ବୈଭବ ସୂର୍ଯ୍ୟବଂଶୀ IPL ୨୦୨୬ରେ ନିଜର ବିସ୍ଫୋରକ ବ୍ୟାଟିଂ ପାଇଁ ପ୍ରଶଂସକଙ୍କ ହୃଦୟ ଜିତିଛନ୍ ତି। ସୂର୍ଯ୍ୟବଂଶୀ ତାଙ୍କର ଆକ୍ରମଣାତ୍ମକ ଖେଳ ପାଇଁ ଚଳିତ ସିଜିନରେ ହିରୋ ସାଜିଛନ୍ତି ଏବଂ ଏବେ ଟିମ୍ ଇଣ୍ଡିଆରେ ତାଙ୍କର ଡେବ୍ୟୁ ଅତ୍ୟନ୍ତ ନିକଟତର ପରି ମନେ ହେଉଛି । କାରଣ ପୂର୍ବତନ କିମ୍ବଦନ୍ତୀ ଭାରତୀୟ କ୍ରିକେଟର ସଚିନ ତେନ୍ଦୁଲକର ଏବେ ବୈଭବଙ୍କ ଗେମରେ ଫିଦା ହୋଇଛନ୍ତି ଏବଂ ତାଙ୍କୁ ଟେଷ୍ଟ କ୍ରିକେଟ୍ ଖେଳିବାକୁ ଦେଖିବାକୁ ଚାହୁଁଛନ୍ତି ।

• ବୈଭବଙ୍କ ବଡ଼ ପ୍ରଶଂସକ ସାଜିଲେ ସଚିନ

ସଚିନ ତେନ୍ଦୁଲକରଙ୍କୁ ESPNCricinfo ପୁରସ୍କାର କାର୍ଯ୍ୟକ୍ରମରେ ନଜର ଆସିତିଲେ । ସେ ବୈଭବ ସୂର୍ଯ୍ୟବଂଶୀଙ୍କ ଭୂୟସୀ ପ୍ରଶଂସା କରିଥିଲେ । ଏହି ଅବସରରେ ସଚିନ କହିଥିଲେ, "ସମସ୍ତେ ବୈଭବ ସୂର୍ଯ୍ୟବଂଶୀଙ୍କ ବିଷୟରେ କଥାବାର୍ତ୍ତା କରୁଛନ୍ତି ଏବଂ ମୁଁ ତାଙ୍କୁ ବ୍ୟାଟିଂ କରିବା ସମୟରେ ଦେଖିଛି । ସେ ଜଣେ ଚମତ୍କାର ଖେଳାଳି । ସେ ପ୍ରକୃତରେ ସ୍ୱତନ୍ତ୍ର । ମୁଁ କେବଳ ତାଙ୍କର ବଲକୁ ମାରିବାର କ୍ଷମତାକୁ ଭଲ ପାଏ ନାହିଁ, ବରଂ ତାଙ୍କ କଣ୍ଠକୁ ମଧ୍ୟ ଭଲ ପାଏ । ସେ ପ୍ରତ୍ୟେକ ଦିଗରେ ସଟ୍ ମାରିପାରନ୍ତି । ସେ ପ୍ରତ୍ୟେକ ବଲ୍ ମାରିପାରନ୍ତି ନାହିଁ, ବରଂ ସେ ଲାଇନ ଏବଂ ଲେନ୍ଥ ପରଖି ସେହି ଅନୁସାରେ ବଲକୁ ବାଉଣ୍ଡ୍ରି ପଠାନ୍ତି ।"

Sachin Tendulkar said, “the most fascinated thing about Vaibhav Sooryavanshi is his wrist work. He is not slogging the ball, he is picking the line and length earlier than others". pic.twitter.com/iGajqmubZi

