ଆମେରିକାରେ ଏକ ସାକ୍ଷାତାକାରରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଏତେ ରାଗ ଆସିଥିଲା ଯେ କ୍ୟାମେରା ସାମ୍ନାରେ ସେ ଉଠି ପଳାଇଥିଲେ । ଉକ୍ତ ଇଣ୍ଟରଭ୍ୟୁରେ ତାଙ୍କୁ ଇରାନ ଯୁଦ୍ଧ, ଦଙ୍ଗାକାରୀଙ୍କ ପାଇଁ ସ୍ଵତନ୍ତ୍ର ପାଣ୍ଠି ଓ ୨୦୨୦ ନିର୍ବାଚନରେ ଘୋଟାଲା ଭଳି କଡ଼ା ପ୍ରଶ୍ନ କରିଥିଲେ ସାମ୍ବାଦିକା । ସାକ୍ଷାତକାର ଆରମ୍ଭରୁ ଟ୍ରମ୍ପ ଶାନ୍ତ ଥିଲେ, କିନ୍ତୁ ଯେମିତି ଇଣ୍ଟରଭ୍ୟୁ ସମୟ ବଢୁଥିଲା ଆଉ ପ୍ରଶ୍ନକୁ ହଜମ କରିପାରୁନଥିଲେ ଟ୍ରମ୍ପ । ଶେଷରେ ସାମ୍ବାଦିକାଙ୍କ ପ୍ରଶ୍ନରେ ଘାଇଲା ହୋଇ ଅଧାରୁ ଉଠି ପଳାଇଲେ ।

୨୦୨୦ ନିର୍ବାଚନ ବେଳେ ଘୋଟାଲା ହୋଇଥିବା ଟ୍ରମ୍ପଙ୍କ ଅଭିଯୋଗ ଉପରେ ଯେତେବେଳେ ତାଙ୍କୁ ସାମ୍ବାଦିକା ଜଣକ ପ୍ରମାଣ ମାଗିଥିଲେ, ସେତେବେଳେ ହଠାତ୍ କ୍ରୋଧିତ ହୋଇଯାଇଥିଲେ ଟ୍ରମ୍ପ । ସେ ଚ୍ୟାନେଲକୁ ଭ୍ରଷ୍ଟାଚାର ନେଟୱାର୍କ କହିବା ସହ ଇଣ୍ଟରଭ୍ୟୁ ଛାଡ଼ି ଚାଲିଯାଇଥିଲେ । NBC ପକ୍ଷରୁ ଏକ ଶୋ' 'ମିଟ୍ ଦ ପ୍ରେସ୍'ରେ ଉପସ୍ଥାପିକା କ୍ରିଷ୍ଟନ୍ ୱେଲକର ଟ୍ରମ୍ପଙ୍କ ଏହି ସାକ୍ଷାତକାର ନେଉଥିଲେ । ଏହି ଇଣ୍ଟରଭ୍ୟୁଟି ଶୁକ୍ରବାର ୱିସ୍କନସିନର ଏକ ଫାର୍ମରେ ରେକର୍ଡ କରାଯାଇଥିଲା ଏବଂ ରବିବାର ପ୍ରସାରିତ ହୋଇଥିଲା ।

• ଇଣ୍ଟରଭ୍ୟୁରେ କଣ ହେଲା ?

ଏହି ଶୋ'ରେ ଟ୍ରମ୍ପଙ୍କୁ ଇରାନ ଯୁଦ୍ଧ, ପରମାଣୁ ଅସ୍ତ୍ରଶସ୍ତ୍ର ଓ ଆମେରିକାକୁ ବିଦେଶୀ ଯୁଦ୍ଧରୁ ଦୂରେଇ ରଖିବା ଉପରେ ଅନେକ ପ୍ରଶ୍ନ ପଚରାଯାଇଥିଲା । ଏହା ଉପରେ ଟ୍ରମ୍ପ କହିଥିଲେ, "ସର୍ବପ୍ରଥମେ ମୁଁ କେବେ ଏହା କହିନଥିଲି ଯେ ଯୁଦ୍ଧ କେବେ ହେବ ନାହିଁ । ତାହାଲେ ମୁଁ ଦୁନିଆର ସବୁଠୁ ଶକ୍ତିଶାଳୀ ସେନା କାହିଁକି ପ୍ରସ୍ତୁତ କରିଛି ? ମୋତେ ଦୀର୍ଘ ସମୟ ଧରି ଚାଲୁଥିବା ଯୁଦ୍ଧ ପସନ୍ଦ ନୁହେଁ । ଏହା କୌଣସି ଲମ୍ବା ଯୁଦ୍ଧ ନୁହେଁ, ଏହା କେବଳ ଗତ ୩ ମାସ ଧରି ଚାଲୁଛି ।"

