ଭାରତରେ ହାଇପରଟେନସନ ବା ହାଇ ବ୍ଲଡପ୍ରେସର ଏକ ବଡ ସମସ୍ୟା ତିଆରି କରିଛି । ବିଶ୍ଵ ସ୍ଵାସ୍ଥ୍ୟ ସଂଗଠନର ନୂଆ ରିପୋର୍ଟ ' ଗ୍ଲୋବାଲ ରିପୋର୍ଟ ଅନ୍ ହାଇପରଟେନ୍‌ଶନ୍ ୨୦୨୫' ଅନୁସାରେ , ଦେଶରେ ୨୧ କୋଟିରୁ ଅଧିକ ଲୋକ ଏହି ରୋଗରେ ପୀଡିତ ଅଛନ୍ତି । ଯାହା ଦେଶର ଜନସଂଖ୍ୟାର ୩୦ ପ୍ରତିଶତରୁ ଅଧିକ ଅଟେ । ସେମାନଙ୍କ ମଧ୍ୟରେ ଅଧିକାଂଶ ଲୋକ ୩୦ରୁ ୭୯ ବର୍ଷର ଅଟନ୍ତି ।

WHO ର ରିପୋର୍ଟ କହୁଛି , ଏହି ରୋଗ ସମ୍ବନ୍ଧରେ ୩୯ ପ୍ରତିଶତ ଲୋକ ଅବଗତ ଅଛନ୍ତି । ପୁଣି ରୋଗରେ ୮୩ % ରୋଗୀଙ୍କର ରକ୍ତଚାପ ନିୟନ୍ତ୍ରଣ ହୋଇନଥିବା ବେଳେ ୧୭% ରୋଗୀଙ୍କର ହିଁ ରକ୍ତଚାପ ନିୟନ୍ତ୍ରିତ ହୋଇଥାଏ ।

ମୁଖ୍ୟ ସମସ୍ୟା ହେଉଛି, ଏହି ହାଇପରଟେନସନରେ ଏହା ହୃଦୟ ଏବଂ ମସ୍ତିଷ୍କ ଉପରେ ଗଭୀର ପ୍ରଭାବ ପକାଇଥାଏ । ଠିକ ସମୟରେ ରୋଗକୁ ଚିହ୍ନି ଏହାର ପ୍ରତିକାର ନକଲେ ଏହା ହାର୍ଟ ଆଟାକ୍ , ଷ୍ଟ୍ରୋକ୍, କିଡନି ଫେଲ୍ୟୁର, ଆଖିରେ ସମସ୍ୟା ଏବଂ ଡିମେନ୍ସିଆ ଭଳି ରୋଗ ହେବାର ସମ୍ଭାବନା ଥାଏ ।

୨୦୨୪ରେ ବିଶ୍ଵ ସ୍ତରରେ ୧୪୦ କୋଟି ଲୋକ ହାଇ ବ୍ଲଡ ପ୍ରେସରରେ ପୀଡିତ ଥିଲେ । ଯାହା ବିଶ୍ଵର ଜନସଂଖ୍ୟାର ୩୯ ପ୍ରତିଶତ ଅଟେ । ତେବେ ବିଶେଷ ସମସ୍ୟା ହେଉଛି, ଯଦି ଜୀବନଶୈଳୀ ପରିବର୍ତ୍ତନ କରିବା ସହ ଠିକ ସମୟରେ ନିୟମିତ ଔଷଧ ଖାଇବାକୁ ପଡେ ତେବେ ପ୍ରତି ୫ ଜଣରୁ ମାତ୍ର ଜଣେ ହିଁ ଏହି ରୋଗକୁ ନିୟନ୍ତ୍ରଣ କରିପାରିବେ ।

ଅଧିକ ପଢନ୍ତୁ : AI ଖାଇଯିବ ୪୦ ପ୍ରତିଶତ ନିଯୁକ୍ତି , ସତର୍କ କରାଇଲେ ଓପନ ଏଆଇ ସିଇଓ ସାମ୍ ଅଲ୍ଟମ୍ୟାନ

WHO ର ମହାନିର୍ଦ୍ଦେଶକ ଡକ୍ଟର ଟେଡ୍ରୋସ ଏଡନୋମ ଘେବ୍ରୋୟେସସଙ୍କ ମତ ଅନୁଯାୟୀ , ପ୍ରତି ଘଣ୍ଟାରେ ୧୦୦୦ରୁ ଅଧିକ ଲୋକ ଉଚ୍ଚ ରକ୍ତଚାପ ଦ୍ଵାରା ଜଡିତ ହୃଦୟ ଏବଂ ମସ୍ତିଷ୍କ ରୋଗରେ ମୃତ୍ୟୁବରଣ କରିଥାନ୍ତି । ୧୯୫ ଟି ଦେଶ ମଧ୍ୟରୁ ୯୯ ଟି ଦେଶର ନିୟନ୍ତ୍ରଣ ହାର ୨୦% ରୁ କମ୍ ଅଟେ । ଗରିବ ଦେଶରେ ଏହାର ଔଷଧ ୨୮ ପ୍ରତିଶତ ଥିବାବେଳେ ଧନୀ ଦେଶରେ ୯୩ ପ୍ରତିଶତ ଅଟେ ।

ଆଗରୁ କେବଳ ୧୪ ପ୍ରତିଶତ ଲୋକଙ୍କର ଉଚ୍ଚ ରକ୍ତଚାପ ନିୟନ୍ତ୍ରଣ ହେଉଥିଲା, କିନ୍ତୁ ବର୍ତ୍ତମାନ ପଞ୍ଜାବ ମହାରାଷ୍ଟ୍ରରେ ଏହା ୭୦ରୁ ୮୧ ପ୍ରତିଶତରେ ପହଞ୍ଚିଛି । ସୁସ୍ଥ ଖାଦ୍ୟ ଖାଇବା, ଖାଦ୍ୟରେ ଲୁଣର ମାତ୍ରା କମ କରିବା, ନିୟମିତ ବ୍ୟାୟାମ କରିବା, ନିୟମିତ ରକ୍ତଚାପ ଚେକ୍ କରିବା ନିହାତି ଆବଶ୍ୟକ । ସଠିକ ସମୟରେ ଏହାର ଉପଚାର କଲେ ସୁସ୍ଥ ଜୀବନ ବିତାଇପାରିବା ।

ଅଧିକ ପଢନ୍ତୁ : ପୁଣି ବିବାଦୀୟ ବୟାନ ଦେଲେ ସ୍ୱାଧୀପ୍ରଜ୍ଞା, ଜାଣନ୍ତୁ ପୁରା କାହାଣୀ...