ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ଚାଲିଥିବା ସୀମା ବିବାଦ ଉଭୟ ଦେଶର ଅର୍ଥନୀତିକୁ ଗୁରୁତର ଭାବରେ ପ୍ରଭାବିତ କରିଛି। ଅକ୍ଟୋବର ୧୧ ତାରିଖରେ ସୀମା ବନ୍ଦ ହେବା ପରଠାରୁ କେବଳ ବାଣିଜ୍ୟ ସମ୍ପୂର୍ଣ୍ଣ ସ୍ଥଗିତ ହୋଇନାହିଁ ବରଂ ନିତ୍ୟ ବ୍ୟବହାର୍ଯ୍ୟ ସାମଗ୍ରୀର ମୂଲ୍ୟ ଆକାଶଛୁଆଁ ହୋଇଛି । କାବୁଲର ପାକ୍-ଆଫଗାନ ଚାମ୍ବର ଅଫ୍ କମର୍ସର ମୁଖ୍ୟ ଖାନ ଜାନ ଆଲୋକୋଜାଇ କହିଛନ୍ତି ଯେ ସଂଘର୍ଷ ଆରମ୍ଭ ହେବା ପରଠାରୁ ଉଭୟ ଦେଶ ପ୍ରତିଦିନ ପ୍ରାୟ ୧ ନିୟୁତ ଡଲାର କ୍ଷତି ସହୁଛନ୍ତି ।

ପାକିସ୍ତାନରେ ଖାଦ୍ୟ ସାମଗ୍ରୀ ମଧ୍ୟରେ ଟମାଟୋ ଏବଂ ସେଓର ମୂଲ୍ୟ ସବୁଠାରୁ ଅଧିକ ପ୍ରଭାବିତ ହୋଇଛି। ଟମାଟୋ ଯାହା ପୂର୍ବରୁ କିଲୋଗ୍ରାମ ପିଛା ୧୨୦ ଟଙ୍କାରେ ମିଳୁଥିଲା ତାହା ଏବେ ପ୍ରତି କିଲୋଗ୍ରାମ ପିଛା ୬୦୦ ଟଙ୍କାରେ ବିକ୍ରି ହେଉଛି । ସେହିପରି ସେଓ ଏବଂ ଅଙ୍ଗୁର ମୂଲ୍ୟରେ ମଧ୍ୟ ତୀବ୍ର ବୃଦ୍ଧି ଘଟିଛି । କାରଣ ଏହା ଆଫଗାନିସ୍ତାନରୁ ଆମଦାନି କରାଯାଉଛି । ଖାନ ଜାନ ଆଲୋକୋଜାଇ କହିଛନ୍ତି ଯେ ପ୍ରତିଦିନ ପ୍ରାୟ ୫୦୦ କଣ୍ଟେନର ପନିପରିବା ପାକିସ୍ତାନକୁ ରପ୍ତାନି ପାଇଁ ଆସୁଥିଲା, କିନ୍ତୁ ସୀମା ବନ୍ଦ ହେବା ଯୋଗୁଁ ଏହା ଏବେ ବନ୍ଦ ହୋଇଯାଇଛି।

ଅଧିକ ପଢ଼ନ୍ତୁ: ପୁଟିନ୍‌ଙ୍କ ଉପରେ ଟ୍ରମ୍ପଙ୍କ ବଡ଼ ଆକ୍ସନ୍, ଋଷର ତେଲ କମ୍ପାନୀ ଉପରେ ଲାଗିଲା କଟକଣା

ସୀମାରେ ୫ ହଜାର କଣ୍ଟେନର ଫସି ରହିଛି

ପାକିସ୍ତାନର ତୋରଖମ ସୀମାର ଉଭୟ ପାର୍ଶ୍ୱରେ ପ୍ରାୟ ୫ ହଜାର କଣ୍ଟେନର ଫସି ରହିଛି। ଏଥିରେ ଫଳ, ପନିପରିବା, ଖଣିଜ ପଦାର୍ଥ, ଔଷଧ, ଗହମ, ଚାଉଳ, ଚିନି, ମାଂସ ଏବଂ କ୍ଷୀରଜାତ ଦ୍ରବ୍ୟ ଅନ୍ତର୍ଭୁକ୍ତ । ସ୍ଥାନୀୟ ଅଧିକାରୀମାନେ ରିପୋର୍ଟ କରିଛନ୍ତି ଯେ ଟମାଟୋ, ସେଓ ଏବଂ ଅଙ୍ଗୁର ଭଳି ସାମଗ୍ରୀ ଏବେ ବଜାରରେ ମିଳିବା କଷ୍ଟକର ହୋଇପଡ଼ିଛି ।

ସଂଘର୍ଷ ଏବଂ ବିମାନ ଆକ୍ରମଣ ପରେ ପରିସ୍ଥିତି ବିଗିଡ଼ିଛି

ଆଫଗାନିସ୍ତାନରୁ ସୀମାପାର ଆକ୍ରମଣ କରୁଥିବା ଆତଙ୍କବାଦୀଙ୍କ ବିରୋଧରେ ପାକିସ୍ତାନ କାର୍ଯ୍ୟାନୁଷ୍ଠାନ ଦାବି କରିବା ପରେ ସୀମା ସଂଘର୍ଷ ଆରମ୍ଭ ହୋଇଥିଲା । ପାକିସ୍ତାନ ଦାବି କରୁଛି ଯେ ଏହି ଆତଙ୍କବାଦୀମାନେ ଆଫଗାନ ମାଟିରୁ କାର୍ଯ୍ୟ କରୁଛନ୍ତି, ଯାହାକୁ କାବୁଲ୍ ଦୃଢ଼ ଭାବରେ ଅସ୍ୱୀକାର କରୁଛି । ୨୦୨୧ ମସିହାରେ ତାଲିବାନ କାବୁଲ ଦଖଲ କରିବା ପରଠାରୁ ଏହି ସଂଘର୍ଷକୁ ସବୁଠାରୁ ଘାତକ ସୀମା ସଂଘର୍ଷ ବୋଲି ବିବେଚନା କରାଯାଉଛି ।

କତାର ଏବଂ ତୁର୍କୀ ଦ୍ୱାରା ଯୁଦ୍ଧବିରତି ମଧ୍ୟସ୍ଥତା

ଗତ ସପ୍ତାହ ଶେଷ ସୁଦ୍ଧା ଦୁଇ ଦେଶ କାତାର ଏବଂ ତୁର୍କୀ ଦ୍ୱାରା ମଧ୍ୟସ୍ଥତା ହୋଇଥିବା ଏକ ଯୁଦ୍ଧବିରତି ପାଇଁ ରାଜି ହୋଇଥିଲେ, କିନ୍ତୁ ବାଣିଜ୍ୟ ସ୍ଥଗିତ ରହିଛି । ତେବେ ପରବର୍ତ୍ତୀ ପର୍ଯ୍ୟାୟ ଆଲୋଚନା ଅକ୍ଟୋବର ୨୫ରେ ଇସ୍ତାନବୁଲରେ ଅନୁଷ୍ଠିତ ହେବ। ଯେଉଁଠାରେ ସୀମା ଖୋଲିବା ଏବଂ ବାଣିଜ୍ୟ ପୁନଃସ୍ଥାପନ କରିବା ବିଷୟରେ ଆଲୋଚନା କରାଯିବ ।