— Mufaddal Vohra (@mufaddal_vohra) May 31, 2026

• ବୈଭବଙ୍କୁ ଟେଷ୍ଟ କ୍ରିକେଟରେ ଦେଖିବାକୁ ଚାହୁଁଛନ୍ତି ସଚିନ

ସଚିନ ତେନ୍ଦୁଲକର ବିଶ୍ୱାସ କରନ୍ତି ଯେ ବୈଭବ ସୂର୍ଯ୍ୟବଂଶୀଙ୍କୁ ଟେଷ୍ଟ କ୍ରିକେଟରେ ଡେବ୍ୟୁ କରିବାର ସୁଯୋଗ ଦିଆଯିବା ଉଚିତ, କାରଣ ସେ ବୟସ ସହିତ ଏହି ଫର୍ମାଟର ଚ୍ୟାଲେଞ୍ଜ ବିଷୟରେ ଶିଖିବେ । ସେ କହିଥିଲେ, "ମୁଁ ତାଙ୍କୁ ନିଜସ୍ୱ ଶୈଳୀରେ ଖେଳିବାକୁ କହିବି । ଜୀବନରେ ପ୍ରଥମ ଥର ପାଇଁ ସବୁକିଛି ଶିଖିବାକୁ ମିଳେ । ଟେଷ୍ଟ କ୍ରିକେଟରେ ବୟସ ସହିତ ଆପଣ ବିଭିନ୍ନ ଚ୍ୟାଲେଞ୍ଜର ସମ୍ମୁଖୀନ ହେବା ଶିଖନ୍ତି ।"

ପଢନ୍ତୁ ଏହି ଖବର: IPL ୨୦୨୬ ଚାମ୍ପିଆନ୍ ଟିମ୍ ଉପରେ ହେବ ଟଙ୍କା ବର୍ଷା; ଏତିକି ନେବ ରନର୍ସଅପ୍ ଟିମ୍

ସଚିନ ଆହୁରି କହିଥିଲେ, "ସମସ୍ୟା ଆସିବ ଏବଂ ବୋଲରମାନେ ପ୍ରତ୍ୟେକ ବଲ୍ ସହିତ ଆପଣଙ୍କୁ ପ୍ରଶ୍ନ କରିବେ । ବୈଭବଙ୍କର ବହୁତ ଆତ୍ମବିଶ୍ୱାସ ଅଛି । ମୁଁ ତାଙ୍କୁ ନିଜସ୍ୱ ଶୈଳୀରେ ଖେଳିବା ପାଇଁ କହିବି । ସମୟ ସହିତ ସେ ଚ୍ୟାଲେଞ୍ଜର ମୁକାବିଲା କରିବା ଶିଖିଯିବେ । ସମସ୍ତେ ତାଙ୍କୁ ଟେଷ୍ଟ କ୍ରିକେଟ୍ ଖେଳିବାକୁ ଦେଖିବାକୁ ଚାହାଁନ୍ତି । ମୁଁ ଜାଣିନାହିଁ ସେ କେବେ ସୁଯୋଗ ପାଇବେ।"

• IPL ୨୦୨୬ରେ ହିରୋ ସାଜିଛନ୍ତି ବୈଭବ

ଶେଷ ପର୍ଯ୍ୟାୟରେ ପହଞ୍ଚିଛି ଆଇପିଏଲ ୨୦୨୬ । ଆଜି ସିଜିନର ଫାଇନାଲ୍ ମ୍ୟାଚ୍ । ତେବେ ପୂରା ସିଜିନରେ ସମସ୍ତଙ୍କୁ ବେଶ ମନୋରଞ୍ଜନ ଯୋଗାଇଛନ୍ତି ୧୫ ବର୍ଷୀୟ ଷ୍ଟାର କ୍ରିକେଟର ବୈଭବ ସୂର୍ଯ୍ୟବଂଶୀ । ସେ ଏହି ସିଜିନରେ ରାଜସ୍ଥାନ ରୟାଲ୍ସ (RR) ପକ୍ଷରୁ ଖେଳୁଥିବାବେଳେ ୨୩୭ ଷ୍ଟ୍ରାଇକ୍ ରେଟରେ ୭୭୬ ରନ୍ କରିଛନ୍ତି । ଏହାସହିତ ତାଙ୍କ ବ୍ୟାଟରୁ ୭୨ଟି ଛକା ଆସିଛି । ସେ କ୍ରିସ ଗେଲଙ୍କ ଗୋଟିଏ ସିଜିନରେ ୫୯ଟି ଛକା ମାରିବା ରେକର୍ଡକୁ ବି ଭାଙ୍ଗିଛନ୍ତି ।