CJP Chief Controversy / CJP ମୁଖ୍ୟ ଅଭିଜିତ ଦୀପକେଙ୍କ ଦବଙ୍ଗଗିରି; ପୋଲିସକୁ କହିଲେ 'ଗେଟ୍ ଆଉଟ୍'

କକରୋଚ୍ ଜନତା ପାର୍ଟି (CJP)ର ପ୍ରତିଷ୍ଠାତା ତଥା ମୁଖ୍ୟ ଅଭିଜିତ ଦୀପକେଙ୍କ ବିରୋଧରେ ଆନ୍ଦୋଳନର ଚେତାବନୀ ଦିଆଯାଇଛି । ଅଭିଜିତ ପୋଲିସ କର୍ମୀଙ୍କ ସହ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି । ଅଭିଜିତଙ୍କ ସୁରକ୍ଷାରେ ଥିବା ପୋଲିସକୁ ଗେଟ୍ ଆଉଟ୍ କହିବା ପରେ ପୋଲିସ ବଏଜ୍ ଆସୋସିଏସନ ପକ୍ଷରୁ ଅସନ୍ତୋଷ ପ୍ରକାଶ ପାଇଛି । ଦୀପକ ସର୍ବସମ୍ମୁଖରେ ପୋଲିସକର୍ମୀଙ୍କୁ କ୍ଷମା ମାଗନ୍ତୁ ବୋଲି ଦାବି କରନ୍ତୁ । ଯଦି ସେ ଏପରି ନ କରନ୍ତି ତେବେ ମହାରାଷ୍ଟ୍ରରେ ବିରୋଧ ପ୍ରଦର୍ଶନ କରାଯିବ ବୋଲି ଚେତାବନୀ ଦେଇଛି ସଂଘ ।

କିଛି ଦିନ ପୂର୍ବରୁ ସଂଘ ପକ୍ଷରୁ ବିରୋଧ ପ୍ରଦର୍ଶନ କରାଯାଇଥିଲା, ଯେଉଁଥିରେ ଅଭିଯୋଗ କରାଯାଇଥିଲା ଯେ ପୋଲିସକର୍ମୀଙ୍କ ସହିତ ଦୁର୍ବ୍ୟବହାର ହୋଇଛି । ଏହାପରେ ସଂଘ ଦୀପକେଙ୍କ ସୁରକ୍ଷାକୁ ପ୍ରତ୍ୟାହାର କରିନିଆଯାଉ ବୋଲି ଗୃହ ବିଭାଗ ନିକଟରେ ଦାବି ରଖିଥିଲେ । ଏହାସହିତ ସିଜେପି ମୁଖ୍ୟ ଅଭିଜିତ ଦୀପକେ ଆଗକୁ ଯେପରି ପୋଲିସକର୍ମୀଙ୍କ ସହିତ ବ୍ୟବହାରରେ ସଂଯମତା ରକ୍ଷା କରନ୍ତୁ ସେଥିଲାଗି ଅପିଲ୍ କରିଥିଲେ ।

• ପୋଲିସକୁ କହିଲେ 'ଗେଟ୍ ଆଉଟ୍'

ପୋଲିସ ବଏଜ୍ ଆସୋସିଏସନ ଅଭିଯୋଗ କରିଛି ଯେ ଦୀପକ ଡ୍ୟୁଟି କରୁଥିବା ପୋଲିସକର୍ମୀଙ୍କୁ ଗେଟ୍ ଆଉଟ୍ ବା ଏଠାରା ବାହାରି ଯାଅ ବୋଲି କହିଥିଲେ । ସଂଘର ସଭାପତି ଆରତୀ ଜଙ୍ଗଲେ ଦାବି କରଛନ୍ତି ଯେ ଦୀପକ ତୁରନ୍ତ ଦୁର୍ବ୍ୟବହାର କରିଥିବା ସମ୍ପୃକ୍ତ ପୋଲିସ କର୍ମଚାରୀଙ୍କୁ କ୍ଷମା ପ୍ରାର୍ଥନା କରନ୍ତୁ । ଯଦି ସେ ଏପରି ନ କରନ୍ତି ତେବେ ସଂଘ ଆନ୍ଦୋଳନ କରିବ ।

