ଶାନ୍ତି ଚୁକ୍ତି ପୂର୍ବରୁ ପୁଣି ଧମକାଇଲେ ଟ୍ରମ୍ପ । ଇରାନ ସହିତ ଚାଲିଥିବା ଶାନ୍ତି ଚୁକ୍ତି ଆଲୋଚନା ମଧ୍ୟରେ ଏକ ବଡ଼ ବୟାନ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଇଜିପ୍ଟର ରାଷ୍ଟ୍ରପତି ଅବଦେଲ ଫତାହ ଅଲ-ସିସିଙ୍କ ସହ ଏକ ଦ୍ୱିପାକ୍ଷିକ ବୈଠକ ସମୟରେ, ସେ କହିଛନ୍ତି ଯେ ଇରାନ ସହିତ ବର୍ତ୍ତମାନର ବୁଝାମଣାପତ୍ର (MOU) ଏପର୍ଯ୍ୟନ୍ତ ଚୂଡ଼ାନ୍ତ ନୁହେଁ । ଯଦି ସେ ଚୁକ୍ତିକୁ ପ୍ରତ୍ୟାଖ୍ୟାନ କରନ୍ତି, ତେବେ ଆମେରିକା ପୁଣି ଥରେ ଇରାନ ବିପକ୍ଷରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିପାରେ ।
G7 ବୈଠକରେ ଇଜିପ୍ଟର ରାଷ୍ଟ୍ରପତି ଅବଦେଲ ଫତାହ ଅଲ-ସିସିଙ୍କ ସହ ସାକ୍ଷାତ ସମୟରେ ଟ୍ରମ୍ପ କହିଥିଲେ ଯେ ଦୁଇ ଦେଶ ମଧ୍ୟରେ କେବଳ ଏକ ବୁଝାମଣାପତ୍ର (MoU) ସ୍ୱାକ୍ଷରିତ ହୋଇଛି ଏବଂ ଅନେକ ଜିନିଷ ଚୂଡ଼ାନ୍ତ ହେବାକୁ ବାକି ଅଛି ।

ଟ୍ରମ୍ପ ଚେତାବନୀ ଦେଇଛନ୍ତି ଯେ ଯଦି ଇରାନ ଚୁକ୍ତିର ସର୍ତ୍ତାବଳୀ ପାଳନ ନ କରେ, ତେବେ ଆମେରିକା ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବ। ସେ କହିଛନ୍ତି, "ଯଦି ଇରାନ ଠିକ୍ ବ୍ୟବହାର ନ କରେ ତାହାଲେ ପୁଣି ଯୁଦ୍ଧ ହେବ । ଆମେରିକା ପୁଣି ବୋମା ବର୍ଷଣ କରିବାକୁ ପଛାଇବନି ବୋଲି ଟ୍ରମ୍ପ କହିଛନ୍ତି ।

ଟ୍ରମ୍ପ ଦାବି କରିଛନ୍ତି ଯେ ଇରାନ କେବେ ବି ପରମାଣୁ ଅସ୍ତ୍ର ହାସଲ କରିବ ନାହିଁ ବୋଲି ଏବେ ୯୯.୯୯% ସମ୍ଭାବନା ରହିଛି । ଫ୍ରାନ୍ସରେ G7 ଶିଖର ସମ୍ମିଳନୀ ସମୟରେ ଇଜିପ୍ଟର ରାଷ୍ଟ୍ରପତି ଅବଦେଲ ଫତାହ ଅଲ-ସିସିଙ୍କ ସହ ଗଣମାଧ୍ୟମ ଆଲୋଚନା ସମୟରେ ସେ ଏହି ବିବୃତ୍ତି ଦେଇଥିଲେ ।

ଅଧିକ ପଢ଼ନ୍ତୁ: ଟ୍ରମ୍ପ ସରକାରଙ୍କ ସ୍ୱୀକାରୋକ୍ତି: ଯୁଦ୍ଧରେ ବ୍ୟବହୃତ ହୋଇଛି 'ଏକ୍ସ ଏଆଇ ଟୁଲ୍ ଗ୍ରକ୍'

ଟ୍ରମ୍ପ ଆହୁରି କହିଛନ୍ତି ଯେ ଆମେରିକା ଏବଂ ଇରାନ ମଧ୍ୟରେ ଚାଲିଥିବା ଶାନ୍ତି ଆଲୋଚନା ଯୋଗୁଁ ବଜାରରେ ଏକ ଗୁରୁତ୍ୱପୂର୍ଣ୍ଣ ବୃଦ୍ଧି ଏବଂ ତୈଳ ମୂଲ୍ୟରେ ହ୍ରାସ ଦେଖିବାକୁ ମିଳିଛି ।

G7 ଶିଖର ସମ୍ମିଳନୀରେ ଟ୍ରମ୍ପଙ୍କ ଏହି ବୟାନକୁ ଇରାନ ପାଇଁ ଏକ ସିଧାସଳଖ ଚେତାବନୀ ଭାବରେ ଦେଖାଯାଉଛି । ଆମେରିକା ଏକ ଚୁକ୍ତିର ସମ୍ଭାବନାକୁ ଖୋଲା ରଖିବାକୁ ଚାହୁଁଥିବା ବେଳେ, ଏକ ବାର୍ତ୍ତା ମଧ୍ୟ ପଠାଉଛି ଯେ ଏହା ଏହାର ରଣନୈତିକ ସ୍ୱାର୍ଥ ସହିତ ସାଲିସ କରିବ ନାହିଁ ।