ଆମେରିକାର ଜଣେ ମହିଳା ଆଇସକ୍ରିମ୍ ଖାଇବା ଯୋଗୁଁ ୧୩୨ କୋଟି ଟଙ୍କା ପାଇଛନ୍ତି । ତେବେ ଏହା କୌଣସି ସାଧାରଣ ଆଇସକ୍ରିମ ନୁହେଁ । ଏହି ଆଇସକ୍ରିମରେ ମିଶିଥିଲା ଧାତୁ ଖଣ୍ଡ । ଏକ ଖରାପ ବା ଜୀବନ ନେବା ଭଳି ଆଇସକ୍ରିମ ବ୍ରାଣ୍ଡି ବକଲେଙ୍କୁ ବିକିଥିବାରୁ ବ୍ରଷ୍ଟର ରିଅଲ ଆଇସକ୍ରିମ ଉପରେ ବ୍ରେବାର୍ଡ କାଉଁଟି ଅଦାଲତ ଜୋରିମାନା ଲଗାଇଛନ୍ତି । ଏହି ଆଇସକ୍ରିମ ଖାଇବା ପରେ ଫ୍ଲୋରିଡାର ଏହି ନିବାସି ବ୍ରାଣ୍ଡି ଗମ୍ଭୀର ସ୍ଵାସ୍ଥ୍ୟ ସମସ୍ୟା ଦେଇ ଗତି କରିଛନ୍ତି । ଏହି ମାମଲା ୨୦୧୯ ମସିହାରେ ରୁଜୁ ହୋଇଥିବାବେଳେ ଚଳିତ ମାସ ଏହାର ରାୟ ଆସିଛି ।

• କଣ ଥିଲା ପୁରା ଘଟଣା ?

ଫ୍ଲୋରିଡା ନିବାସୀ ବ୍ରାଣ୍ଡି ବକଲେ ନିଜର ଦୁଇ ପିଲାଙ୍କୁ ଧରି ପାମ୍ ୱେ ନିକଟରେ ଥିବା ଆଇସକ୍ରିମ ଦୋକାନକୁ ୨୦୧୮ ମସିହା ସେପ୍ଟେମ୍ବର ୧୧ ତାରିଖରେ ଯାଇଥିଲେ । ଏହି ଆଇସକ୍ରିମ ଖାଇବା ସମୟରେ ତାଙ୍କୁ ପାଟିରେ ଯନ୍ତ୍ରଣା ହୋଇଥିଲା । ବକଲେଙ୍କ ଓକିଲଙ୍କ କହିବାନୁସାରେ, ଏହି ଆଇସକ୍ରିମ ଖାଇବା ପରେ ସେ କିଛି ଧାତୁ ଖଣ୍ଡ ଗିଳିଦେଇଥିଲେ ଏବଂ ତାଙ୍କୁ ପାଟି ଓ ଗଳାରେ ଅନେକ ଆଘାତ ଲାଗିଥିଲା ।

ଏହାପରେ ବକଲେଙ୍କୁ ହସ୍ପିଟାଲକୁ ନିଆଯାଇଥିଲା । ସେଠାରେ ଏକ୍ସ-ରେ ସମୟରେ ଜଣାପଡ଼ିଥିଲା ଯେ ସେ ଧାତୁ ଖଣ୍ଡ ଗିଳିଦେଇଥିଲେ । ଶରୀରରୁ ଏହି ଧାତୁ ଖଣ୍ଡକୁ ବାହାର କରିବା ଲାଗି ସର୍ଜରୀ କରାଯାଇଥିଲା, କିନ୍ତୁ ଡାକ୍ତର ସମସ୍ତ ଧାତୁକୁ ବାହାର କରିପାରିନଥିଲେ । ଏଥିଲାଗି ବକଲେ ବହୁ ଅସୁସ୍ଥ ହୋଇପଡ଼ିଥିଲେ । ତେବେ ଯେତେବେଳେ ଏହି ଘଟଣାଟି କୋର୍ଟରେ ପହଞ୍ଚିଥିଲା ସେତେବେଳେ ବକଲେଙ୍କ ଓକିଲ ଧାତୁ ଖଣ୍ଡର ଫଟୋକପି ବିଚାରପତିଙ୍କ ସାମ୍ନାରେ ରଖିଥିଲେ । ଏହାପରେ ବିଚାରପତି ଦୁଇ ସନ୍ତାନଙ୍କ ମାଆ ବକଲେଙ୍କ ସପକ୍ଷରେ ରାୟ ଶୁଣାଇଥିଲେ ।

ପଢନ୍ତୁ ଏହି ଖବର: ଚପଲ ପିନ୍ଧି ମନ୍ଦିରରେ କରୁଥିଲେ ଫଟୋସୁଟ୍; ମାଡ଼ି ଆସିଲେ ସ୍ଥାନୀୟ ଲୋକ, ଦେଲେ ଉତ୍ତମ ମଧ୍ୟମ

କୋର୍ଟ କହିଥିଲେ ଯେ ଏହି ମାମଲା ଖାଦ୍ୟ ସୁରକ୍ଷା ପ୍ରତି ଏକ ଗମ୍ଭୀର ପ୍ରଶ୍ନବାଚୀ ସୃଷ୍ଟି କରୁଛି । ଜାତୀୟ ସ୍ତରର ବ୍ରାଣ୍ଡକୁ ସର୍ବଦା ନିଜ ଗ୍ରାହକଙ୍କ ସୁରକ୍ଷା ଉପରେ ଧ୍ୟାନ ଦେବା ଉଚିତ । ଏପରି ବଡ଼ ଭୁଲ ଗ୍ରାହକଙ୍କ ଜୀବନ ନେବା ସହିତ ସେମାନଙ୍କୁ ଅସୁବିଧାରେ ପକାଇପାରେ । ଏଥିଲାଗି କୋର୍ଟ ଉକ୍ତ ଆଇସକ୍ରିମ ବ୍ରାଣ୍ଡ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି । ଆଇସକ୍ରିମ ବ୍ରାଣ୍ଡକୁ ପୀଡ଼ିତା ବକଲେଙ୍କୁ ୧୩୨ କୋଟି ଟଙ୍କା ଦେବାକୁ ନିର୍ଦ୍ଦେଶ ଦେଇଥିଲେ ।