• ନିଜ ଡ୍ୟୁଟି କରୁଥିଲେ ପୋଲିସ କର୍ମଚାରୀ

କକରୋଚ୍ ଜନତା ପାର୍ଟି ମୁଖ୍ୟ ଦୀପକେ ଗତ ଶୁକ୍ରବାର ପୋଲିସ କର୍ମୀଙ୍କୁ ଖରାପ ବ୍ୟବହାର କରିଥିଲେ । ଦୀପକେଙ୍କ ଅଭିଯୋଗ ଥିଲା ଯେ ତାଙ୍କୁ ଦେଖା କରିବାକୁ ଆସୁଥିବା ଲୋକଙ୍କୁ ସମ୍ପୃକ୍ତ ପୋଲିସକର୍ମୀ ଜଣକ ଅଟକାଉଛନ୍ତି । ଏହାସହିତ ସେମାନଙ୍କ ସହ କଡ଼ା ବ୍ୟବହାର କରୁଛନ୍ତି । ଏପରିକି ତାଙ୍କୁ ଦେଖା କରିବାକୁ ଆସୁଥିବା ଲୋକଙ୍କ ଉପରେ ନଜର ରଖୁଛନ୍ତି । ପୋଲିସ କର୍ମଚାରୀ ତାଙ୍କ ଡ୍ୟୁଟି କରୁଥିବା ବେଳେ ଅଭିଜିତ ଏପରି ବ୍ୟବହାର କରିବାରୁ ସେ ତୁରନ୍ତ କ୍ଷମା ପ୍ରାର୍ଥନା କରିବାକୁ ସଂଘ ଦାବି କରିଛି ।

ପଢନ୍ତୁ ଏହି ଖବର: ଇନଷ୍ଟାଗ୍ରାମରେ ଛାଇଗଲା ଜନ୍ତର-ମନ୍ତର, କାହିଁକି ଗାଏବ ରାଞ୍ଚି ପ୍ରୋଟେଷ୍ଟ; କଣ ମେଟାର ଖେଳ ?

• ସଫେଇ ଦେଲେ ଅଭିଜିତ

ଅନ୍ୟପଟେ ସିଜେପି ମୁଖ୍ୟ ଅଭିଜିତ କହିଛନ୍ତି ଯେ ତାଙ୍କୁ ହତ୍ୟା ଧମକ ମିଳୁଥିବାରୁ ସେ ପୋଲିସ ସୁରକ୍ଷା ଲୋଡ଼ିଥିଲେ । ସେ ଅଭିଯୋଗ କରିଛନ୍ତି ଯେ ସୁରକ୍ଷା ଦାୟିତ୍ଵରେ ଥିବା ପୋଲିସ କର୍ମଚାରୀ ତାଙ୍କ ଘରକୁ ଆସୁଥିବା ଅତିଥିଙ୍କୁ ବିନା କାରଣରେ ରୋକୁଛନ୍ତି ଓ ସେମାନଙ୍କ ଉପରେ କଡ଼ା ନଜର ରଖୁଛନ୍ତି । ସେ ଏହା ମଧ୍ୟ ଅଭିଯୋଗ କରିଛନ୍ତି କିଛି ସିଆଇଡି କର୍ମୀ ସାଦା ପୋକାଷରେ ତାଙ୍କ ବାସଭବନ ନିକଟରେ ବୁଲୁଛନ୍ତି । ଏଥିଲାଗି ସେ ସୁରକ୍ଷା ଦାୟିତ୍ଵରେ ଥିବା ପୋଲିସ କର୍ମଚାରୀଙ୍କୁ ହଟାଇବାକୁ କହିଛନ୍ତି ।