Nepal Flash Flood 2026 / ବନ୍ୟା ଯୋଗୁଁ ହୋଇଥିବା କ୍ଷୟକ୍ଷତିର କିପରି ହେବ ଭରଣା? ଏଥିପାଇଁ ଆବଶ୍ୟକ କେତେ ଟଙ୍କା?

ନେପାଳରେ ହୋଇଥିବା ପ୍ରଳୟଙ୍କାରୀ ବନ୍ୟା ଯୋଗୁଁ ବ୍ୟାପକ କ୍ଷୟକ୍ଷତି ହୋଇଛି। ବନ୍ୟା ପରେ ଦେଶର ପୁନଃନିର୍ମାଣ କରିବା ପାଇଁ ବ୍ୟାପକ ଆର୍ଥିକ ସହାୟତା ଆବଶ୍ୟକ। ଭିତ୍ତିଭୂମି ଗୁରୁତର ଭାବରେ କ୍ଷତିଗ୍ରସ୍ତ ହେବା ସହ ଘର ଦ୍ୱାର ନଷ୍ଟ ହୋଇଛି। ଏପରିକି ରାସ୍ତା ଘାଟ ପୋଲ ସବୁକିଛି ଧୋଇ ହୋଇଯାଇଛି। ବନ୍ୟା ଜନିତ କ୍ଷୟକ୍ଷତିର ଭରଣା ସମ୍ପର୍କରେ ପ୍ରତିକ୍ରିୟା ରଖି ନେପାଳ ଅର୍ଥମନ୍ତ୍ରୀ ସ୍ୱର୍ଣ୍ଣିମ ୱାଗଲେ କହିଛନ୍ତି ଯେ ସ୍ଥାୟୀ ଭିତ୍ତିଭୂମି ପୁନଃନିର୍ମାଣ ପାଇଁ ଅତି କମରେ ୬ ବିଲିୟନ ଡଲାର ସହାୟତା ଆବଶ୍ୟକ। ଭାରତୀୟ ମୁଦ୍ରାରେ ଏହାର ମୂଲ୍ୟ ପ୍ରାୟ ୫୦ ହଜାର କୋଟି ଟଙ୍କା।

ଅର୍ଥମନ୍ତ୍ରୀଙ୍କ କହିବା ଅନୁଯାୟୀ, ଭବିଷ୍ୟତ ବିପର୍ଯ୍ୟୟ ପାଇଁ ମଜବୁତ କୋଠା ଏବଂ ଭିତ୍ତିଭୂମି ନିର୍ମାଣ ପାଇଁ ଏହି ପରିମାଣ ଆବଶ୍ୟକ। ନେପାଳ ବନ୍ୟାରେ ଏପର୍ଯ୍ୟନ୍ତ ପ୍ରାୟ ୧୨୦୦ ଲୋକଙ୍କ ମୃତ୍ୟୁ ହୋଇସାରିଛି। ଯେତେବେଳେ ହଜାର ହଜାର ଲୋକ ଏ ପର୍ଯ୍ୟନ୍ତ ନିଖୋଜ ଅଛନ୍ତି। ବନ୍ୟା ଯୋଗୁଁ ହୋଇଥିବା କ୍ଷୟକ୍ଷତି ସମ୍ପର୍କରେ ଏପର୍ଯ୍ୟନ୍ତ କୌଣସି ସରକାରୀ ସଂଖ୍ୟା ପ୍ରକାଶ କରାଯାଇ ନାହିଁ ଏବଂ ଏହାର ମୂଲ୍ୟାଙ୍କନ ଜାରି ରହିଛି। ଜାତୀୟ ଯୋଜନା ଆୟୋଗର ଉପାଧ୍ୟକ୍ଷ ଡକ୍ଟର ଗୁଣାକର ଭଟ୍ଟା କହିଛନ୍ତି ଯେ ଦେଢ଼ ମାସ ମଧ୍ୟରେ ଏକ ବ୍ୟାପକ କ୍ଷୟକ୍ଷତି ମୂଲ୍ୟାଙ୍କନ କରାଯିବ।

