Russia Ukraine War / ୟୁକ୍ରେନର ନର୍ଥ ବ୍ରିଜ ଉପରେ ଋଷର ଡ୍ରୋନ୍ ଆକ୍ରମଣ; ଉଠିଲା ନିଆଁଗୋଳା, ଦେଖନ୍ତୁ ଭିଡିଓ

ୟୁକ୍ରେନ ଉପରେ ରୁଷର ବଡ଼ ଆକ୍ରମଣ । ୟୁକ୍ରେନର ନର୍ଥ ବ୍ରିଜ ଉପରେ ଡ୍ରୋନ ଆକ୍ରମଣ କରିଛି ରୁଷ । ଆକ୍ରମଣର ଭିଡିଓ ସାମ୍ନାକୁ ଆସିଛି । ଡ୍ନିପ୍ରୋ ନଦୀର ଗୁରୁତ୍ୱପୂର୍ଣ୍ଣ ସେତୁ ଉପରେ ଗାଡ଼ିଗୁଡ଼ିକ ଯିବାଆସିବା ଜାରି ଥିବା ବେଳେ ବଡ଼ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ ଦୁଇଜଣ ଆହତ ହୋଇଛନ୍ତି। ବିସ୍ଫୋରଣ ଏବଂ ବାୟୁ ପ୍ରତିରକ୍ଷା ବ୍ୟବସ୍ଥା ସକ୍ରିୟ ଥିବା ସମୟରେ ଏହି ଆକ୍ରମଣ ହୋଇଛି । ଜର୍ମାନ ଚାନ୍ସେଲର ଫ୍ରେଡ୍ରିକ୍ ମର୍ଜ କିଭ୍ ପହଞ୍ଚିବା ପରେ ଏହି ଆକ୍ରମଣ କରିଛି ରୁଷ ।

• ରାଜଧାନୀରେ ଯୋଗାଯୋଗ ସମ୍ପୂର୍ଣ୍ଣ ବିଚ୍ଛିନ୍ନ

ୟୁକ୍ରେନର ଭିତ୍ତିଭୂମିକୁ ସମ୍ପୂର୍ଣ୍ଣ ନଷ୍ଟ କରିଦେବାର ଲକ୍ଷ୍ୟ ରଖି ଋଷ କିଭ୍‌ର ଏକ ମୁଖ୍ୟ ସେତୁ ଉପରେ ଶକ୍ତିଶାଳୀ କ୍ଷେପଣାସ୍ତ୍ର ମାଡ଼ କରିଛି । କିଭ୍ ମେୟରଙ୍କ ସୂଚନା ଅନୁଯାୟୀ, ଏହି ଆକ୍ରମଣ ଏତେ ଭୟଙ୍କର ଥିଲା ଯେ ଏହା ସମଗ୍ର ରାଜଧାନୀରେ ହାହାକାର ପରିସ୍ଥିତି ସୃଷ୍ଟି କରିବା ସହ ସହରର ଟ୍ରାଫିକ୍ ବ୍ୟବସ୍ଥାକୁ ସମ୍ପୂର୍ଣ୍ଣ ଠପ୍ କରିଦେଇଛି । ପ୍ରଥମ ଥର ପାଇଁ କିଭ୍‌ର ନର୍ଦର୍ଣ୍ଣ ବ୍ରିଜ୍‌କୁ ସିଧାସଳଖ ଟାର୍ଗେଟ୍ କରାଯାଇଛି । ଏହି ବିସ୍ଫୋରଣ ଫଳରେ ସେତୁର ରାସ୍ତା ଏବଂ ଟ୍ରଲିବସ୍ ଯୋଗାଯୋଗ ନେଟୱାର୍କ ବିଚ୍ଛିନ୍ନ ହୋଇଯାଇଛି ।

• ବିଦେଶୀ ନାଗରିକଙ୍କୁ କିଭ୍ ଛାଡ଼ିବାକୁ ଋଷର ଚେତାବନୀ

ନଦୀର ବାମ ପାର୍ଶ୍ୱରୁ ଡାହାଣ ପାର୍ଶ୍ୱକୁ ଯୋଗାଯୋଗ କରୁଥିବା ଏହି ବ୍ରିଜ୍ ଉପରେ ଯାତାୟାତ ଏବେ ସମ୍ପୂର୍ଣ୍ଣ ବନ୍ଦ ହୋଇଯାଇଛି, ଯାହାଦ୍ୱାରା କିଭ୍‌ର ଦୁଇ ପ୍ରାନ୍ତ ମଧ୍ୟରେ ସମ୍ପର୍କ ସମ୍ପୂର୍ଣ୍ଣ ବିଚ୍ଛିନ୍ନ ହୋଇଯାଇଛି । ଏହା ପରେ ପରିସ୍ଥିତି ଆହୁରି ଉଦ୍‌ବେଗଜନକ ରୂପ ନେଇଛି କାରଣ ଋଷ ଏବେ କିଭ୍‌ରେ ଥିବା ସମସ୍ତ ବିଦେଶୀ ରାଷ୍ଟ୍ରଦୂତ ଏବଂ ନାଗରିକମାନଙ୍କୁ ତୁରନ୍ତ ସହର ଛାଡ଼ିବା ପାଇଁ କଡ଼ା ଚେତାବନୀ ଦେଇଛି ।

