Sri Lanka Nationwide Blackout 2026 / ଅତ୍ୟଧିକ ବିଦ୍ୟୁତ୍ ଉତ୍ପାଦନ ଯୋଗୁଁ ଦେଶବ୍ୟାପୀ ବ୍ଲାକଆଉଟ୍! ୬ ଘଣ୍ଟା ଅନ୍ଧାରରେ ରହିଲା ସମଗ୍ର ଦେଶ

କମ୍ ବିଦ୍ୟୁତ ଯୋଗାଣ କାରଣରୁ କୌଣସି ଦେଶରେ ବ୍ଲାକଆଉଟ୍ ହେବା କଥା ଆପଣ ଶୁଣିଥିବେ। ହେଲେ କୌଣସି ଦେଶରେ ଅତ୍ୟଧିକ ବିଦ୍ୟୁତ୍ ଉତ୍ପାଦନ ଯୋଗୁଁ ଦେଶବ୍ୟାପୀ ବ୍ଲାକଆଉଟ୍ ହେବା କଥା ଶୁଣିଛନ୍ତି? ସ୍ଥିତି ଏପରି ହୋଇଛି ଯେ ୬ ଘଣ୍ଟା ଧରି ସମଗ୍ର ଦେଶ ଅନ୍ଧାରରେ ରହିଛି। ଅତ୍ୟଧିକ ବିଦ୍ୟୁତ୍ ଉତ୍ପାଦନ ଯୋଗୁଁ ସମଗ୍ର ଶ୍ରୀଲଙ୍କାରେ ଦେଶବ୍ୟାପୀ ବ୍ଲାକଆଉଟ୍ ହୋଇଥିଲା। ଶନିବାର (ଅକ୍ଟୋବର) ସମଗ୍ର ଦେଶରେ ବିଦ୍ୟୁତ୍ ଯୋଗାଣ ପ୍ରାୟ ୬ ଘଣ୍ଟା ପାଇଁ ବାଧାପ୍ରାପ୍ତ ହୋଇଥିଲା। ଦେଶର ରାଷ୍ଟ୍ରୀୟ ଗ୍ରୀଡ୍‌ ଟ୍ରିପ୍ ହୋଇଯିବା କାରଣରୁ ଏପରି ସ୍ଥିତି ଉପୁଜିଥିଲା। ଯାହା ସମ୍ଭବତଃ ଅତ୍ୟଧିକ ସୌରଶକ୍ତି ଉତ୍ପାଦିତ ହେବା କାରଣରୁ ହେବା ନେଇ ସନ୍ଦେହ କରାଯାଉଛି।

ଚାହିଦା କମ୍; ଉତ୍ପାଦନ ଅତ୍ୟଧିକ
ସରକାରୀ ବିଦ୍ୟୁତ୍ କର୍ତ୍ତୃପକ୍ଷ କହିଛନ୍ତି ଯେ ଶନିବାର ଅପରାହ୍ନ ସମୟରୁ ସନ୍ଧ୍ୟା ପର୍ଯ୍ୟନ୍ତ ଗ୍ରୀଡ୍ ବିଦ୍ୟୁତ୍ ଯୋଗାଣ ବାଧାପ୍ରାପ୍ତ ହୋଇଥିଲା। ଯାହା ପରେ ୨.୨ କୋଟି ଜନସଂଖ୍ୟା ବିଶିଷ୍ଟ ଏହି ଦ୍ୱୀପ ଦେଶରେ ପର୍ଯ୍ୟାୟକ୍ରମେ ବିଦ୍ୟୁତ୍ ସେବା ପୁନର୍ବାର ଚାଲୁ କରାଯାଇଥିଲା। ଶକ୍ତି ମନ୍ତ୍ରୀ ଅନୁରା କରୁଣାତିଲକା କହିଛନ୍ତି ଯେ ଏହି ପ୍ରମୁଖ ବିଭ୍ରାଟର କାରଣ ତଦନ୍ତାଧିନ ରହିଛି। ହେଲେ ତଥାପି ଇଞ୍ଜିନିୟର ସନ୍ଦେହ କରୁଛନ୍ତି ଯେ ସପ୍ତାହାନ୍ତ ଛୁଟି ଯୋଗୁଁ ବିଦ୍ୟୁତ୍ ଚାହିଦା କମ୍ ହୋଇଥିଲା। ଯେତେବେଳେ ସୌରଶକ୍ତି ଉତ୍ପାଦନ ଅତ୍ୟଧିକ ହୋଇଥିଲା। ଯାହା ଏକ ଅସନ୍ତୁଳନ ସୃଷ୍ଟି କରିଥିଲା।

