US Attack on Iran / ୨୪ ଘଣ୍ଟାରେ ପୁଣି ଥରେ ଇରାନ ଉପରେ ଆମେରିକାର କ୍ଷେପଣାସ୍ତ୍ର ମାଡ଼, ଟ୍ରମ୍ପଙ୍କ ନିର୍ଦ୍ଦେଶରେ ଆକ୍ରମଣ

୨୪ ଘଣ୍ଟାରେ ପୁଣି ଇରାନ ଉପରେ ଆମେରିକାର ବଡ଼ ଆକ୍ରମଣ । ଇରାନର ପ୍ରତିରକ୍ଷା ପ୍ରତିଷ୍ଠାନ ଉପରେ ଆମେରିକାର ଏୟାର ଷ୍ଟ୍ରାଇକ । ହର୍ମୁଜରେ ପାନାମା ପତାକା ଯୁକ୍ତ ତୈଳ ଜାହାଜ ଉପରେ ଇରାନର ଆକ୍ରମଣକୁ ଜବାବ ଦେବାକୁ ଯାଇ ଏହି ଆକ୍ରମଣ କରିଛି ଆମେରିକା ।

ଜାହାଜକୁ ଟାର୍ଗେଟ୍ କରି ଇରାନ ଶାନ୍ତି ଚୁକ୍ତିର ଉଲ୍ଲଂଘନ କରିଥିବା ଅଭିଯୋଗ ଆଣିଛି US । ତେବେ ଗତ ୨୪ ଘଣ୍ଟାରେ ଏହା ଆମେରିକାର ଇରାନ ଉପରେ ଦ୍ବିତୀୟ ଆକ୍ରମଣ । ଯାହା ପରେ ମଧ୍ୟପ୍ରାଚ୍ୟରେ ପୁଣି ଉତ୍ତେଜନା ବୃଦ୍ଧି ପାଇଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନିର୍ଦ୍ଦେଶରେ ଏହି ଆକ୍ରମଣ କରାଯାଇଥିବା ନେଇ ସୂଚନା ଦେଇଛି ଆମେରିକାର ସେଣ୍ଟ୍ରାଲ କମାଣ୍ଡ ।

ଅଧିକ ପଢ଼ନ୍ତୁ: ୬ ବର୍ଷ ପରେ ଭାରତ ଗସ୍ତରେ ଆସିବେ ଆମେରିକା ରାଷ୍ଟ୍ରପତି ଟ୍ରମ୍ପ; ସୂଚନା ଦେଲେ ରୁବିୟୋ

ଇରାନର ସାମରିକ ନିରୀକ୍ଷଣ ଭିତ୍ତିଭୂମି, ଯୋଗାଯୋଗ ବ୍ୟବସ୍ଥା, ବାୟୁ ପ୍ରତିରକ୍ଷା ସ୍ଥଳ, ଡ୍ରୋନ ସଂରକ୍ଷଣ ସୁବିଧା ଏବଂ ସମୁଦ୍ର-ଭିତ୍ତିକ ମାଇନ୍ ବିଛାଇବା କ୍ଷମତାକୁ ଟାର୍ଗେଟ କରିଛି ଆମେରିକୀୟ ସେନା । ଦକ୍ଷିଣ ସିରିକ୍ ସହର ନିକଟରେ ବିସ୍ଫୋରଣ ଶୁଣାଯାଇଥିଲା । ଅନେକ ପ୍ରୋଜେକ୍ଟାଇଲ୍ ଏକ ଟେଲିକମ୍ୟୁନିକେସନ୍ ଟାୱାର ଏହି ଆକ୍ରମଣରେ ଧ୍ବଂସ ହୋଇଥିବା ସୂଚନା ମିଳିଛି । ଏହି ଆକ୍ରମଣ ପରେ ୱାସିଂଟନ ଏବଂ ତେହେରାନ ଭିତରେ ଉତ୍ତେଜନା ବୃଦ୍ଧି ପାଇଛି। ଯାହା ଅଞ୍ଚଳରେ ସ୍ଥିରତାକୁ ପୁଣି ଭଙ୍ଗ କରିଛି । ସେପଟେ ସୋସିଆଲ ମିଡିଆରେ ପୋଷ୍ଟ ଲେଖି ଆକ୍ରମଣ ସମ୍ବନ୍ଧରେ ସୂଚନା ଦେଇଛନ୍ତି ଆମେରିକା ରାଷ୍ଟ୍ରପତି ।

ସାମରିକ କାର୍ଯ୍ୟାନୁଷ୍ଠାନ ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲରେ ଇରାନକୁ କଡ଼ା ଚେତାବନୀ ଦେଇଛନ୍ତି । ସେ କହିଛନ୍ତି ଯେ ଯୁଦ୍ଧବିରତି ଚୁକ୍ତିନାମାର ବାରମ୍ବାର ଉଲ୍ଲଂଘନ ପାଇଁ ଆମେରିକୀୟ ବିମାନ ଇରାନର କ୍ଷେପଣାସ୍ତ୍ର, ଡ୍ରୋନ୍ ଷ୍ଟକ୍ପାଇଲ୍ ଏବଂ ରାଡାର ସାଇଟ ଉପରେ ଆକ୍ରମଣ କରିଛି ।

ଟ୍ରମ୍ପ ଆହୁରି କହିଛନ୍ତି ଯେ ଯଦି ଇରାନ ତା'ର କାର୍ଯ୍ୟକଳାପ ବନ୍ଦ ନ କରେ, ତେବେ ଆମେରିକା ଆହୁରି ବଡ଼ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିବ । ସେ ଚେତାବନୀ ଦେଇଛନ୍ତି ଯେ ଯଦି ଆଗକୁ ଇରାନ ଏମିତି କରେ ତେବେ ଇରାନର ଅସ୍ତିତ୍ବ ସମାପ୍ତ ହୋଇପାରେ ।