Houthi Attack / ଇରାନର ବନ୍ଧୁ ଉପରେ ରାଗିଗଲା ପାକିସ୍ତାନ; କହିଲା ଆମେ ସାଉଦି ଆରବ ସହ ଅଛୁ

ନୂଆଦିଲ୍ଲୀ: ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ଲୋହିତ ସାଗରରେ ସାଉଦି ତେଲ ଟ୍ୟାଙ୍କର ଉପରେ ହାଉତି ବିଦ୍ରୋହୀଙ୍କ ଆକ୍ରମଣକୁ କଡ଼ା ନିନ୍ଦା କରିଛନ୍ତି । ଶେହବାଜ ସାଉଦି ଆରବର କ୍ରାଉନ ପ୍ରିନ୍ସ ଓ ପ୍ରଧାନମନ୍ତ୍ରୀ ମହମ୍ମଦ ବିନ ସଲମାନ ଅବଦୁଲଅଜିଜ ଅଲ୍ ସାଉଦଙ୍କ ସହିତ ଫୋନରେ କଥାବାର୍ତ୍ତା କରିଛନ୍ତି । ସେ ଏହି ଆକ୍ରମଣକୁ ଅନ୍ତର୍ଜାତୀୟ ଆଇନର ଉଲ୍ଲଙ୍ଘନ ଓ ଆଞ୍ଚଳିକ ଶାନ୍ତି ପ୍ରତି ବିପଦ ସୃଷ୍ଟି ବୋଲି କହିଛନ୍ତି । ପାକିସ୍ତାନ ସାଉଦି ଆରବ ସହ ଥିବା କହିଛି ଓ ଇରାନର ଏହି ବନ୍ଧୁକୁ ଟାର୍ଗେଟ କରିଛି ।

ଗୁରୁବାର ସକାଳେ ଇରାନ ସମର୍ଥିତ ହାଉତି ଆକ୍ରମଣ ପରେ ଶେହବାଜ ସରି ସାଉଦି ଆରବର ପିଏମଙ୍କ ସହିତ ଫୋନରେ କଥା ହୋଇଛନ୍ତି । କଥାବାର୍ତ୍ତା ସମୟରେ ପ୍ରଧାନମନ୍ତ୍ରୀ ଶେହବାଜ କହିଛନ୍ତି ଯେ ଲୋହିତ ସାଗରରେ ସାଉଦି ତେଲ ଟ୍ୟାଙ୍କର ଉପରେ ହାଉତି ଦ୍ଵାରା କରାଯାଇଥିବା ଆକ୍ରମଣକୁ ପାକିସ୍ତାନ କଡ଼ା ନିନ୍ଦା କରିଛି ।

• କଣ ପୂରା ଘଟଣା ?

ଏଠାରେ କହିରଖୁଛୁ କି, ନିକଟରେ ପଶ୍ଚିମ ଏସୀୟ ଦେଶ ୟେମେନରେ ଇରାନ-ସମର୍ଥିତ ହାଉତି ବିଦ୍ରୋହୀମାନେ ସମ୍ପ୍ରତି ସାଉଦି ଆରବ ବିରୁଦ୍ଧରେ ଏକ ସାମୁଦ୍ରିକ ଅବରୋଧ ଘୋଷଣା କରିଛନ୍ତି । ହାଉତିମାନେ କହିଛନ୍ତି ଯେ ସାଉଦି ଆରବ ଦ୍ୱାରା ସେମାନଙ୍କ ନିୟନ୍ତ୍ରଣାଧୀନ ଅଞ୍ଚଳରେ ବନ୍ଦର ଏବଂ ବିମାନବନ୍ଦର ଅବରୋଧ କରାଯିବାର ଜବାବରେ ସେମାନେ ବାବ୍ ଅଲ୍-ମନ୍ଦେବରେ ସାଉଦି ଜାହାଜ ଚଳାଚଳକୁ ଅବରୋଧ କରିବେ ।

