Videos
|
National

Anant Singh Net Worth / ସୁନାଗହଣା, ଦାମି କାର, ତାଜମହଲ ପରି ମଣ୍ଡପ...ବିଧାୟକଙ୍କ ଝିଅ ବାହାଘର ପାଇଁ ଉଡୁଛି ଟଙ୍କା

Debashree Debasmita Sahoo
Browse all articles by Debashree Debasmita Sahoo
·1 hour ago·3 min read
ସୁନାଗହଣା, ଦାମି କାର, ତାଜମହଲ ପରି ମଣ୍ଡପ...ବିଧାୟକଙ୍କ ଝିଅ ବାହାଘର ପାଇଁ ଉଡୁଛି ଟଙ୍କା
Anant Singh Net Worth

Key Points

ସୁନାଗହଣା, ଘୋଡା, ଦାମି କାର, ବଡ଼ ବଡ଼ ଜାଗା
ବିଧାୟକ ଅନନ୍ତ ସିଂହଙ୍କ ଝିଅ ବାହାଘରକୁ ନେଇ ଚର୍ଚ୍ଚା
ଝିଅ ବାହାଘରରେ ଉଡ଼ାଉଛନ୍ତି ଟଙ୍କା
ବାହୁବଳୀ ବିଧାୟକଙ୍କ ପାଖରେ କେତେ ସମ୍ପତ୍ତି ?
ପାଟନା: ବିହାରର ମୋକାମା ବିଧାୟକ ଅନନ୍ତ କୁମାର ସିଂହ ଏବେ ରାଜନୀତି ଅପେକ୍ଷା ନିଜ ଝିଅର ରାଜକୀୟ ବିବାହକୁ ନେଇ ଅଧିକ ଚର୍ଚ୍ଚାରେ । ଝିଅ ଶିବାଙ୍ଗୀଙ୍କ ବିବାହକୁ ସ୍ମରଣୀୟ କରିବା ପାଇଁ ଚାଲିଛି ଜୋରଦାର ପ୍ରସ୍ତୁତି । ବିବାହ ଉତ୍ସବ ପାଇଁ ପ୍ରାୟ ୧୦ ବିଘା ଜମିରେ ତିଆରି ହେଉଛି ବିଶାଳ ପେଣ୍ଡାଲ । ଏହାକୁ ତାଜମହଲ ଓ ଦିଲ୍ଲୀର ଲାଲକିଲ୍ଲା ଭଳି ରୂପ ଦିଆଯାଉଛି । ତେବେ କେବଳ ପେଣ୍ଡାଲ ନୁହେଁ, ଅତିଥିଙ୍କ ଆତିଥ୍ୟଠାରୁ ଆରମ୍ଭ କରି ଉପହାର ପର୍ଯ୍ୟନ୍ତ ସବୁଠି ରହିଛି ରାଜକୀୟ ଆୟୋଜନ । ଯାହାକୁ ନେଇ ଏବେ ବିହାରଠୁ ସାରା ଦେଶରେ ବେଶ ଚର୍ଚ୍ଚା ହେଉଛି ।

  • ୧୦୦ କୋଟିରୁ ଅଧିକ ସମ୍ପତ୍ତିର ମାଲିକ
ଅନନ୍ତ ସିଂହଙ୍କ ସମ୍ପତ୍ତିକୁ ନେଇ ମଧ୍ୟ ଚର୍ଚ୍ଚା ଜୋର ଧରିଛି । ୨୦୨୫ ବିହାର ବିଧାନସଭା ନିର୍ବାଚନ ସମୟରେ ମୋକାମା ଆସନରୁ ନାମାଙ୍କନ ଦାଖଲ ବେଳେ ନିର୍ବାଚନ କମିଶନଙ୍କୁ ଦେଇଥିବା ସତ୍ୟପାଠ ଅନୁସାରେ, ତାଙ୍କ ଓ ପରିବାରର ମୋଟ ସମ୍ପତ୍ତି ୧୦୦ କୋଟି ଟଙ୍କାରୁ ଅଧିକ । ତେବେ ତାଙ୍କ ଉପରେ ପ୍ରାୟ ୨୫ କୋଟି ଟଙ୍କାର ଋଣ ମଧ୍ୟ ରହିଛି । ସତ୍ୟପାଠ ଅନୁସାରେ, ପରିବାର ପାଖରେ ୫୦ ଲକ୍ଷ ଟଙ୍କା ନଗଦ ଏବଂ ବିଭିନ୍ନ ବ୍ୟାଙ୍କ ଖାତାରେ ୧ କୋଟିରୁ ଅଧିକ ଟଙ୍କା ଜମା ରହିଛି ।

