ନୂଆଦିଲ୍ଲୀ: ପାକିସ୍ତାନ ସେନା ହେଉଛି ଭିନ୍ନକ୍ଷମ । ସେନା ପାଖରେ ଲଢ଼ିବାକୁ ଦମ୍ ନାହିଁ । ଏକଥାକୁ ଖୋଦ୍ ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖୱାଜା ଅସିଫ୍ ସ୍ଵୀକାର କରିଛନ୍ତି । ତାହା ବି ପାକିସ୍ତାନର ଜାତୀୟ ସଂସଦରେ ।

ପାକିସ୍ତାନର ସବୁଠୁ ବଡ଼ ପ୍ରଦେଶ ବଲୁଚିସ୍ତାନରେ ବଲୁଚ ବିଦ୍ରୋହୀଙ୍କ ହିଂସାକୁ ନେଇ ଏଭଳି ମନ୍ତବ୍ୟ ଦେଇଛନ୍ତି ପାକିସ୍ତାନର ପ୍ରତିରକ୍ଷା ମନ୍ତ୍ରୀ । ଜାତୀୟ ସଂସଦରେ ଖୱାଜା ଅସିଫ୍ କହିଛନ୍ତି, "ପାକିସ୍ତାନର ସୁରକ୍ଷାକର୍ମୀ ବିଦ୍ରୋହୀଙ୍କ ସାମ୍ନାରେ ଅସହାୟ ଅନୁଭବ କରୁଛନ୍ତି ।"

ଏଥିସହ ପଢ଼ନ୍ତୁ: ୪ରୁ ୫ ଦିନ ମଧ୍ୟରେ ପଲଟିଯିବ ପାକିସ୍ତାନ... ଏମିତି ଦାବି କଲେ ଖେଳାଳି

ଖୱାଜା ଅସିଫ୍‌ଙ୍କ ଏହି ସ୍ଵୀକାରୋକ୍ତି ବଲୁଚ ବିଦ୍ରୋହୀଙ୍କ ଘାତକ ଆକ୍ରମଣ ପରେ ଆସିଛି । ନିକଟରେ ବଲୁଚ ବିଦ୍ରୋହୀ ପ୍ରଦେଶର ଭିନ୍ନ ଭିନ୍ନ ୧୨ଟି ସ୍ଥାନରେ ଏକ ସମୟରେ ଆକ୍ରମଣ କରିଥିଲେ । ଯାହାକି ପାକିସ୍ତାନ ସେନାର ମେରୁଦଣ୍ଡ ଭାଙ୍ଗି ଦେଇଛି ।

ଗତ ସପ୍ତାହରେ ପ୍ରତିବନ୍ଧିତ ବଲୁଚ ଲିବରେସନ୍ ଆର୍ମି (BLA) ଅପରେସନ୍ ହେରୋଫ ୨.୦ରେ କ୍ଵେଟା, ଗ୍ଵାଦର, ମସ୍ତୁଙ୍ଗ ଓ ନୁଶ୍କି ସହିତ ଅନେକ ଜିଲ୍ଲାରେ ଭୟଙ୍କର ଆକ୍ରମଣ କରିଥିଲେ । ଯେଉଁଥିରେ ସେନାର ଅତି କମ୍‌ରେ ୮୦ ଜଣ ନିହତ ହୋଇଛନ୍ତି । ୩୦ରୁ ଅଧିକ ସରକାରୀ ସମ୍ପତ୍ତି କ୍ଷତିଗ୍ରସ୍ତ ହୋଇଛି ।

ପାକିସ୍ତାନ ଅଧିକାରୀଙ୍କ ଅନୁସାରେ, ଏହି ଆକ୍ରମଣରେ ୩୧ ଜଣ ନାଗରିକ ଓ ୧୭ ଜଣ ଯବାନ ପ୍ରାଣ ହରାଇଛନ୍ତି । ପାକିସ୍ତାନର ସେନାର ଜବାବୀ ଆକ୍ରମଣରେ ୧୭୭ ଜଣ ବଲୁଚ ବିଦ୍ରୋହୀ ନିହତ ହୋଇଥିବା ଅଧିକାରୀ ଦାବି କରିଛନ୍ତି ।

