Argus News - ଆଜି ଫାଇନାଲ୍ ଟକ୍କର; କେମିତି ରହିବ ଅହମ୍ମଦାବାଦ ପିଚ୍‌, ହେବ କି ରନ୍ ବର୍ଷା ?

ଆଜି ସୁପର ସଣ୍ଡେରେ ୨୦୨୬ ଟି୨୦ ବିଶ୍ୱକପ୍ ଫାଇନାଲ୍ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ । ଏହି ସେହି ପଡ଼ିଆ ଯେଉଁଠାରେ ଦକ୍ଷିଣ ଆଫ୍ରିକା ଭାରତକୁ ପରାସ୍ତ କରିଥିଲା । ଏହା ବ୍ୟତୀତ ଟିମ୍ ଇଣ୍ଡିଆ ୨୦୨୩ ଏକଦିବସୀୟ ବିଶ୍ୱକପ୍ ଫାଇନାଲ୍ ମଧ୍ୟ ଏହି ପଡ଼ିଆରେ ହାରିଥିଲା । ଏଣୁ ଅନେକ ପ୍ରଶଂସକ ଏହି ଗ୍ରାଉଣ୍ଡକୁ ଅନଲକି ବୋଲି କହୁଛନ୍ତି । ସବୁରିପରେ ଅହମ୍ମଦାବାଦ ଷ୍ଟାଡିୟମର ପିଚର ମଧ୍ୟ ଗୁରୁତ୍ଵପୂର୍ଣ୍ଣ ଭୂମିକା ଅଛି । ତେଣୁ ଆସନ୍ତୁ ଜାଣିବା ବିଶ୍ୱର ସର୍ବବୃହତ କ୍ରିକେଟ ଷ୍ଟାଡିୟମର ପିଚ୍ କିପରି ଅଛି ।

• ଲାଲ ଏବଂ କଳା ମାଟିର ପିଚ୍

ଫାଇନାଲ୍ ମ୍ୟାଚ୍ ନରେନ୍ଦ୍ର ମୋଦି ଷ୍ଟାଡିୟମର ସେଣ୍ଟର ପିଚ୍‌ରେ ଖେଳାଯିବ । ଏହି ପିଚ୍‌ଟି ଲାଲ ଏବଂ କଳା ମାଟିର ମିଶ୍ରଣ । ୱାଙ୍ଖେଡେ ଷ୍ଟାଡିୟମ୍ ପରି ଏହି ପିଚ୍‌ଟି ଭଲ ବାଉନ୍ସ ଦେଖିବାକୁ ମିଳିବ । ପ୍ରଶଂସକମାନେ ଆଉ ଏକ ଉଚ୍ଚ ସ୍କୋରିଂ ମ୍ୟାଚ୍ ଆଶା କରିପାରିବେ । ସେପଟେ ଭାରତୀୟ ବ୍ୟାଟସମ୍ୟାନମାନେ ଯେଉଁ ଫର୍ମରେ ଅଛନ୍ତି ସେମାନେ ଯେକୌଣସି ଟାର୍ଗେଟକୁ ସହଜରେ ପିଛା କରିପାରିବେ । ଏପରି ପରିସ୍ଥିତିରେ, ଟସ୍ ଜିତି ପ୍ରଥମେ ବୋଲିଂ କରିବା ଲାଭଦାୟକ ହୋଇପାରେ ।

ପଢନ୍ତୁ ଏହି ଖବର: ନୂଆ ଗର୍ଲଫ୍ରେଣ୍ଡ ସହ ଗମ୍ଭୀରଙ୍କୁ ପରିଚିତ କରାଇଲେ ପାଣ୍ଡ୍ୟା, ଭାଇରାଲ ଭିଡିଓ

• କିପରି ଅଛି ପିଚ୍ ସ୍ଥିତି ?

ପିଚ୍ ବିଷୟରେ କହିବାକୁ ଗଲେ, ଏହା ବହୁତ ସତେଜ । ଟୁର୍ଣ୍ଣାମେଣ୍ଟ ସମୟରେ ଏହି ପିଚ୍‌ରେ କେବଳ ଗୋଟିଏ ମ୍ୟାଚ୍ ଖେଳାଯାଇଛି । ଏହା ଫେବୃଆରୀ ୯ ତାରିଖରେ କାନାଡା ଏବଂ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିଲା । ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକା ୨୧୩ ରନ୍ କରିଥିଲା, ଯାହାର ଜବାବରେ କାନାଡା କେବଳ ୧୫୬ ରନ୍ କରିପାରିଥିଲା । ଏହି ପିଚରେ ଅଧିକ ରନ୍ ହେବ ବୋଲି ମ୍ୟାଚ୍ ପୂର୍ବରୁ ନ୍ୟୁଜିଲାଣ୍ଡ ଅଧିନାୟକ ମିଚେଲ ସାଣ୍ଟନର ପିଚ୍ ଆଶା ରଖିଥିବା ସାମ୍ବାଦିକ ସମ୍ମିଳନୀରେ କହିଛନ୍ତି ।

• ଉଭୟ ଦଳର ପ୍ରଦର୍ଶନ କିପରି ?

ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମର ପରିସଂଖ୍ୟାନ ବିଷୟରେ କହିବାକୁ ଗଲେ, ଭାରତୀୟ ଦଳ ଏହି ଗ୍ରାଉଣ୍ଡରେ ୧୦ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛି । ଏହି ସମୟ ମଧ୍ୟରେ ଟିମ୍ ଇଣ୍ଡିଆ ୭ଟି ଜିତିଛି ଏବଂ ୩ଟି ହାରିଛି । ଅନ୍ୟପକ୍ଷରେ, ନ୍ୟୁଜିଲାଣ୍ଡ ଏହି ଗ୍ରାଉଣ୍ଡରେ ଏପର୍ଯ୍ୟନ୍ତ କୌଣସି ମ୍ୟାଚ୍ ଜିତିନାହିଁ । କିୱି ଦଳ ଅହମ୍ମଦାବାଦ ଗ୍ରାଉଣ୍ଡରେ ଦୁଇଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି, ଦୁଇଟିରେ ହାରିଛନ୍ତି ।

ଅଧିକ ଖବର ପଢନ୍ତୁ...