US most polluted city Washington: ଚଳିତ ବର୍ଷ ଆମେରିକାରେ ପାଳିତ ହୋଇଥିଲା ୨୫୦ ତମ ସାଧାରଣତନ୍ତ୍ର ଦିବସ। ଏହି ଅବସରରେ ରାଜଧାନୀ ୱାଶିଂଟନ ଠାରେ ଆୟୋଜିତ ହୋଇଥିଲା ବିଶାଳ ଆତସବାଜି କାର୍ଯ୍ୟକ୍ରମ। ହେଲେ କାର୍ଯ୍ୟକ୍ରମ ପାଇଁ ବିଶ୍ୱର ସବୁଠାରୁ ପ୍ରଦୂଷିତ ସହର ଭାବେ ଏବେ ଉଭା ହୋଇଛି ଆମେରିକା ରାଜଧାନୀ ୱାଶିଂଟନ। ଗତ ଜୁଲାଇ ୪ ତାରିଖ ଶନିବାର ସ୍ୱାଧିନତା ଦିବସ ପାଳନ କରାଯିବା ଅବସରରେ, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସରକାର ଆତସବାଜି ପ୍ରଦର୍ଶନ ପାଇଁ ଏକ ବିଶ୍ୱ ରେକର୍ଡ ସ୍ଥାପନ କରିବାକୁ ବାହାରିଥିଲାଷ। ହେଲେ ଫଳସ୍ୱରୂପ ଏହି କାର୍ଯ୍ୟକ୍ରମରେ ଫୁଟା ୟାଇଥିବା ବାଣରୁ ନିର୍ଗତ ହୋଇଥିବା ଧୂଆଁ ବାୟୁମଣ୍ଡଳରେ ଏତେ ପୂର୍ଣ୍ଣ ହୋଇଗଲା ଯେ ଲୋକଙ୍କ ପାଇଁ ସ୍ପଷ୍ଟ ଭାବରେ ଦେଖିବା କଷ୍ଟକର ହୋଇଗଲା। ବର୍ତ୍ତମାନ ଏହି ରେକର୍ଡ ସ୍ଥାପନ ପ୍ରୟାସର ପରିବେଶଗତ ଏବଂ ଜନସ୍ୱାସ୍ଥ୍ୟ ପ୍ରଭାବ ବିଷୟରେ ଗମ୍ଭୀର ପ୍ରଶ୍ନ ଉଠାଯାଉଛି।

ଆମେରିକାରେ କ'ଣ ଘଟିଥିଲା?
IQAir ତଥ୍ୟ ଅନୁଯାୟୀ, ଆମେରିକାର ରାଜଧାନୀ ୱାଶିଂଟନ ଡିସି ଆତସବାଜି ପ୍ରଦର୍ଶନୀ ପରେ ବିଶ୍ୱର ସବୁଠାରୁ ପ୍ରଦୂଷିତ ପ୍ରମୁଖ ସହର ପାଲଟିଥିଲା। ଏହା ଜୁଲାଇ ୪ ତାରିଖ ଆମେରିକାର ସ୍ୱାଧିନତା ଦିବସରେ ବିଶାଳ ଆତସବାଜି ପ୍ରଦର୍ଶନ ଯୋଗୁଁ ହୋଇଥିଲା। ଯାହାକୁ ଡୋନାଲ୍ଡ ଟ୍ରମ୍ପଙ୍କ ସରକାର ଚମତ୍କାର ବୋଲି ବର୍ଣ୍ଣନା କରିଥିଲେ। ଏହି ଆତସବାଜି ପ୍ରଦର୍ଶନୀ ଆୟୋଜନ କରିବା ପାଇଁ ଆମେରିକୀୟ ରାଷ୍ଟ୍ରପତିଙ୍କ କାର୍ଯ୍ୟାଳୟ ହ୍ୱାଇଟ୍ ହାଉସ ପକ୍ଷରୁ "ଫ୍ରିଡମ୍ ୨୫୦" ନାମକ ସଙ୍ଗଠନ ଦ୍ୱାରା ପାଇରୋଟେକ୍ନିକୋ ନାମକ ଏକ ସଂସ୍ଥାକୁ ନିଯୁକ୍ତ କରାଯାଇଥିଲା।