  • କମ୍ପାନୀରେ କୋଟି କୋଟି ଟଙ୍କାର ଅଂଶଧନ
ଅନନ୍ତ ସିଂହଙ୍କ ଡ୍ରାପ୍ କନଷ୍ଟ୍ରକ୍ସନ ଜେଭି ଲ୍ୟାଣ୍ଡ ପାର୍ଟନର କମ୍ପାନୀରେ ୩୪.୩୭ ପ୍ରତିଶତ ଅଂଶଧନ ରହିଛି । ଏହାର ମୂଲ୍ୟ ପ୍ରାୟ ୧୦.୧୮ କୋଟି ଟଙ୍କା ବୋଲି ସତ୍ୟପାଠରେ ଉଲ୍ଲେଖ ରହିଛି । ତାଙ୍କ ପତ୍ନୀଙ୍କର ମଧ୍ୟ ବିଭିନ୍ନ କମ୍ପାନୀରେ ଲକ୍ଷାଧିକ ଟଙ୍କାର ଶେୟାର ରହିଛି ।

  • ଦାମି କାର୍‌, ସୁନା ଓ ରୁପାର ଗହଣା
ବିଧାୟକଙ୍କ ଗାଡ଼ି ସଂଗ୍ରହ ମଧ୍ୟ କିଛି କମ୍‌ ନୁହେଁ । ଅନନ୍ତ ସିଂହଙ୍କ ନାଁରେ ଟୟୋଟା ଫର୍ଚ୍ୟୁନର, ଲ୍ୟାଣ୍ଡ କ୍ରୁଜର ଓ ମହିନ୍ଦ୍ରା XUV ୫୦୦ ଭଳି ଦାମି ଗାଡ଼ି ରହିଛି । ଏହାର ମୂଲ୍ୟ ପ୍ରାୟ ୨.୫୫ କୋଟି ଟଙ୍କା । ତାଙ୍କ ପତ୍ନୀଙ୍କ ପାଖରେ ମଧ୍ୟ ଇନୋଭା କ୍ରିଷ୍ଟା, ଫର୍ଚ୍ୟୁନର ଓ ମହିନ୍ଦ୍ରା ଥାର୍‌ ଭଳି ଗାଡ଼ି ରହିଛି । ସୁନା ଓ ରୁପା ଗହଣାର ମୂଲ୍ୟ ମଧ୍ୟ ୮୬ ଲକ୍ଷ ଟଙ୍କାରୁ ଅଧିକ । ଅନନ୍ତ ସିଂହଙ୍କ ପାଖରେ ପ୍ରାୟ ୧୫ ଲକ୍ଷ ଟଙ୍କାର ୧୫୦ ଗ୍ରାମ ସୁନା ଗହଣା ଥିବା ବେଳେ ତାଙ୍କ ପତ୍ନୀଙ୍କ ପାଖରେ ୬୩ ଲକ୍ଷ ଟଙ୍କାର ୭୦୧ ଗ୍ରାମ ସୁନା ଓ ୯ ଲକ୍ଷ ଟଙ୍କାର ପ୍ରାୟ ୬ କିଲୋ ରୁପା ଅଛି ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ପଢନ୍ତୁ ଏହି ଖବର: ଜ୍ଵାଇଁଙ୍କୁ ୨ କୋଟିର ଲ୍ୟାଣ୍ଡ ରୋଭର ଡିଫେଣ୍ଡର ଗିଫ୍ଟ; ଝିଅ ବାହାଘରରେ ୪ ଲକ୍ଷ ଲୋକଙ୍କ ପାଇଁ ଭୋଜି

