Nude Photos / ଧୋକ୍କା ଦେଲା ଅଲିଅଳି ଝିଅ; ପ୍ରେମିକକୁ ପଠାଇଲା ମାଆର ନ୍ୟୁଡ୍ ଫଟୋ

କର୍ଣ୍ଣାଟକ ରାଜଧାନୀ ବେଙ୍ଗାଲୁରୁରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଏଠାରେ ଜଣେ ମହିଳା ନିଜ ଝିଅ ଓ ତାର ପ୍ରେମିକ ବିରୋଧରେ ଥାନାର ଦ୍ଵାରସ୍ଥ ହୋଇଛନ୍ତି । ଯୁବତୀ ଜଣକ ପ୍ରେମିକ କଥାରେ ପଡ଼ି ନିଜ ମାଆ ଓ ମାଉସୀଙ୍କ ଅଶ୍ଳୀଳ ଫଟୋ ପ୍ରେମିକକୁ ପଠାଇଥିବା ମହିଳା ଜଣକ ଥାନାରେ ଅଭିଯୋଗ କରିଛନ୍ତି । ତେବେ ପୋଲିସ ଅଭିଯୋଗ ଆଧାରରେ ମାମଲା ରୁଜୁ କରି ତଦନ୍ତ ପ୍ରକ୍ରିୟା ଆରମ୍ଭ କରିଛି ।

• ଫୋନରେ ଫଟୋ ଦେଖି ଚମକି ପଡ଼ିଲା ପରିବାର

ଏକ ରିପୋର୍ଟ ଅନୁସାରେ, ୪୯ ବର୍ଷୀୟ ମହିଳା ପୋଲିସ ନିକଟରେ ଅଭିଯୋଗ କରିଛନ୍ତି ଯେ ତାଙ୍କ ଝିଅ ପ୍ରେମିକକୁ ଆପତ୍ତିଜନକ ଫଟୋ ସେୟାର କରିଛନ୍ତି । ପରିବାରର କହିବାନୁସାରେ, ଏହି ଘଟଣା ୧ ମାସ ତଳେ ଘଟିଥିଲା । ଏବେ ସେହି ସମ୍ପର୍କରେ ଯୁବତୀ ଜଣକ ପ୍ରେମିକ ସହିତ କଥାବାର୍ତ୍ତା କରିବା ସମୟରେ ମହିଳା ଜଣକ ଶୁଣିଥିଲେ । ମହିଳାଙ୍କ କହିବା ମୁତାବକ, ପାଠପଢାରେ ଫୋନର ଆବଶ୍ୟକତା ଦର୍ଶାଇ ଯୁବତୀ ଜଣକ ଫୋନ ମାଗିଥିଲେ । ପରିବାର ଝିଅର ଦାବିକୁ ପୂରଣ କରିଥିଲେ । ହେଲେ ଝିଅ ଶେଷରେ ମୁଣ୍ଡ ନୁଆଁଇଦେଇଛି ।

• କେମିତି ଜଣାପଡ଼ିଲା ଘଟଣା ?

ଏକଦା ଥରେ ମହିଳା ଜଣକ ଝିଅର ରୁମକୁ ହଠାତ୍ ପ୍ରବେଶ କରିଥିଲେ । ଏହି ସମୟରେ ଝିଅ ନିଜ ପ୍ରେମିକ ସହ ଭିଡିଓ କଲ୍‌ରେ କଥା ହେଉଥିଲେ । ମାଆକୁ ଦେଖି ଯୁବତୀ ଜଣକ ଫୋନ କାଟିଦେଇଥିଲେ । ଏତିକିରେ ମହିଳାଙ୍କ ସନ୍ଦେହ ହୋଇଥିଲା । ଏହାପରେ ମହିଳା ଜଣକ ଝିଅକୁ ପ୍ରଶ୍ନ କରିଥିଲେ । ଫୋନର ପାସୱାର୍ଡ ମଧ୍ୟ ମାଗିଥିଲେ । ଯୁବତୀ ଜଣକ ଫୋନର ପାସୱାର୍ଡ ଦେଇନଥିଲେ ସୁଦ୍ଧା ପରବର୍ତ୍ତୀ ସମୟରେ ପରିବାର ଫୋନକୁ ଖୋଲିବାରେ ସଫଳ ହୋଇଥିଲେ । ହେଲେ ଗ୍ୟାଲେରୀକୁ ଯାଇ ଯାହା ଦେଖିଥିଲେ, ତା ପରେ ପୁରା ପରିବାର ଚମକି ପଡ଼ିଥିଲେ । କାରଣ ଯୁବତୀ ଜଣକ ନିଜ ମାଆ ଓ ମାଉସୀଙ୍କ ଶୋଇବା ସମୟର କିଛି ଆପତ୍ତିଜନକ ଫଟୋ ନିଜ ପ୍ରେମିକଙ୍କୁ ସେୟାର କରିଥିଲେ ।

ପଢନ୍ତୁ ଏହି ଖବର: ବେଶ୍ୟାବୃତ୍ତି ପାଇଁ ବାଧ୍ୟ କଲେ ଶାଶୂଘର ଲୋକେ; ଜୀବନ ହାରିଲେ ମହିଳା

ପରିବାର ଅଭିଯୋଗ କରିଛି ଯେ ଏହି ଆପତ୍ତିଜନକ ଫଟୋଗୁଡ଼ିକ ବରୁଣ ନାମକ ଜଣେ ଯୁବକକୁ ପଠାଯାଇଛି । ଏପରିକି ଯୁବତୀ ଜଣକ ମାଉସୀଙ୍କ ଗାଧୋଇବା ସମୟର ଫଟୋକୁ ମଧ୍ୟ ସେୟାର କରିଥିଲେ । ଚାଟ୍‌ରୁ ଜଣାପଡ଼ିଛି ଯେ ଅଭିଯୁକ୍ତ ଜଣକ ଯୁବତୀଙ୍କୁ ଫଟୋଗୁଡ଼ିକ ସେୟାର କରିବାକୁ ବାଧ୍ୟ କରିଥିଲେ । ଏହି ପୁରା ଘଟଣା ପରେ ଯୁବତୀଙ୍କ ସହିତ ପରିବାରର ଯୁକ୍ତିତର୍କ ହୋଇଥିଲା । ଏବେ ଯୁବତୀ ଜଣକ ଘର ଛାଡ଼ି ଚାଲିଯାଇଥିବା ପରିବାର କହିଛି । ଏବେ ବି ଯୁବତୀ ଜଣକ ବରୁଣ ସହିତ ବିବାହ କରିବାକୁ ଚାହୁଁଥିବା ପରିବାର ପୋଲିସକୁ କହିଛି । ସେପଟେ ପୋଲିସ ମାମଲାର ତଦନ୍ତ ଜାରି ରଖିଛି ।

ଅଧିକ ଅପରାଧ ସମ୍ବନ୍ଧୀୟ ଖବର ପଢନ୍ତୁ..