ଏହି କମ୍ପାନୀ ସ୍ୱାଧିନତା ଦିବସ ଅବସରରେ ୮ ଲକ୍ଷ ୫୦ ହଜାର ଆତସବାଜି ଫୁଟାଇ ବିଶ୍ୱ ରେକର୍ଡ ସ୍ଥାପନ କରିବାର ଲକ୍ଷ୍ୟ ରଖିଥିଲା। ହେଲେ ବିଶେଷଜ୍ଞ ପୂର୍ବରୁ ସତର୍କ କରାଇ ଦେଇଥିଲେ ଯେ ମାତ୍ର ୪୦ ମିନିଟ ମଧ୍ୟରେ ଏତେ ସଂଖ୍ୟକ ଆତସବାଜି ଫୁଟାଇବା ଲୋକଙ୍କ ସ୍ୱାସ୍ଥ୍ୟ ପାଇଁ ଏକ ଗୁରୁତର ବିପଦ ସୃଷ୍ଟି କରିପାରେ। "ଗିନିଜ୍ ୱାର୍ଲ୍ଡ ରେକର୍ଡସ୍" (Guinness World Records), ନ୍ୟୁଜ ଏଜେନ୍ସି ଏଏଫପି (AFP News Agency) କହିଛି ଯେ ଏହି ଆତସବାଜି କାର୍ଯ୍ୟକ୍ରମ ପାଇଁ ଏହାକୁ ଏକ ବିଶ୍ୱ ରେକର୍ଡ଼ ଆବେଦନ ମିଳିଛି।

ଜୁଲାଇ ୪ ତାରିଖରେ ସମଗ୍ର ଯୁକ୍ତରାଷ୍ଟ୍ର ଆମେରିକା ଏାହାର ସ୍ୱାଧିନତା ଦିବସ ପାଳନରେ ଡୁବି ରହିଥାଏ। ପ୍ରତିବର୍ଷ ଆମେରିକୀୟ ପରେଡ୍, ଆଖପାଖ ପଡ଼ୋଶରେ ପାର୍ଟି ଆୟୋଜନ କରିବା ସହ ବାଣ ଫୁଟାଇ ସ୍ୱାଧିନତା ଦିବସ ପାଳନ କରିଥାନ୍ତି। ୧୭୭୬ ମସିହା ଜୁଲାଇ ୪ ତାରିଖରେ ବ୍ରିଟେନ ଉପନିବେଶ ଶସନରୁ ସ୍ୱାଧିନତା ହାସଲ କରିଥିଲା ବିଶ୍ୱର ସବୁଠାରୁ ଶକ୍ତିଶାଳୀ ଦେଶ ଯୁକ୍ତରାଷ୍ଟ୍ର ଆମେରିକା। ହେଲେ ଏଥର ରାଜଧାନୀ ୱାଶିଂଟନ ଠାରେ ବଜ୍ରପାତ ଏବଂ ବର୍ଷା ଯୋଗୁଁ ଆତସବାଜି ପ୍ରଦର୍ଶନ ଏକ ଘଣ୍ଟାରୁ ଅଧିକ ବିଳମ୍ବ ହୋଇଥିଲା। ପ୍ରାୟ ମଧ୍ୟରାତ୍ରୀ ବେଳକୁ ଏହା ପ୍ରାୟତଃ ଆରମ୍ଭ ହୋଇଥିଲା।

ଏହା ସହ ପଢନ୍ତୁ: ସ୍ୱାଧିନତା ଦିବସରେ ଭାଙ୍ଗିଲା ରେକର୍ଡ଼; ସେଚେଲ୍ସ GDP ଠାରୁ ବଳିଗଲା ବାଣ ଫୁଟା ଖର୍ଚ୍ଚ

