ଇରାନ ଓ ଆମେରିକା ମଧ୍ୟରେ ଯୁଦ୍ଧ ସ୍ଥିତି ଥମିନଥିବା ବେଳେ ଆମେରିକା କଲାଣି ନୂଆ ଟାର୍ଗେଟ । ଟ୍ରମ୍ପ ନିକଟରେ କହିଥିଲେ ଯେ କ୍ୟୁବା ଉପରେ ନିୟନ୍ତ୍ରଣ ନେବାରେ ତାଙ୍କୁ ସମ୍ମାନ ମିଳିବ । ଆଉ ଏବେ ଆମେରିକା ନୌସେନାର MQ-4C ଟ୍ରାଇଟନ୍ ଡ୍ରୋନ୍ ପ୍ରାୟ ୬ ଘଣ୍ଟା ପର୍ଯ୍ୟନ୍ତ କ୍ୟୁବାର ଦକ୍ଷିଣ ଉପକୂଳରେ ଚକ୍କର କାଟିଛି । ଏହା ଆମେରିକାର ସବୁଠୁ ଦାମି ଡ୍ରୋନ ବୋଲି କୁହାଯାଉଛି । ଏହା ସ୍ପଷ୍ଟ କରୁଛି ଯେ ହୁଏତ ଏବେ ଆମେରିକା ନଜର କ୍ୟୁବା ଉପରେ ଅଛି ।
- କ୍ୟୁବା ଆକାଶରେ ଆମେରିକା ଡ୍ରୋନ
ଆମେରିକା ନୌସେନାର ଏକ ଅତ୍ୟାଧୁନିକ ସର୍ଭିଲାନ୍ସ ଡ୍ରୋନ MQ-4C ଟ୍ରାଇଟନ୍ ପ୍ରାୟ ୬ ଘମ୍ଟା ଧରି କ୍ୟୁବାର ଦକ୍ଷିଣ ସମୁଦ୍ର କୂଳରେ ବୁଲିଥିଲା । ଏହି ଡ୍ରୋନଟି ଜ୍ୟାକ୍ସନଭିଲେରୁ ଉଡ଼ିଥିଲା । ଏହା କ୍ୟୁବାର ଦକ୍ଷିଣ ଉପକୂଳବର୍ତ୍ତୀ ଅଞ୍ଚଳକୁ ସମ୍ପୂର୍ଣ୍ଣ ଭାବେ ସ୍କାନ କରିଛି ଓ ଷ୍ଟାଡିୟାଗୋ ଡି କ୍ୟୁବା ନିକଟରେ ୨ ଘଣ୍ଟା ଉଡ଼ିଥିଲା । ଏହାପରେ ଆମେରିକା ଡ୍ରୋନ ଫେରିଥିଲା । ଫ୍ଲାଇଟ୍ ଟ୍ରାକର କହିବା କଥା ହେଉଛି, ସେମାନେ ପୂର୍ବରୁ କେବେ ହେଲେ ଏହି ଡ୍ରୋନକୁ କ୍ୟୁବା ନିକଟରେ ଦେଖିନଥିଲେ । ସାଧାରଣତଃ ଏପରି ଡ୍ରୋନ ଯୁଦ୍ଧ ଅଞ୍ଚଳ ଯେପରିକି ବ୍ଲାକ୍ସ ସି, ପର୍ସିଆନ୍ ଗଲ୍ଫ ଓ ଭୂମଧ୍ୟସାଗରରେ ଦେଖିବାକୁ ମିଳେ । ଏହି ଡ୍ରୋନ ଉଡ଼ିବାର ସମୟ ଓ ରାସ୍ତା ଦୁଇଟି ଯାକ ଅସାଧାରଣ ଥିଲା ।
- MQ-4C ଟ୍ରାଇଟନର ସ୍ଵତନ୍ତ୍ରତା
ଏହା ଆମେରିକା ନୌସେନାର ସବୁଠୁ ଅତ୍ୟାଧୁନିକ ମାନବବିହୀନ ଯାନ (UAV) । ଏହି ଡ୍ରୋନର ଦାମ ୨୦୦୦ କୋଟି ଟଙ୍କା । ଏହି ଡ୍ରୋନର ସ୍ଵତନ୍ତ୍ରତା ହେଉଛି ଏହା ବହୁ ଉଚ୍ଚ ପର୍ଯ୍ୟନ୍ତ ଉଡ଼ିପାରେ । ଏହାସହିତ ବହୁ ସମୟ ଧରି ଆକାଶରେ ଉଡ଼ିପାରେ । ଆକାଶ ଉପରୁ ଚଉଡ଼ା କ୍ଷେତ୍ର ଉପରେ ନଜର ରଖିପାରେ । ଏହି ଡ୍ରୋନ ରାଡାର, କ୍ୟାମେରା ଓ ବୈଦ୍ୟୁତିକ ସେନ୍ସର ସହିତ ସଜ୍ଜିତ, ଯାହାକି ଭୂମି ଓ ସମୁଦ୍ରରେ ପ୍ରତିଟି ଗତିବିଧି ଉପରେ ନଜର ରଖିବାରେ ସକ୍ଷମ । ଏଥର ଆମେରିକାର ଏହି ଅତ୍ୟାଧୁନିକ ଡ୍ରୋନ କ୍ୟୁବାର ଦକ୍ଷିଣ ସମୁଦ୍ର ଉପକୂଳରେ ସ୍କାନ କରିଛି । କ୍ୟୁବାରେ ଏତେ ପାଖରୁ ନଜର ରଖିବା ପୂର୍ବରୁ କେବେ ହେଲେ ଦେଖିବାକୁ ମିଳିନଥିଲା ।
ନିକଟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଥିଲେ ଯେ ତାଙ୍କୁ କ୍ୟୁବା ଉପରେ ଯେମିତି ସେମିତି ରୂପରେ ନିୟନ୍ତ୍ରଣକୁ ନେବାରେ ଅଛି । ଏହାପରେ କ୍ୟୁବା ଉପରେ ଅତି ପାଖରୁ ଡ୍ରୋନ ଉଡ଼ିବା ଅପରପକ୍ଷେ ସୂଚାଉଛି ଯେ ପେଣ୍ଟାଗନ୍ କ୍ୟୁବାରେ ସମ୍ଭାବିତ ଅପରେସନର ଯୋଜନା କରୁଛି । ଏହି ସମୟରେ ଆମେରିକା କ୍ୟୁବାରେ ତେଲ ଆମଦାନୀକୁ ବି ବନ୍ଦ କରିଦେଇଛି, ଯାହାଦ୍ଵାରା କ୍ୟୁବାର ଅର୍ଥବ୍ୟବସ୍ଥା ଉପରେ ଗଭୀର ପ୍ରଭାବ ପଡ଼ିଛି ।
ପଢନ୍ତୁ ଏହି ଖବର: ଆମେରିକାକୁ ଟକ୍କର ଦେବ କି କ୍ୟୁବା ? ଜାଣନ୍ତୁ ୫୦ ହଜାର ସେନା ଓ ଗରିଲା ଯୁଦ୍ଧର ଗୁପ୍ତ ଶକ୍ତି- କ୍ୟୁବାରେ ହେବ କି 'ଅପରେସନ ମାଦୁରୋ' ?
ଏଠାରେ ଧ୍ୟାନ ଦେବା କଥା ହେଉଛି ଯେ, ଏହା ସେହି MQ-4C ଟ୍ରାଇଟନ୍ ଡ୍ରୋନ୍ ଯାହା ଶେଷ ଥର ପାଇଁ ଭେନେଜୁଏଲା ନିକଟରେ ୧୦ ଘଣ୍ଟାର ଗୁପ୍ତଚର ମିଶନରେ ଜ୍ୟାକସନଭିଲରୁ ଉଡ଼ାଣ କରିଥିଲା । ସେହି ଉଡ଼ାଣର ଠିକ୍ ୩ ମାସ ପରେ, ଆମେରିକା କାରାକାସରେ ଚଢାଉ କରି ରାଷ୍ଟ୍ରପତି ନିକୋଲାସ୍ ମାଦୁରୋଙ୍କୁ ବନ୍ଦୀ କରିଥିଲା । ଏବେ ସମାନ ଡ୍ରୋନ୍ କ୍ୟୁବା ଚାରିପାଖରେ ୬ ଘଣ୍ଟା ଧରି ଚକ୍କର କାଟିଛି । ଏବେ ବିଶେଷଜ୍ଞଙ୍କ ମତରେ ଏହାକୁ ଭେନେଜୁଏଲାର ଧାରା ବୋଲି ମନେ ହେଉଛି । କ୍ୟୁବା ଏହାକୁ ଗମ୍ଭୀରତାର ସହ ନେବା ସହିତ ଏଥ୍ରପ୍ରତି ଧ୍ୟାନ ଦେବା ଉଚିତ ।
- କାହିଁକି ଟ୍ରମ୍ପଙ୍କ ଟାର୍ଗେଟରେ କ୍ୟୁବା ?
କ୍ୟୁବା ବହୁ ସମୟ ଧରି ଆମେରିକାର ପୁରୁଣା ପ୍ରସଙ୍ଗ ରହିଛି । ଟ୍ରମ୍ପ ପ୍ରଶାସନ କ୍ୟୁବାରେ ଥିବା କମ୍ୟୁନିଷ୍ଟ ସରକାରଙ୍କୁ ଦୁର୍ବଳ କରିବାକୁ ଚାହୁଁଛନ୍ତି । ଏଥିଲାଗି ସେ କ୍ୟୁବାରେ ତେଲ ଆମଦାନୀକୁ ରୋକିବା ସହ ଡ୍ରୋନ ଦ୍ଵାରା ଦେଶ ଉପରେ ନଜର ରଖୁଛନ୍ତି । ଆମେରିକା କ୍ୟୁବାକୁ ଗଣତନ୍ତ୍ର ଆଡ଼କୁ ଆଣିବାକୁ ଚାହୁଁଥିବାବେଳେ କ୍ୟୁବା ଏହାକୁ ନିଜର ଆଭ୍ୟନ୍ତରୀଣ ମାମଲା ବୋଲି କହିଆସୁଛି । ସମ୍ପ୍ରତି ଏହି ଘଟଣା ସମ୍ବେଦନଶୀଳ ଅଛି । ପେଣ୍ଟାଗନ କ୍ୟୁବା ଆକାଶରେ ଡ୍ରୋନ ଉଡାଇବା ସିଧା ସଙ୍କେତ ଦେଉଛି ଯେ ଆମେରିକା କ୍ୟୁବା ଉପରେ ନଜର ରଖିଛି । ବର୍ତ୍ତମାନ ପରିସ୍ଥିତିରେ ଭେନେଜୁଏଲା ଘଟଣାକୁ ଦୃଷ୍ଟିରେ ରଖି କ୍ୟୁବାକୁ ସତର୍କ ରହିବା ଆବଶ୍ୟକ ।