• ଅନ୍ତର୍ଜାତୀୟ ଆଇନର ଉଲ୍ଲଙ୍ଘନ କହିଲା ପାକ୍

ଏହା ଉପରେ ପ୍ରଧାନମନ୍ତ୍ରୀ ଶେହବାଜ ସରିଫ କହିଛନ୍ତି ଯେ ଏପରି କାର୍ଯ୍ୟ ସମ୍ପୂର୍ଣ୍ଣ ଭାବରେ ଗ୍ରହଣୀୟ ନୁହେଁ ଏବଂ ଅନ୍ତର୍ଜାତୀୟ ଆଇନର ସିଧାସଳଖ ଉଲ୍ଲଂଘନ । ଏହା ନୌଚାଳନା ଏବଂ ବାଣିଜ୍ୟିକ ପରିବହନର ସ୍ୱାଧୀନତାକୁ ବିପଦରେ ପକାଇଥାଏ, ଯାହାଦ୍ୱାରା ଆଞ୍ଚଳିକ ଶାନ୍ତି, ସୁରକ୍ଷା ଏବଂ ସ୍ଥିରତାକୁ କ୍ଷତି ପହଞ୍ଚା ଏ। ପ୍ରଧାନମନ୍ତ୍ରୀ ଶେହବାଜ ଆଶ୍ୱାସନା ଦେଇଛନ୍ତି ଯେ ପାକିସ୍ତାନ ସାଉଦି ଆରବ ସହିତ ଠିଆ ହୋଇଛି । ସେ କହିଛନ୍ତି ଯେ ଏହି ଗୁରୁତ୍ୱପୂର୍ଣ୍ଣ ସମୟରେ ସେ ନିଜେ ଏବଂ ସେନା ମୁଖ୍ୟ ଫିଲ୍ଡ ମାର୍ଶାଲ ଅସୀମ ମୁନିର ଓ ସମଗ୍ର ପାକିସ୍ତାନ ସାଉଦି ନେତୃତ୍ୱ ଏବଂ ସେଠାକାର ଭାଇଚାରା ଲୋକଙ୍କ ସହିତ ଦୃଢ଼ ଭାବରେ ଛିଡ଼ା ହୋଇଛନ୍ତି।

ପଢନ୍ତୁ ଏହି ଖବର: ‘ମୁଁ PoKର ପ୍ରଧାନମନ୍ତ୍ରୀ ହେବାକୁ ଚାହେଁ’ ! ନୱାଜ ସରିଫଙ୍କ ବଡ଼ ବୟାନ, ଜାଣନ୍ତୁ କାହିଁକି କହିଲେ ଏମିତି ?

• ବିଶ୍ୱ ବାଣିଜ୍ୟ ଏବଂ ସୁରକ୍ଷା ପାଇଁ ଏକାଠି କାମ କରିବା

ପାକିସ୍ତାନ ପ୍ରଧାନମନ୍ତ୍ରୀ ସାଉଦି ଯୁବରାଜଙ୍କୁ ଆଶ୍ୱାସନା ଦେଇଛନ୍ତି ଯେ ପାକିସ୍ତାନ ଓ ସାଉଦି ଆରବ ଅନ୍ତର୍ଜାତୀୟ ସମ୍ପ୍ରଦାୟ ସହିତ ନିବିଡ଼ ଭାବରେ କାର୍ଯ୍ୟ କରିଚାଲିବ । ଏହାସହିତ ଲୋହିତ ସାଗର, ହରମୁଜ୍ ପ୍ରଣାଳୀ ଏବଂ ସମଗ୍ର ଅଞ୍ଚଳରେ ଶାନ୍ତି, ସୁରକ୍ଷା, ସ୍ଥିରତା ଏବଂ ବୈଧ ସାମୁଦ୍ରିକ ବାଣିଜ୍ୟର ଅବାଧ ପ୍ରବାହ ବଜାୟ ରଖିବ । ସାଉଦି ଯୁବରାଜ ମହମ୍ମଦ ବିନ୍ ସଲମାନ ପାକିସ୍ତାନର ସମର୍ଥନ ଏବଂ ଦୁଇ ଦେଶ ମଧ୍ୟରେ ବନ୍ଧୁତ୍ୱପୂର୍ଣ୍ଣ ସମ୍ପର୍କକୁ ପ୍ରଶଂସା କରିଛନ୍ତି ।