ଏହି ଉଦ୍ଦେଶ୍ୟରେ ଉପଲବ୍ଧ ସମ୍ବଳ ଏବଂ ଅନ୍ୟାନ୍ୟ ଉପାୟ ବ୍ୟବହାର କରାଯିବ। ନେପାଳରେ ଆସିଥିବା ବନ୍ୟା ପରେ ପ୍ରଥମେ ଭାରତ ସହାୟତାର ହାତ ବଢାଇଥିଲା। ଭାରତ ୧ ବିଲିୟନ ଡଲାର (୧୦୦ କୋଟି) ସହାୟତା ଦେବାକୁ ପ୍ରତିଶୃତି ଦେଇଛି। ଚୀନ୍, ଏସୀୟ ବିକାଶ ବ୍ୟାଙ୍କ, ବିଶ୍ୱ ବ୍ୟାଙ୍କ, ଜାପାନ ଏବଂ ଆମେରିକା ମଧ୍ୟ ସହାୟତା ପ୍ରଦାନ କରିବା ନେଇ ପ୍ରତିଶୃତି ଦେଇଛନ୍ତି।

ଏହା ସହ ପଢନ୍ତୁ: କିପରି କରାଯିବ ବନ୍ୟା ପୀଡିତଙ୍କୁ ଚିହ୍ନଟ? ସହାୟତା ମାଗିଲା ନେପାଳ

ରିପୋର୍ଟ ହୋଇଛି ଯେ ବନ୍ୟା ଯୋଗୁଁ କେବଳ ଜଳବିଦ୍ୟୁତ କ୍ଷେତ୍ରରେ ୧୦୦ ବିଲିୟନ ନେପାଳୀ ଟଙ୍କାରୁ ଅଧିକ କ୍ଷତି କରିଛି। ଏହା ସହିତ ପ୍ରାୟ ୭୪,୫୦୦ ଘର ନଷ୍ଟ ହୋଇଛି। ୪୦ କିଲୋମିଟରରୁ ଅଧିକ ରାସ୍ତା ଏବଂ ୩୦ ରୁ ଅଧିକ ସେତୁ କ୍ଷତିଗ୍ରସ୍ତ ହୋଇଛି। ବର୍ତ୍ତମାନ ପାଇଁ, ଭାରତ ବିଭିନ୍ନ ପର୍ଯ୍ୟାୟରେ ରିଲିଫ୍ ସାମଗ୍ରୀ ପଠାଇଛି। ଏହା ସହିତ, ଚୀନ୍ ୩୦ କୋଟି ନେପାଳୀ ଟଙ୍କା ମୂଲ୍ୟର ରିଲିଫ୍ ସାମଗ୍ରୀ ପ୍ରଦାନ କରିଛି। ଶ୍ରୀଲଙ୍କା, ବାଂଲାଦେଶ ଏବଂ ଆମେରିକା ଭଳି ଦେଶ ମଧ୍ୟ ସାହାଯ୍ୟର ହାତ ବଢାଇଛନ୍ତି।

ଅଷ୍ଟ୍ରେଲିଆ ୧୦ ଲକ୍ଷ ଡଲାର (ଭାରତୀୟ ମୁଦ୍ରାରେ ପାଖାପାଖି ୧୦ କୋଟି ଟଙ୍କା) ମୂଲ୍ୟର ନଗଦ ସହାୟତା ରାଶି ଘୋଷଣା କରିଛି। ସଂଯୁକ୍ତ ଆରବ ଏମିରେଟ୍ସ ମଧ୍ୟ ରିଲିଫ୍ ସାମଗ୍ରୀ ପଠାଇଛି ଏବଂ ୧୦ ମିଲିୟନ୍ ଡଲାର (ଭାରତୀୟ ମୁଦ୍ରାରେ ପାଖାପାଖି ୧୦୦ କୋଟି ଟଙ୍କା) ପର୍ଯ୍ୟନ୍ତ ସହାୟତା ଯୋଗାଇ ଦେବାକୁ ପ୍ରତିଶୃତି ଦେଇଛି। କାତାର ମଧ୍ୟ ରିଲିଫ୍ ସାମଗ୍ରୀ ପଠାଇଛି। ବ୍ରିଟେନ ୫୦ ଲକ୍ଷ (ଭାରତୀୟ ମୁଦ୍ରାରେ ପାଖାପାଖି ୬୩ କୋଟି ଟଙ୍କା) ପାଉଣ୍ଡ ମୂଲ୍ୟର ସହାୟତା ଘୋଷଣା କରିଛି। ସେହିପରି ୟୁରୋପୀୟ ସଂଘ ପୂର୍ବରୁ ୨୦ ଲକ୍ଷ ୟୁରୋ (ଭାରତୀୟ ମୁଦ୍ରାରେ ପାଖାପାଖି ୨୧ କୋଟି ଟଙ୍କା) ମୂଲ୍ୟର ସହୟତା ଦେବାକୁ ପ୍ରତିଶୃତି ଦେଇଛି।