Commercial LPG Price Hike / ଆଜିଠୁ ବଢ଼ିଲା LPG ସିଲିଣ୍ଡର ଦର, ଜାଣନ୍ତୁ କେତେ ଟଙ୍କା ମହଙ୍ଗା ହେଲା

ଦୀପାବଳି ପୂର୍ବରୁ ହୋଟେଲ୍, ରେଷ୍ଟୁରାଣ୍ଟ ଓ ଢାବା ମାଲିକଙ୍କୁ ମହଙ୍ଗା ମାଡ଼ । ନଭେମ୍ବର ୧ ତାରିଖରୁ ବୃଦ୍ଧି ପାଇଛି ୧୯ କିଲୋଗ୍ରାମ ବିଶିଷ୍ଟ କମର୍ସିଆଲ୍ ଏଲପିଜି (LPG) ଗ୍ୟାସ୍ ସିଲିଣ୍ଡରର ଦାମ୍ । ଦିଲ୍ଲୀ, ମୁମ୍ବାଇ ଓ କୋଲକାତାରେ ସିଲିଣ୍ଡର ପିଛା ୧୦ ଟଙ୍କା ବୃଦ୍ଧି ହୋଇଥିବା ବେଳେ ଚେନ୍ନାଇରେ ୧୧.୫୦ ଟଙ୍କା ବଢ଼ିଛି ।
ତେବେ ଘରୋଇ ଗ୍ୟାସ୍ ଉପଭୋକ୍ତାଙ୍କ ପାଇଁ ରହିଛି ଆଶ୍ୱସ୍ତିକର ଖବର । ୧୪.୨ କିଲୋଗ୍ରାମ ବିଶିଷ୍ଟ ଘରୋଇ ଏଲପିଜି ସିଲିଣ୍ଡର ଦରରେ କୌଣସି ପରିବର୍ତ୍ତନ କରାଯାଇନାହିଁ ।

ନଭେମ୍ବର ୧ରୁ ଲାଗୁ ହୋଇଥିବା ନୂଆ ଦର ଅନୁଯାୟୀ, ଦିଲ୍ଲୀରେ ୧୯ କିଲୋଗ୍ରାମ କମର୍ସିଆଲ୍ ସିଲିଣ୍ଡରର ମୂଲ୍ୟ ୨,୮୨୦ ଟଙ୍କାରେ ପହଞ୍ଚିଛି । ସେହିପରି ମୁମ୍ବାଇରେ ୨,୭୭୪.୫୦ ଟଙ୍କା ଓ କୋଲକାତାରେ ୨,୯୬୪ ଟଙ୍କା ହୋଇଛି । ଅନ୍ୟପଟେ ଚେନ୍ନାଇରେ ୧୧.୫୦ ଟଙ୍କା ବୃଦ୍ଧି ପରେ ଏହାର ଦାମ୍ ୨,୯୯୪.୫୦ ଟଙ୍କାରେ ପହଞ୍ଚିଛି । ବେଙ୍ଗାଲୁରୁରେ ୧୦ ଟଙ୍କା ବୃଦ୍ଧି ପରେ ଏବେ ଗୋଟିଏ କମର୍ସିଆଲ୍ ସିଲିଣ୍ଡର ପାଇଁ ୨,୯୦୮ ଟଙ୍କା ଦେବାକୁ ପଡ଼ିବ ।

ହୋଟେଲ୍ ଓ ରେଷ୍ଟୁରାଣ୍ଟ ଉପରେ ପଡ଼ିବ ପ୍ରଭାବ

କମର୍ସିଆଲ୍ ଏଲପିଜି ସିଲିଣ୍ଡର ହୋଟେଲ୍, ରେଷ୍ଟୁରାଣ୍ଟ, ଢାବା ଓ କ୍ୟାଟରିଂ ବ୍ୟବସାୟରେ ବ୍ୟବହାର ହୋଇଥାଏ । ତେଣୁ ଗ୍ୟାସ୍ ଦର ବୃଦ୍ଧି ଯୋଗୁଁ ଏହି ବ୍ୟବସାୟ ସହ ଜଡ଼ିତ ଲୋକଙ୍କ ଖର୍ଚ୍ଚ ବଢ଼ିବା ଆଶଙ୍କା ରହିଛି ।

ଘରୋଇ ଗ୍ୟାସ୍ ଉପଭୋକ୍ତାଙ୍କୁ ଆଶ୍ୱସ୍ତି

କମର୍ସିଆଲ୍ ଗ୍ୟାସ୍ ସିଲିଣ୍ଡର ମହଙ୍ଗା ହୋଇଥିବା ବେଳେ ଘରୋଇ ଉପଭୋକ୍ତାଙ୍କ ପାଇଁ ଏବେ ଆଶ୍ୱସ୍ତି ରହିଛି। ୧୪.୨ କିଲୋଗ୍ରାମ ବିଶିଷ୍ଟ ଘରୋଇ ଏଲପିଜି ସିଲିଣ୍ଡର ଦର ନଭେମ୍ବର ୧ ତାରିଖରେ ଅପରିବର୍ତ୍ତିତ ରହିଛି। ଅର୍ଥାତ୍ ରୋଷେଇ ଘରେ ବ୍ୟବହୃତ ଗ୍ୟାସ୍ ସିଲିଣ୍ଡର ପାଇଁ ଗ୍ରାହକଙ୍କୁ ବର୍ତ୍ତମାନ ଅଧିକ ଟଙ୍କା ଦେବାକୁ ପଡ଼ିବ ନାହିଁ । ତେବେ ପାର୍ବଣ ଋତୁରେ କମର୍ସିଆଲ୍ ଗ୍ୟାସ୍ ଦର ବୃଦ୍ଧି ବ୍ୟବସାୟୀଙ୍କ ଚିନ୍ତା ବଢ଼ାଇଛି ।