ପଢନ୍ତୁ ଏହି ଖବର: ଋଷିଆ ଆକ୍ରମଣରେ ଧ୍ୱଂସ ହୋଇଗଲା ୟୁକ୍ରେନ୍ ସ୍ଥିତ ଭାରତୀୟ ଫାର୍ମା କମ୍ପାନୀ

This morning, the Russians once again struck the Pivnichnyi Bridge in Kyiv with a drone. They attacked an ordinary pharmaceutical warehouse in Sumy with drones. Tragically, one person was killed. My condolences to the family and loved ones. In Dnipro, they struck a communications facility. Six people were injured as a result of these attacks. Overnight, the Russians launched 135 attack drones against Ukraine, more than 50 of them jet-powered. Kyiv, the Dnipro, Kharkiv, Donetsk, Sumy, and Zaporizhzhia regions came under attack. And among the main targets of these terrorists, as always, are ordinary residential buildings, critical infrastructure – everything that makes up normal everyday life. There are power outages in some communities. Our services are working at the impact sites. It is important that Ukraine is not left alone against this terror. This week alone, the Russians have used more than 1,900 attack drones, 1,700 aerial bombs, and 25 missiles against Ukraine. More than 800 of the drones were jet-powered, and Russia must be held accountable for this escalation. Today, Friedrich Merz @bundeskanzler – Federal Chancellor of Germany – is visiting Kyiv. A leader of a country that consistently demonstrates leadership in protecting the lives of Ukrainians from Russian strikes. We are grateful for all the support, and today we are preparing decisions to give us in Ukraine, and all of Europe, greater capabilities to defend ourselves. There will be important agreements between Ukraine and Germany. Russia must be stopped together. Thank you to everyone who is helping.

— Volodymyr Zelenskyy / Володимир Зеленський (@ZelenskyyUa) October 4, 2026

• ପାଲଟା ଜବାବରେ ହେଉଛି ଆକ୍ରମଣ

ଋଷୀୟ ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ୟୁକ୍ରେନ ସେନା ପକ୍ଷରୁ ଋଷର ସାଧାରଣ ନାଗରିକ ଏବଂ ଗୁରୁତ୍ୱପୂର୍ଣ୍ଣ ଭିତ୍ତିଭୂମି ଉପରେ କ୍ରମାଗତ ଭାବେ ଆକ୍ରମଣ କରାଯାଉଛି । ଏହାର କଡ଼ା ଜବାବ ଦେବା ପାଇଁ ଋଷୀୟ ସେନା କିଭ୍‌ ସମେତ ୟୁକ୍ରେନର ବିଭିନ୍ନ ସହରରେ ସାମରିକ ଠିକଣାଗୁଡ଼ିକୁ ଟାର୍ଗେଟ୍ କରି ଆକ୍ରମଣକୁ ଆହୁରି ଜୋରଦାର କରିବ । ତେଣୁ ଚେତାବନୀକୁ ଅବମାନନା କରି ଯେଉଁ ବିଦେଶୀ ନାଗରିକ କିମ୍ବା କୂଟନୀତିଜ୍ଞମାନେ ସେଠାରେ ରହିବେ, ସେମାନଙ୍କ ଜୀବନହାନି କିମ୍ବା କ୍ଷୟକ୍ଷତି ପାଇଁ ସେମାନେ ନିଜେ ଦାୟୀ ରହିବେ ବୋଲି ସ୍ପଷ୍ଟ କରାଯାଇଛି । ଉଭୟ ଦେଶ ମଧ୍ୟରେ ଏହି ଉତ୍ତେଜନାମୂଳକ ପରିସ୍ଥିତି ଯୋଗୁଁ ୟୁକ୍ରେନରେ ଆଗାମୀ ଦିନରେ ବିପଦ ଆହୁରି ବଢ଼ିବାର ଆଶଙ୍କା ରହିଛି।

• ଜର୍ମାନୀ ଚାନ୍ସେଲର କାହିଁକି ୟୁକ୍ରେନ ଯାଇଛନ୍ତି ?

ଜର୍ମାନର ଚାନ୍ସେଲର ଫ୍ରେଡ୍ରିକ୍ ମର୍ଜ ଋଷ ସହିତ ଚାଲିଥିବା ଯୁଦ୍ଧ ମଧ୍ୟରେ ୟୁକ୍ରେନକୁ ଜର୍ମାନୀର ଦୃଢ଼ ସମର୍ଥନ ଜଣାଇବା ପାଇଁ ଏକ ଅଘୋଷିତ ଗସ୍ତରେ କିଭ୍ ଯାଇଛନ୍ତି। ଋଷ ପକ୍ଷରୁ ବିଦେଶୀ ନାଗରିକ ଓ କୂଟନୀତିଜ୍ଞମାନଙ୍କୁ କିଭ୍ ଛାଡ଼ିବାକୁ ଦିଆଯାଇଥିବା ଚେତାବନୀକୁ ଏଡ଼ାଇ ସେ ୟୁକ୍ରେନ ରାଷ୍ଟ୍ରପତି ଭ୍ଲାଦିମିର ଜେଲେନସ୍କିଙ୍କ ସହ ସାକ୍ଷାତ କରିଛନ୍ତି । ଜର୍ମାନୀ ଚାନ୍ସେଲର ୟୁକ୍ରେନ ପାଇଁ ୧.୩୫ ବିଲିୟନ ୟୁରୋ (₹୧୪,୬୫୩ କୋଟି) ମୂଲ୍ୟର ଏକ ବଡ଼ ସାମରିକ ସହାୟତା ପ୍ୟାକେଜ୍ ଘୋଷଣା କରିଛନ୍ତି । ଏଥିରେ ଦୂରଗାମୀ ଅସ୍ତ୍ରଶସ୍ତ୍ର ଆଦି ସାମିଲ ।