ନୂଆଦିଲ୍ଲୀ: ପଶ୍ଚିମ ଏସିଆରେ ସ୍ଥିତି ପୁଣି ଉତ୍ତେଜନାପୂର୍ଣ୍ଣ ହୋଇଛି । ଇରାନ ଉପରେ ଇସ୍ରାଏଲ୍ ଓ ଆମେରିକାର ଆକ୍ରମଣ ପରେ ଯୁଦ୍ଧ ଏବେ ବି ଥମିନି । ସେପଟେ ଇସ୍ରାଏଲ୍, ଲେବାନନରେ ଅସ୍ତ୍ରବିରତିର ଉଲ୍ଲଂଘନ କରି ନୂଆ ମୋର୍ଚ୍ଚା ଖୋଲି ଦେଇଛି ।

ଲେବାନନ ଭିତରେ ପଶି ଇସ୍ରାଏଲ୍ ଐତିହାସିକ ବ୍ୟୁଫୋର୍ଟ ପାହାଡ଼କୁ କବ୍‌ଜା କରି ନେଇଛି । ଆଉ ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କ ଏହି ପଦକ୍ଷେପକୁ ନେଇ ଅନ୍ତର୍ଜାତୀୟ ସ୍ତରରେ ଆଲୋଚନା ଜୋର୍ ଧରିଛି ।

ଏଥିସହ ପଢ଼ନ୍ତୁ: ଅଟକିଛି ଶାନ୍ତି ଆଲୋଚନା; ଘନ ଘନ ହେଲା ଡ୍ରୋନ୍ ଓ ମିସାଇଲ୍ ମାଡ଼ 

ଇସ୍ରାଏଲ୍‌ର ଏହି ପଦକ୍ଷେପ ପରେ ଇରାନ ପୁଣି ଥରେ ହର୍ମୁଜ୍ ପ୍ରଣାଳୀକୁ ବନ୍ଦ କରିବାକୁ ଧମକ ଦେଇଛି । ଯାହା ଫଳରେ ଇରାନ୍ ଓ ଆମେରିକା ମଧ୍ୟରେ ଚାଲିଥିବା ଶାନ୍ତି ଆଲୋଚନା ଓ ଯୁଦ୍ଧବିରତି ଚୁକ୍ତି ପୁଣି ଅନିଶ୍ଚିତତା ଆଡ଼କୁ ଠେଲି ହୋଇ ଯାଇଛି ।

ଏତେ ସବୁ ହେବା ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ରାଗି ଯାଇଛନ୍ତି । ରାଗରେ ଗରଗର ହୋଇ ଡୋନାଲ୍ଡ ଟ୍ରମ୍ପ, ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କୁ ଫୋନ୍ କରି ଭୀଷଣ ବିରକ୍ତି ପ୍ରକାଶ କରିଥିବା ଚର୍ଚ୍ଚା ଜୋର୍ ଧରିଛି ।

ଫୋନ୍‌ରେ ଚିଲ୍ଲାଇଲେ ଟ୍ରମ୍ପ

ରିପୋର୍ଟ ଅନୁସାରେ, ଲେବାନନ ଉପରେ ଇସ୍ରାଏଲ୍‌ର ଲାଗାତାର ବୋମାବର୍ଷା ଓ ଆକ୍ରମଣକୁ ନେଇ ଟ୍ରମ୍ପ ରାଗିଛନ୍ତି । ସୋମବାର ଟ୍ରମ୍ପ, ନେତାନ୍ୟାହୁଙ୍କୁ ଫୋ୍ କରି ଗାଳି ଦେଇଛନ୍ତି । ଉଚ୍ଚ ସ୍ଵରରେ ଟ୍ରମ୍ପ, ନେତାନ୍ୟାହୁଙ୍କ ମଧ୍ୟରେ ବାର୍ତ୍ତାଳାପ ହୋଇଛି ।

ଏପରିକି ଟ୍ରମ୍ପ ନେତାନ୍ୟାହୁଙ୍କୁ କହିଛନ୍ତି, "ତୁମେ ପୂରା ପାଗଳ ହୋଇ ଯାଇଛ । ଯଦି ମୁଁ ନଥାନ୍ତି ତୁଣେ ଏବେ ଜେଲ୍‌ରେ ଥାଆନ୍ତ । ମୁଁ ତୁମ ଜୀବନ ବଞ୍ଚାଉଛି । ତୁମର ଏଭଳି କାରନାମା ପାଇଁ ଆଜି ସମସ୍ତେ ତୁମକୁ ଘୃଣା କରୁଛନ୍ତି । ଏବେ ଏଥିପାଇ ସମଗ୍ର ବିଶ୍ଵ ଇସ୍ରାଏଲ୍‌କୁ ଘୃଣା କରିବା ଆରମ୍ଭ କରିଛି ।"

ଏଥିସହ ପଢ଼ନ୍ତୁ: ଐତିହାସିକ ବ୍ୟୁଫୋର୍ଟ ଦୁର୍ଗରେ ଉଡ଼ିଲା ଇସ୍ରାଏଲ ବିଜୟ ବାନା; କଣ ରହିଛି ଏହାର ଇତିହାସ? 

ଫୋନ୍‌ରେ ନେତାନ୍ୟାହୁଙ୍କୁ ଟ୍ରମ୍ପ ଚେତାବନୀ ଦେଇଛନ୍ତି । କହିଛନ୍ତି, "ଯଦି ଇସ୍ରାଏଲ୍‍, ଲେବାନନ ଉପରେ ଆକ୍ରମଣ ରୋକିବ ନାହିଁ ତ ଇସ୍ରାଏଲ୍ ପୂରା ଦୁନିଆରୁ ଅଲଗା ହୋଇଯିବ । ଏପରିକି ଆମେରିକା ମଧ୍ୟ ଆଉ ଇସ୍ରାଏଲ୍‌କୁ ସହାୟତା କରିବ ନାହିଁ ।"

ଧମକାଇଲା ଇରାନ

ଲେବାନନ ଉପରେ ଇସ୍ରାଏଲ୍‌ର ଆକ୍ରମଣକୁ ନଇ ଇରାନ ମଧ୍ୟ ଚିଡ଼ି ଯାଇଛି । ପୁଣି ଥରେ ହର୍ମୁଜ୍ ପ୍ରଣାଳୀ ବନ୍ଦ କରିବାକୁ ଧମକ ଦେଇଛି ଇରାନ । ଯାହା ଫଳରେ ଦୁନିଆରେ ପୁଣି ଥରେ ଶକ୍ତି ସଂକଟ ଦେଖା ଦେଇପାରେ ।