ରାତି ଆଠଟାରୁ ବୃଦ୍ଧି ପାଇବା ଆରମ୍ଭ ହୋଇଥିଲା ପ୍ରଦୂଷଣ
ଏଏଫପି ରିପୋର୍ଟ ଅନୁଯାୟୀ, ୱାଶିଂଟନ ଠାରେ ବାୟୁ ପ୍ରଦୂଷଣ ବୃଦ୍ଧି ପାଇବାର ସଙ୍କେତ ଶନିବାର ରାତି ଆଠଟାରୁ ଆରମ୍ଭ ହୋଇଥିଲା। ଏହା ସହରର ବିଭିନ୍ନ ଅଞ୍ଚଳରେ ଆତସବାଜି ଫୁଟାଇବା ଯୋଗୁଁ ହୋଇଥିଲା। ତଥାପି, ଯେତେବେଳେ ମୁଖ୍ୟ (ଆନୁଷ୍ଠାନିକ) ଆତସବାଜି କାର୍ଯ୍ୟକ୍ରମ ଆରମ୍ଭ ହୋଇଥିଲା, ପରିସ୍ଥିତି ଖରାପ ହେବାକୁ ଲାଗିଲା। ବାୟୁରେ ଅତ୍ୟନ୍ତ କ୍ଷୁଦ୍ର ଏବଂ ବିପଜ୍ଜନକ କଣିକାର ସ୍ତର ଦ୍ରୁତ ଗତିରେ ବୃଦ୍ଧି ପାଇଥିଲା। ଯେଉଁମାନେ ପବନ ଦିଗରେ ଠିଆ ହୋଇଥିଲେ ସେମାନେ ଏକ ବଡ଼ ଧୂଆଁର ପାହାଡ଼ ଦ୍ୱାରା ଆଚ୍ଛାଦିତ ହୋଇ ରହିଥିଲେ। ଯାହା ଦ୍ୱାରା ସେମାନଙ୍କ ପାଇଁ ଆତସବାଜି କାର୍ଯ୍ୟକ୍ରମ ଦେଖିବା ମଧ୍ୟ ସେମାନଙ୍କ ପାଇଁ କଷ୍ଟକର ହୋଇଗଲା।

AFP ରିପୋର୍ଟ ଅନୁଯାୟୀ, ୱାଶିଂଟନ ବାୟୁମଣ୍ଡଳରେ ଅତ୍ୟନ୍ତ କ୍ଷୁଦ୍ର ପ୍ରଦୂଷଣ କଣିକାର (PM 2.5) ଘନତା ଏକ ସମୟରେ ପ୍ରତି ଘନ ମିଟରରେ ୨୦୦ ମାଇକ୍ରୋଗ୍ରାମରୁ ଅଧିକ ହୋଇଥିଲା। ଏହାର ଛୋଟ ଆକାର ଯୋଗୁଁ, ଏହା ଫୁସଫୁସରେ ପ୍ରବେଶ କରିପାରେ। ଏହି କଣିକା ତୁରନ୍ତ କ୍ଷତି ସହିତ ଗୁରୁତର ଦୀର୍ଘକାଳୀନ ରୋଗ ମଧ୍ୟ ସୃଷ୍ଟି କରିପାରେ। ଆମେରିକାର ପରିବେଶ ସୁରକ୍ଷା ଏଜେନ୍ସି ଅନୁଯାୟୀ, ୨୪ ଘଣ୍ଟା ପାଇଁ ନିରାପଦ ସୀମା ହେଉଛି ପ୍ରତି ଘନ ମିଟରରେ ୩୫ ମାଇକ୍ରୋଗ୍ରାମ।

ସହରର ବଡ଼ ଅଂଶ ପାଇଁ ଏକ "କୋଡ୍ ପର୍ପଲ" (Code Purple) ସତର୍କତା ଜାରି କରାଯାଇଥିଲା। ଯାହାର ଅର୍ଥ ହେଉଛି ବାୟୁ ଗୁଣବତ୍ତା ଏତେ ଖରାପ ଯେ ଏହା କେବଳ ରୋଗୀ କିମ୍ବା ବୃଦ୍ଧ ବ୍ୟକ୍ତିଙ୍କ ସ୍ୱାସ୍ଥ୍ୟକୁ ପ୍ରଭାବିତ କରିପାରେ ନାହିଁ। ଏହି ସତର୍କତା ପଡ଼ୋଶୀ ରାଜ୍ୟ ଭର୍ଜିନିଆ ଏବଂ ମେରିଲ୍ୟାଣ୍ଡର ଅନେକ ଅଞ୍ଚଳକୁ ମଧ୍ୟ ପ୍ରସାରିତ ହୋଇଥିଲା। ସ୍ୱିସ୍ କମ୍ପାନୀ IQAir କହିବା ଅନୁଯାୟୀ ଜୁଲାଇ ୫ ତାରିଖ ରବିବାର ୱାଶିଂଟନ ବିଶ୍ୱର ସବୁଠାରୁ ପ୍ରଦୂଷିତ ପ୍ରମୁଖ ସହର ଥିଲା।