ଏହା ସହ ପଢନ୍ତୁ: ଅନ୍ଧକାରମୟ ହୋଇଉଠିଲା କ୍ୟୁବ; ବିଦ୍ୟୁତ ପାଇଁ ସଂଘର୍ଷ କରୁଛି ସମଗ୍ର ଦେଶ

ଆକର୍ଷଣୀୟ ଭାବରେ, ଶ୍ରୀଲଙ୍କା କର୍ତ୍ତୃପକ୍ଷ ଗ୍ରୀଡ୍ ସ୍ଥିର କରିବାରେ ସାହାଯ୍ୟ କରିବା ପାଇଁ ଛାତ ଉପରେ ସୌରଶକ୍ତି ଲଗାଇଥିବା ଲୋକଙ୍କୁ ସେମାନଙ୍କର ସିଷ୍ଟମ ବିଚ୍ଛିନ୍ନ କରିବାକୁ ବାରମ୍ବାର ଅନୁରୋଧ କରିଛନ୍ତି। ଯାହା ଏହା ପରେ ବିଦ୍ୟୁତ୍ ଯୋଗାଣ ପୁନର୍ବାର ଚାଲୁ ହୋଇପାରିବ। ଏହା ପ୍ରଥମ ଥର ହୋଇ ନାହିଁ। ଗତ ବର୍ଷ ଫେବୃଆରୀରେ ରବିବାର ଦିନ ସୌରଶକ୍ତି ଉତ୍ପାଦନ ବ୍ୟବହାର ଧାର୍ଯ୍ୟ ସୀମା ଅତିକ୍ରମ କରିଯିବାରୁ ସମ୍ପୂର୍ଣ୍ଣ ଗ୍ରୀଡ୍ ବାଧାପ୍ରାପ୍ତ ହୋଇଥିଲା। ଯାହା ଫଳରେ ବିଦ୍ୟୁତ୍ ସେବାକୁ ପୁନର୍ବାର କାର୍ଯ୍ୟକ୍ଷମ କରିବାକୁ ୬ ଘଣ୍ଟାରୁ ଅଧିକ ସମୟ ଲାଗିଥିଲା।

ଟିକସ ଛାଡ଼ ଯୋଗୁଁ ସୌରଶକ୍ତି କ୍ଷମତା ବୃଦ୍ଧି ପାଉଛି
ଶ୍ରୀଲଙ୍କାରେ ସ୍ଥାପିତ ସୌରଶକ୍ତି କ୍ଷମତା ୩୦୦୦ ମେଗାୱାଟ ଠାରୁ ସାମାନ୍ୟ ଅଧିକ ରହିଛି। ଯେତେବେଳେ ଦୈନିକ ବିଦ୍ୟୁତ୍ ଚାହିଦା ୨ ହଜାରରୁ ୨୫୦୦ ମେଗାୱାଟ ମଧ୍ୟରେ ରହିଛି। ଟିକସ ଛାଡ଼ ଯୋଗୁଁ, ଗ୍ରାହକ ସୌରଶକ୍ତି ଆଡକୁ ମୁହାଁଇଛନ୍ତି ଏବଂ ସେମାନଙ୍କର ଅତିରିକ୍ତ ବିଦ୍ୟୁତ୍ ଗ୍ରୀଡ୍‌ କୁ ବିକ୍ରି କରୁଛନ୍ତି। ଯାହା ଏକ ଅସନ୍ତୁଳନ ସୃଷ୍ଟି କରୁଛି। ଯାହାକୁ ପରିଚାଳନା କରିବାକୁ ବିଦ୍ୟୁତ୍ କମ୍ପାନୀ ସଂଘର୍ଷ କରୁଛି। ଯଦି ସରକାର ୩ ବର୍ଷ ମଧ୍ୟରେ ସୌରଶକ୍ତି ଉତ୍ପାଦନ କ୍ଷମତାକୁ ପ୍ରାୟ ୪୪୦୦ ମେଗାୱାଟକୁ ବୃଦ୍ଧି କରିବାକୁ ଲକ୍ଷ୍ୟ ରଖିଛନ୍ତି। ଯାହା ଗତ ୨୦୨୪ ବର୍ଷର ସ୍ତର ଠାରୁ ୩୮୭ ପ୍ରତିଶତ ଅଧିକ।