WOW -- Trump crashes out and cuts his interview with Welker short as she presses him on his lack of evidence for claiming elections are rigged

"You're either crooked or you're stupid. Let's call it quits. Because I've had enough. Thank you darling," he tells her."

"I traveled… pic.twitter.com/qQaNIDnX4y

— Aaron Rupar (@atrupar) June 7, 2026

• କେଉଁ ପ୍ରଶ୍ନରେ ମାଇକ୍ ଫିଙ୍ଗିଲେ ଟ୍ରମ୍ପ ?

ଏହାପରେ ଟ୍ରମ୍ପ ୨୦୨୦ ନିର୍ବାଚନକୁ ଘୋଟାଲା ବୋଲି କହିଥିଲେ ଓ ଗତ ସପ୍ତାହରେ କାଲିଫର୍ଣ୍ଣିଆରେ ପ୍ରାଇମେରି ନିର୍ବାଚନରେ ମଧ୍ୟ ହେରଫେର ହୋଇଥିଲା । ଏହାପରେ ଉପସ୍ଥାପିତା ୱେଲକର୍ ତାଙ୍କୁ ପ୍ରମାଣ ଦେବାକୁ କହିଥିଲେ । ଏହାପରେ ଟ୍ରମ୍ପ ହଠାତ୍ କ୍ରୋଧିତ ହୋଇଯାଇଥିଲେ ଓ କହିଥିଲେ, "ଆପଣ ହୁଏତ ଭ୍ରଷ୍ଟାଚାରୀ ନଚେତ୍ ଜଣେ ମୁର୍ଖ ।" ଏହାପରେ ଟ୍ରମ୍ପ ନିଜର ମାଇକ୍ରୋଫୋନକୁ କାଢି ଫିଙ୍ଗିବା ପୂର୍ବରୁ କହିଥିଲେ, "ସରି...ଚାଲ ଏହି ସାକ୍ଷାତାକାରକୁ ଏଇଠି ସାରିବା । ଧନ୍ୟବାଦ ଡାର୍ଲିଙ୍ଗ । ତୁମର ସମୟ ଭଲ ରହୁ ।"

ପଢନ୍ତୁ ଏହି ଖବର: ସୀମା ଟପିଗଲେ ଟ୍ରମ୍ପ; ନେତାନ୍ୟାହୁଙ୍କୁ କହିଲେ...

ଏହାପରେ ଟ୍ରମ୍ପ କ୍ୟାମେରା ସାମ୍ନାରୁ ଉଠି ପଳାଇଥିଲେ । ସେତେବେଳେ ଉପସ୍ଥାପିକା ଜଣକ ତାଙ୍କୁ ରୋକିବାକୁ ଚେଷ୍ଟା କରିଥିବା ଦେଖିବାକୁ ମିଳିଛି । ରବିବାର ୱେଲକର ଦର୍ଶକଙ୍କୁ କହିଥିଲେ ଯେ ସେ ଶନିବାର ଟ୍ରମ୍ପଙ୍କ ସହିତ ପାଣିପାଗକୁ ନେଇ ହୋଇଥିବା ସମସ୍ୟା ଉପରେ କଥା ହୋଇଥିଲେ ଓ ଟ୍ରମ୍ପ ପୁଣିଥରେ ସାକ୍ଷାତକାର ଦେବାକୁ ସହମତି ପ୍ରକାଶ କରିଛନ୍ତି ।