ବିଶାଖାପାଟଣା: ମାସେ ହେଲା ଅବସର ନେଇଥିଲେ ଯନ୍ତ୍ରୀ । ମିଳିଲା ୫୦ କୋଟିରୁ ଅଧିକ ସମ୍ପତ୍ତି । ନଗଦ ୬୧ ଲକ୍ଷ ୮୭ ହଜାର ଟଙ୍କା ସାଙ୍ଗକୁ ଅଢ଼େଇ କେଜି ସୁନା, ୨୦ କେଜିରୁ ଅଧିକ ରୁପା ଏବଂ ୧୮.୫୭ ଏକର ଜମି, ୨ଟି ଫ୍ଲାଟ୍, ୩ଟି ପ୍ଲଟ୍ ସାଙ୍ଗକୁ ଏକାଧିକ ଗାଡ଼ି ରହିଛି ଯନ୍ତ୍ରୀଙ୍କ ପାଖରେ ।

ଏହି ବାବୁ ଜଣଙ୍କ ହେଉଛନ୍ତି ଅବସରପ୍ରାପ୍ତ ଅଧୀକ୍ଷଣ ଯନ୍ତ୍ରୀ କଲ୍ଲେପଲ୍ଲୀ ଶ୍ରୀନିବାସ ରାଓ । ଗତମାସରେ ଶ୍ରୀନିବାସ ରାଓ ବିଶାଖାପାଟଣାରେ ପଞ୍ଚାୟତିରାଜ ବିଭାଗର ଅଧୀକ୍ଷଣ ଯନ୍ତ୍ରୀ ଭାବେ ଅବସର ନେଇଥିଲେ । ୧୯୯୦ରେ ସରକାରୀ ଚାକିରିରେ ଭର୍ତ୍ତି ହୋଇଥିଲେ ।

ଏଥିସହ ପଢ଼ନ୍ତୁ: କୋର୍ଟକୁ ବୋମାରେ ଉଡ଼ାଇ ଦେବାକୁ ଧମକ; ବୋମା ନିଷ୍କ୍ରିୟକାରୀ ଟିମ୍‌ର ଛାନଭିନ୍

୨୦୨୫ ଡିସେମ୍ବର ୩୧ ତାରିଖରେ ଚାକିରିରୁ ଅବସର ନେଇଥିଲେ ଶ୍ରୀନିବାସ ରାଓ । ଆଉ ଅବସରର ଠିକ୍ ମାସକ ପରେ ଯନ୍ତ୍ରୀଙ୍କ ଘରୁ ମିଳିଛି ୫୦ କୋଟିରୁ ଅଧିକ ମୂଲ୍ୟର ସମ୍ପତ୍ତି । ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଏକକାଳୀନ ବିଶାଖାପାଟଣା ସହ ସାଲୁର ଓ ହାଇଦ୍ରାବାଦରେ ରେଡ୍ ହୋଇଛି ।

ଆନ୍ଧ୍ରପ୍ରଦେଶର ଦୁର୍ନୀତି ନିର୍ବାରଣ ବିଭାଗ ACB ବିଶ୍ଵସ୍ତ ସୂତ୍ରରୁ ଖବର ପାଇ ଶ୍ରୀନିବାସ ରାଓଙ୍କ ଠିକଣାରେ ଚଢ଼ାଉ କରିଥିଲା । ଶ୍ରୀନିବାସଙ୍କ ସମ୍ପର୍କୀୟ ଓ ଘନିଷ୍ଠଙ୍କ ଘରେ ଏକକାଳୀନ ରେଡ୍ କରିଥିଲା ABC । ଚଢ଼ାଉ ବେଳେ ABC ଅଧିକାରୀ ବିପୁଳ ସୁନା, ରୁପା ସହ ନଗଦ ଟଙ୍କା ଓ ଜମି କାଗଜପତ୍ର ପାଇଥିଲେ ।

ଏଥିସହ ପଢ଼ନ୍ତୁ: ଆପ୍ ନେତା ଲକ୍କି ଓବେରୋଇଙ୍କୁ ହତ୍ୟା; ଗୁରୁଦ୍ଵାର ସମ୍ମୁଖରେ ୫ ରାଉଣ୍ଡ ଫାୟାରିଂ

ଯନ୍ତ୍ରୀଙ୍କ ସମ୍ପତ୍ତି ୫୦ କୋଟି

• ଅଢ଼େଇ କେଜି ସୁନା ସହ ୨୦.୩ କେଜିର ରୁପା ଅଳଙ୍କାର ମିଳିଛି ।
  
• ABCର ଚଢ଼ାଉ ବେଳେ ୬୧ ଲକ୍ଷ ୮୭ ହଜାର ନଦଗ ଟଙ୍କା ମିଳିଛି ।
  
• ୩ଟି ପ୍ଲଟ୍ ସହ ୨ଟି ଫ୍ଲାଟ୍ ଠାବ ହୋଇଛି ।
  
• ୧୮.୫୭ ଏକର ଚାଷ ଭୂମି ଠାବ କରିଛି ABC ।
  
• ୫ଟି ବ୍ୟାଙ୍କ ଲକର୍ ମିଳିଛି, ଲକର୍ ଖୋଲିଲେ ଆହୁରି ସମ୍ପତ୍ତି ମିଳିପାରେ ।
  
• ଏଥିସହ ଅନେକ ଗୁରୁତ୍ଵପୂର୍ଣ୍ଣ କାଗଜପତ୍ର ଓ ଆପତ୍ତିଜନକ ସାମଗ୍ରୀ ଜବତ ହୋଇଛି ।
  

ଆଗକୁ ABC ଶ୍ରୀନିବାସ ରାଓଙ୍କ ବିରୋଧରେ ଦୁର୍ନୀତି ନେଇ ମାମଲା ରୁଜୁ କରିବ । ଆଇନଗତ ପ୍ରକ୍ରିୟା ପରେ ଶ୍ରୀନିବାସଙ୍କୁ ଗିରଫ କରି ବିଶାଖାପାଟଣାର ସ୍ଵତନ୍ତ୍ର ABC ଅଦାଲତରେ ହାଜର କରାଯିବ ବୋଲି କହିଛନ୍ତି ABCର ଅଧିକାରୀ ।