ବିଦ୍ରୋହୀ ବାଲୁଚ ସେନା ସହ ଆଲୋଚନା ସମ୍ଭାବନାକୁ ଅସିଫ୍ ଟାଳି ଦେଇଛନ୍ତି । ବିଦ୍ରୋହୀ ଗୋଷ୍ଠୀକୁ ସେ ଆତଙ୍କବାଦୀ ଆଖ୍ୟା ଦେଇଛନ୍ତି । ଦାବି କରି କହିଛନ୍ତି, "ବିଦ୍ରୋହୀ ତେଲ ଚୋରିକୁ ପ୍ରାଧାନ୍ୟ ଦେଉଛନ୍ତି ।"

ଏଥିସହ ପଢ଼ନ୍ତୁ: କଣ ଭାରତ ବିରୋଧରେ ବଦଳିବ କି ପାକିସ୍ତାନ ନିଷ୍ପତ୍ତି ?

ସେତିକି ନୁହେଁ ବଲୁଚ ବିଦ୍ରୋହୀଙ୍କୁ ଭାରତର ସହାୟତା ମିଳୁଥିବା ପାକିସ୍ତାନ ପ୍ରତିରକ୍ଷା ମନ୍ତ୍ରୀ ଅଭିଯୋଗ ଆଣିଛନ୍ତି । ସେ କହିଛନ୍ତି, "ଏହାର ନେତୃତ୍ଵ ଆଫଗାନିସ୍ତାନ ଭୂଇଁରୁ ନିଆ ଯାଉଛି ।" ତେବେ ଅସିଫ୍ ଆଣିଥିବା ଅଭିଯୋଗ ଉପରେ ସେ କୌଣସି ପ୍ରମାଣ ଦେଇ ନାହାନ୍ତି ।

ଇରାନ ଓ ଆଫଗାନିସ୍ତାନ ସୀମାକୁ ଲାଗି ରହିଥିବା ବଲୁଚସ୍ତାନରେ ଭରପୁର ପ୍ରାକୃତିକ ସମ୍ପଦ ରହିଛି । ଗ୍ୟାସ୍, କୋଇଲା, ତମ୍ବା ଓ ସୁନା ଭଳି ଖଣିଜ ସମ୍ପଦରେ ସମୃଦ୍ଧ ହେଉଛି ବଲୁଚସ୍ତାନ । ଯେଉଁଠି ଚୀନ ଗୁରୁତ୍ଵପୂର୍ଣ୍ଣ ଗ୍ଵାଦର ବନ୍ଦର ନିର୍ମାଣ କରିଛି ।କିସ୍ତାନର ପ୍ରତିରକ୍ଷା ମନ୍ତ୍ରୀ ଖୱାଜା ଅସିଫ୍ ସଂସଦରେ ସୁରକ୍ଷାକର୍ମୀଙ୍କ ପରିଚାଳନା ସମ୍ପର୍କିତ କଠିନ ସ୍ଥିତି କଥା କହିଛନ୍ତି । ସେ କହିଛନ୍ତି, "ଭୌଗଳିକ ଦୃଷ୍ଟି କୋଣରୁ ପାକିସ୍ତାନର ୪୦ ପ୍ରତିଶତ ହେଉଛି ବଲୁଚିସ୍ତାନ । ଏତେ ବଡ଼ କ୍ଷେତ୍ରର ସୁରକ୍ଷା ପାଇଁ ଯବାନଙ୍କ ଯିବାଆସିବା ଶାରୀରିକ ଭାବେ କଠିନ । ଏକ ବଡ଼ ଜନସଂଖ୍ୟା ସହର ତୁଳନାରେ ଏତେ ବିଶାଳ ଓ କମ୍ ଜନସଂଖ୍ୟା ଅଞ୍ଚଳକୁ ନିୟନ୍ତ୍ରଣ କରିବା ପାଇଁ ବିପୁଳ ସୈନ୍ୟ ମୁତୟନର ଆବଶ୍ୟକତା ରହିଛି ।"

ବିଦ୍ରୋହୀ ବାଲୁଚ ସେନା ସହ ଆଲୋଚନା ସମ୍ଭାବନାକୁ ଅସିଫ୍ ଟାଳି ଦେଇଛନ୍ତି । ବିଦ୍ରୋହୀ ଗୋଷ୍ଠୀକୁ ସେ ଆତଙ୍କବାଦୀ ଆଖ୍ୟା ଦେଇଛନ୍ତି । ଦାବି କରି କହିଛନ୍ତି, "ବିଦ୍ରୋହୀ ତେଲ ଚୋରିକୁ ପ୍ରାଧାନ୍ୟ ଦେଉଛନ୍ତି ।"