ନୂଆଦିଲ୍ଲୀ: ହର୍ମୁଜ ପ୍ରଣାଳୀ ବାହାରେ ଆମେରିକା ନାକାବନ୍ଦୀ କରିଛି । ଫଳରେ ହର୍ମୁଜକୁ କୌଣସି ଜାହାଜ ପଶି ପାରୁଛି ନା ବାହାରି ପାରୁଛି । ଆମେରିକାର ନାକାବନ୍ଦୀ ଭିତରେ ପ୍ରଥମଥର ଗୋଟିଏ ଜାହାଜ ସଫଳତାର ହର୍ମୁଜ୍ ପ୍ରଣାଳୀ ଅତିକ୍ରମ କରିଛି ।

ହର୍ମୁଜ ଅତିକ୍ରମ କରିଥିବା ଜାହାଜଟି ପାକିସ୍ତାନର, ନାଁ ହେଉଛି ଶଲାମାର । ଇରାନ ଯୁଦ୍ଧ ଭିତରେ ହର୍ମୁଜକୁ ଆମେରିକା ଘେରି ଯାଇଥିବା ବେଲେ କିଛିଦିନ ହେଲା ଏହି ସମୁଦ୍ରରେ ଜାହାଜ ଆସିବା ପ୍ରାୟ ବନ୍ଦ ହୋଇ ଯାଇଛି । ଏଭଳି ସ୍ଥିତିରେ ପାକିସ୍ତାନ ଜାହାଜ ହର୍ମୁଜ ଅତିକ୍ରମ କରିବା ସମସ୍ତଙ୍କୁ ଚକ୍‌ମା ଦେଇଛି ।

ଏଥିସହ ପଢ଼ନ୍ତୁ: ହର୍ମୁଜ ପାର୍ ପରେ ଆଗକୁ ବଢ଼ି ପାରିଲାନି ୮ ଇରାନୀ ଜାହାଜ; ରୋକିଲା ଟ୍ରମ୍ପଙ୍କ 'ଲକ୍ଷ୍ମଣ ରେଖା'

ଶଲାମାର ଜାହାଜଟି ପାକିସ୍ତାନର କରାଚି ବନ୍ଦର ଆଡ଼କୁ ଯାଉଛି । ସୂଚନା ଅନୁସାରେ, ଅଶୋଧିତ ତୈଳ ନେଇ ଯାଉଥିବା ଜାହାଜଟି ରବିବାର କରାଚିରେ ପହଞ୍ଚିଯିବ । ସୂଚନା ଅନୁସାରେ, ଜାହାଜଟି ଗତ ରବିବାର ଉପସାଗରରେ ପ୍ରବେଶ କରିଥିଲା । ସେତେବେଳେ ଆମେରିକାର ନାକାବନ୍ଦୀ ସମ୍ପୂର୍ଣ୍ଣ ଭାବେ ଲାଗୁ ହୋଇ ନଥିଲା ।

ସୋମବାର ନାକାବନ୍ଦୀ ହେବା ମାତ୍ରେ ଜାହାଜ ମାଲିକ ସମ୍ଭାବ୍ୟ ବିପଦକୁ ଦେଖି ଜାହାଜକୁ ଅଟକାଇ ଦେଇଥିଲେ । ଏହାପରେ ଗୁରୁବାର ଜାହାଜଟି ଇରାନର ଲାରକ ଦ୍ଵୀପର ଦକ୍ଷିଣକୁ ଯାଇ ଉପସାଗର ବାହାରକୁ ବାହାରିବାରେ ସଫଳ ହୋଇଥିଲା । ଯାହାକୁ ଦେଖିଲେ ଲାଗୁଛି କିଛି ପାକିସ୍ତାନ ଜାହାଜକୁ ଛାଡ଼ିବକୁ ଇରାନ ମଞ୍ଜୁରୀ ଦେଇଛି ।

ଆମେରିକାର ନାକାବନ୍ଦୀ ପରେ ହର୍ମୁଜ୍ ଦେଇ ବହୁତ କମ୍ ଜାହାଜ ଅତିକ୍ରମ କରିଛନ୍ତି । ଆମେରିକାର ସେଣ୍ଟ୍ରାଲ୍ କମାଣ୍ଡ ଅନୁସାରେ, ୩ ଦିନରେ ୧୪ଟି ଜାହାଜ ଉକ୍ତ ସାମୁଦ୍ରିକ ପଥ ଦେଇ ଉପସାଗର ବାହାରକୁ ଆସିଛନ୍ତି । ଏବେ ଦୈନିକ ଉକ୍ତ ଜଳପଥ ଦେଇ ୯ରୁ କମ୍ ଜାହାଜ ଯାଉଛି, ପୂର୍ବରୁ ପ୍ରତିଦିନ ୧୪୦ଟି ଜାହାଜ ଯାଉଥିଲା ।

ଏଥିସହ ପଢ଼ନ୍ତୁ: ଅଧା ପେଟରେ ଯୁଦ୍ଧ ! ଇରାନ ସହ ଦିନରାତି ଲଢୁଛନ୍ତି ଆମେରିକୀୟ ସୈନ୍ୟ, ଖାଦ୍ୟ ବି ମିଳୁନି

ମାର୍ଚ୍ଚ ପର୍ଯ୍ୟନ୍ତ ଇରାନର ଜାହାଜ ଏହି ରାସ୍ତା ଦେଇ ପ୍ରାୟ ୧୭ ଲକ୍ଷ ବ୍ୟାରେଲ୍ ତୈଳ ପରିବହନ କରିଛି । କିନ୍ତୁ ଏବେ ଆମେରିକାର ନାକାବନ୍ଦୀ ପରେ ଇରାନର ତୈଳ ରପ୍ତାନୀ ପ୍ରାୟ ଠପ୍ ହୋଇ ଯାଇଛି ।

ନାକାବନ୍ଦୀ କେତେ ବଡ଼ ?

ଆମେରିକା ନୌସେନା ଏକ ନକ୍ସା ଦେଖାଇ କହିଛି, ଏହି ନାକାବନ୍ଦୀ ଓମାନ ଉପକୂଳରୁ ଆରମ୍ଭ ହୋଇ ରାସ୍ ଅଲ୍ ହଦରୁ ନେଇ ଇରାନ ଓ ପାକିସ୍ତାନ ସୀମା ପର୍ଯ୍ୟନ୍ତ ବ୍ୟାପିଛି । ଅର୍ଥାତ୍ ଆମେରିକା ସମୁଦ୍ରର ଏକ ବଡ଼ ଭାଗକୁ କଭର କରି ନେଇଛି ।