଢ଼ୁଥିବା ସଂଘର୍ଷକୁ ଏହି ସମ୍ପୂର୍ଣ୍ଣ ଘଟଣା ପଛରେ ଏକ ପ୍ରମୁଖ କାରଣ । ଫେବୃଆରୀ ୨୮ ତାରିଖରେ ଆମେରିକା ଏବଂ ଇସ୍ରାଏଲ ଇରାନ ଉପରେ ଏକ ମିଳିତ ସାମରିକ ଆକ୍ରମଣ କରିଥିଲେ । ଏହି ଆକ୍ରମଣରେ ଇରାନର ସର୍ବୋଚ୍ଚ ନେତା ଅୟାତୁଲ୍ଲାହ ଅଲ୍ଲୀ ଖାମେନେଇଙ୍କ ମୃତ୍ୟୁ ଘଟିଥିଲା । ସମଗ୍ର ପଶ୍ଚିମ ଏସିଆରେ ଉତ୍ତେଜନା ତୀବ୍ର ଭାବରେ ବୃଦ୍ଧି ପାଇଥିଲା । ପ୍ରତିଶୋଧ ସ୍ୱରୂପ, ଇରାନ ବିଭିନ୍ନ ସ୍ଥାନରେ ଆକ୍ରମଣ ଆରମ୍ଭ କରିଥିଲା, ଯାହା ଫଳରେ ଏହି ଅଞ୍ଚଳର ଅନେକ ତୈଳ ଏବଂ ଗ୍ୟାସ କ୍ଷେତ୍ର ବନ୍ଦ କରିବାକୁ ବାଧ୍ୟ ହୋଇଥିଲା । ଏହା ବିଶ୍ୱ ଶକ୍ତି ଯୋଗାଣକୁ ମଧ୍ୟ ପ୍ରଭାବିତ କରିଛି ।

ଅଧିକ ଖବର ପଢନ୍ତୁ...