  • ଜମି ଓ କୋଠାର ମୂଲ୍ୟ କୋଟି କୋଟି ଟଙ୍କା
ସ୍ଥାବର ସମ୍ପତ୍ତି କଥା କହିଲେ, ଅନନ୍ତ ସିଂହ ଓ ତାଙ୍କ ପତ୍ନୀଙ୍କ ନାଁରେ କୋଟି କୋଟି ଟଙ୍କାର ଜମି ଓ କୋଠା ରହିଛି । ପ୍ରାୟ ୬ କୋଟି ଟଙ୍କାର କୃଷି ଜମି ଏବଂ ୨୫ କୋଟି ଟଙ୍କାର ଅଣକୃଷି ଜମି ରହିଛି । ପାଟନାରେ ଅନନ୍ତ ସିଂହଙ୍କ ୧୦ କୋଟି ଟଙ୍କାର ଏବଂ ତାଙ୍କ ପତ୍ନୀଙ୍କ ୧୩ କୋଟି ଟଙ୍କାର ବାଣିଜ୍ୟିକ କୋଠା ଥିବା ଦର୍ଶାଯାଇଛି ।

  • ୪ ଲକ୍ଷ ଅତିଥିଙ୍କ ପାଇଁ ୧୫୦ ପ୍ରକାର ଖାଦ୍ୟ
ଅନନ୍ତ ସିଂହଙ୍କ ଝିଅର ଶାହୀ ବିବାହରେ ପ୍ରାୟ ୪ ଲକ୍ଷ ଅତିଥିଙ୍କ ଯୋଗଦେବେ । ଅତିଥିଙ୍କ ପାଇଁ ପ୍ରସ୍ତୁତ ହେଉଛି ୧୫୦ରୁ ଅଧିକ ପ୍ରକାରର ଖାଦ୍ୟ । ଦେଶର ବିଭିନ୍ନ ସ୍ଥାନରୁ VIP ଅତିଥିମାନେ ହେଲିକପ୍ଟର ଯୋଗେ ଆସିବାର ସମ୍ଭାବନା ଥିବାରୁ ସମାରୋହ ସ୍ଥଳ ନିକଟରେ ହେଲିପ୍ୟାଡ୍‌ ନିର୍ମାଣ କରାଯାଉଛି । ତେବେ ଏତିକିରେ ସରିନାହିଁ ଆୟୋଜନ । ଅତିଥିଙ୍କ ମନୋରଞ୍ଜନ ପାଇଁ ଘୋଡ଼ା ଦୌଡ଼ ପ୍ରତିଯୋଗିତାର ମଧ୍ୟ ବ୍ୟବସ୍ଥା ରହିଛି । ସବୁଠାରୁ ଚର୍ଚ୍ଚାର ବିଷୟ, ନିଜ ଜ୍ୱାଇଁଙ୍କୁ ପ୍ରାୟ ୩.୫ କୋଟି ଟଙ୍କା ମୂଲ୍ୟର ଲ୍ୟାଣ୍ଡ ରୋଭର ଡିଫେଣ୍ଡର ଓ BMW କାର୍‌ ଉପହାର ଦେବାକୁ ଯୋଜନା ରହିଛି । ଏଭଳି ଭବ୍ୟ ଆୟୋଜନକୁ ନେଇ ଏବେ ଚର୍ଚ୍ଚାରେ ଅନନ୍ତ ସିଂହଙ୍କ ଝିଅର ଶାହୀ ବିବାହ ।