ମଙ୍ଗଳବାର ପାକିସ୍ତାନର ଖାଇବର ପଖତୁନଖ୍ବାରେ ଏକ ବଡ଼ ଧରଣର ବୋମା ବିସ୍ଫୋରଣ ହୋଇଛି । ଏହି ବିସ୍ଫୋରଣରେ ଅତିକମ୍‌ରେ ୯ ଜଣ ପ୍ରାଣ ହରାଇଥିବା ବେଳେ ପ୍ରାୟ ୨୩ ଜଣ ଗୁରୁତର ଭାବେ ଆହତ ହୋଇଛନ୍ତି । ତେବେ ଆଗକୁ ଏହି ମୃତ୍ୟୁ ସଂଖ୍ୟା ବଢ଼ିପାରେ ବୋଲି କୁହାଯାଉଛି ।

ପାକିସ୍ତାନୀ ଗଣମାଧ୍ୟମ ଅନୁଯାୟୀ, ଖାଇବର ପଖତୁନଖ୍ୱାର ଲକ୍କି ମରୱାତ ଜିଲ୍ଲାର ଏକ ବଜାରରେ ଏକ ବଡ଼ ବିସ୍ଫୋରଣ ଘଟିଛି । ଏଥିରେ ଦୁଇଜଣ ଟ୍ରାଫିକ୍ ପୋଲିସ ଅଧିକାରୀଙ୍କ ସମେତ ଅତି କମରେ ନଅ ଜଣ ପ୍ରାଣ ହରାଇଛନ୍ତି । ଅନ୍ୟ ୨୩ ଜଣ ମଧ୍ୟ ଗୁରୁତର ଆହତ ହୋଇଛନ୍ତି ।

ବିସ୍ଫୋରଣ ବିଷୟରେ ପୋଲିସ କ’ଣ କହିଛି ?

ପାକିସ୍ତାନ ପୋଲିସର ସୂଚନା ଅନୁଯାୟୀ, ଏକ ଜନଗହଳିପୂର୍ଣ୍ଣ ବଜାରରେ ଭିଡ଼ ସମୟରେ ବିସ୍ଫୋରକ ସାମଗ୍ରୀ ଭର୍ତ୍ତି ଏକ ରିକ୍ସା ବିସ୍ଫୋରଣ ହୋଇଥିଲା । ବିସ୍ଫୋରଣ ପରେ ରେସ୍କ୍ୟୁ ଟିମ୍‌ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତକ ଏବଂ ଆହତମାନଙ୍କୁ ଚିକିତ୍ସା ପାଇଁ ନୌରଙ୍ଗ ହସ୍ପିଟାଲକୁ ସ୍ଥାନାନ୍ତର କରିଥିଲେ । ତେବେ ଅନେକ ଆହତଙ୍କ ସ୍ବାସ୍ଥ୍ୟବସ୍ଥା ଗୁରୁତର ଥିବାରୁ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ ବୋଲି ଆଶଙ୍କା କରାଯାଉଛି ।

ଅଧିକ ପଢ଼ନ୍ତୁ: ଭାରତକୁ ପ୍ରଶଂସା କଲେ ନେତାନ୍ୟାହୁ; ପାକିସ୍ତାନକୁ କହିଲେ ଖଳନାୟକ

ବିସ୍ଫୋରଣ ପରେ ତୁରନ୍ତ ପୋଲିସ ଏବଂ ବୋମା ନିଷ୍କ୍ରିୟକାରୀ ଦଳ ଘଟଣାସ୍ଥଳରେ ପହଞ୍ଚି ପ୍ରମାଣ ସଂଗ୍ରହ ଏବଂ ତଦନ୍ତ କରିବା ପାଇଁ ଘଟଣାସ୍ଥଳକୁ ଘେରାବନ୍ଦୀ କରିଛି । ପୋଲିସ ରିପୋର୍ଟ କରିଛି ଯେ ଉଦ୍ଧାର କାର୍ଯ୍ୟରେ ସହାୟତା କରିବା ଏବଂ ଆହତଙ୍କ ପାଇଁ ରକ୍ତଦାନ କରିବା ପାଇଁ ବହୁ ସଂଖ୍ୟକ ସ୍ଥାନୀୟ ବାସିନ୍ଦା ମଧ୍ୟ ହସ୍ପିଟାଲରେ ଏକତ୍ରିତ ହୋଇଥିଲେ ।