Arunachal Pradesh Disaster 2026 / ଭୂସ୍ଖଳନ-ବନ୍ୟା ନେଲା ୪ ଜୀବନ; ୫ ସୈନିକ ନିଖୋଜ

Arunachal Pradesh Cloudburst 2026: ଅରୁଣାଚଳ ପ୍ରଦେଶରେ ନିରନ୍ତର ପ୍ରବଳ ବର୍ଷା ଯୋଗୁଁ ଅନେକ ଅଞ୍ଚଳରେ ଭୂସ୍ଖଳନ ସହ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଛି। ଦିବାଙ୍ଗ ଉପତ୍ୟକା ଜିଲ୍ଲାରେ ହଠାତ୍ ବନ୍ୟା ମାଡ଼ି ଆସିଯିବାରୁ ଏବଂ ଉପର ସୁବାନସିରି ଜିଲ୍ଲାରେ ଭୂସ୍ଖଳନ ହେବା ଯୋଗୁଁ ବହୁତ କ୍ଷୟକ୍ଷତି ହୋଇଛି। ଉଭୟ ଘଟଣା ଶୁକ୍ରବାର ସନ୍ଧ୍ୟାରେ ଘଟିଥିବାରୁ ପ୍ରଶାସନ ଏବଂ ଉଦ୍ଧାରକାରୀ ଦଳ ସକ୍ରିୟ ହୋଇ ଉଠିଛନ୍ତି। ଭୂସ୍ଖଳନ-ବନ୍ୟା କାରଣରୁ ଏପର୍ଯ୍ୟନ୍ତ ୪ ଜଣଙ୍କ ମୃତ୍ୟୁ ହୋଇଥିବାର କୁହାଯାଉଛି।

ଭାସିଗଲା ସେନାର ଅସ୍ଥାୟୀ ଶିବିର; ୫ ସୈନିକ ନିଖୋଜ
ଦିବାଙ୍ଗ ଉପତ୍ୟକା ଜିଲ୍ଲାରେ ଦୁଇଟି ସେନା ଅସ୍ଥାୟୀ ଆଶ୍ରୟସ୍ଥଳ ଆକସ୍ମିକ ବନ୍ୟାରେ ବନ୍ୟା ଭାସିଯାଇଛି। ପ୍ରବଳ ସ୍ରୋତ କାରଣରୁ ପ୍ରାୟ ୭ ଜଣ ସୈନିକ ଭାସି ଯାଇଥିଲେ। ସେମାନଙ୍କ ମଧ୍ୟରୁ ୨ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି। ହେଲେ ଏପର୍ଯ୍ୟନ୍ତ ୫ ଜଣ ଏବେ ନିଖୋଜ ଅଛନ୍ତି। ସେନା ଏବଂ ସ୍ଥାନୀୟ ପ୍ରଶାସନ ସେମାନଙ୍କ ସନ୍ଧାନ ଜାରି ରଖିଛନ୍ତି।

ଖରାପ ପାଗ ସତ୍ତ୍ୱେ ଜାରି ରହିଛି ଉଦ୍ଧାର ଅଭିଯାନ
ଆସାମ ତେଜପୁର ସ୍ଥିତ ପ୍ରତିରକ୍ଷା ଜନସମ୍ପର୍କ ଅଧିକାରୀଙ୍କ (PRO) କହିବା ଅନୁଯାୟୀ, ନିକଟବର୍ତ୍ତୀ ପୋଷ୍ଟ ଠାରୁ ଅନେକ ଉଦ୍ଧାରକାରୀ ଦଳକୁ ଘଟଣାସ୍ଥଳକୁ ପଠାଯାଇଛି। ଖରାପ ପାଗ, ଜଳବନ୍ଦୀ ସମସ୍ୟା ଏବଂ ଦୁର୍ଗମ ରାସ୍ତା ସତ୍ତ୍ୱେ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଜାରି ରହିଛି। ନିଖୋଜ ସୈନିକଙ୍କୁ ଖୋଜିବା ପାଇଁ ସମସ୍ତ ପ୍ରକାରର ପ୍ରୟାସ କରାଯାଉଛି।

ଏହା ସହ ପଢନ୍ତୁ: ବାଦଲ ଫଟା ପରେ ଭାସିଗଲା ପୋଲ; ଫସି ରହିଛନ୍ତି ଲୋକେ

ରାସ୍ତା ନିର୍ମାଣସ୍ଥଳରେ ହୋଇଥିଲା ବଡ଼ ଧରଣର ଭୂସ୍ଖଳନ
ପ୍ରବଳ ବର୍ଷା ଯୋଗୁଁ ଉପର ସୁବାନସିରି ଜିଲ୍ଲାର କେଓଜାରିଂ-ବାୟାଚିଂ ରାସ୍ତା ନିର୍ମାଣସ୍ଥଳରେ ଏକ ବଡ଼ ଧରଣର ଭୂସ୍ଖଳନ ହୋଇଥିଲା। ଦୁର୍ଘଟଣା ସମୟରେ ସେଠାରେ ଅନେକ ଶ୍ରମିକ କାମ କରୁଥିଲେ। ଭୂସ୍ଖଳନରେ ଅନେକ ଲୋକ ପୋତି ହୋଇଯାଇଥିଲେ। ଜିଲ୍ଲା ବିପର୍ଯ୍ୟୟ ପରିଚାଳନା ଅଧିକାରୀ ରୋନ୍ୟା ମାରବୋମଙ୍କ କହିବା ଅନୁଯାୟୀ, ଏପର୍ଯ୍ୟନ୍ତ ଗୋଟିଏ ମୃତଦେହ ଉଦ୍ଧାର କରାଯାଇଛି। ଅନ୍ୟ କେତେକ ଫସି ରହିଥିବାର ଆଶଙ୍କା କରାଯାଉଛି।

୪ ଜଣଙ୍କ ମୃତ୍ୟୁ ହୋଇଥିବାର ସୂଚନା
ଅଧିକାରୀଙ୍କ କହିବା ଅନୁଯାୟୀ, ବନ୍ୟା-ଭୂସ୍ଖଳନ ସମ୍ବନ୍ଧୀୟ ଘଟଣାରେ ଏପର୍ଯ୍ୟନ୍ତ ୪ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଅନେକ ଲୋକଙ୍କ ସନ୍ଧାନ ଜାରି ରହିଥିବାରୁ ମୃତକଙ୍କ ସଂଖ୍ୟା ବଢିପାରେ। ରାଜ୍ୟ ଜରୁରୀକାଳୀନ ଅପରେସନ୍ସ ସେଣ୍ଟର ପରିସ୍ଥିତି ଉପରେ ନିରନ୍ତର ନଜର ରଖିଛି। ପ୍ରଶାସନ ଜନସାଧାରଣଙ୍କୁ ସତର୍କ ରହିବା ଏବଂ ପାଣିପାଗ ବିଭାଗ ପରାମର୍ଶ ପାଳନ କରିବାକୁ ନିବେଦନ କରିଛି। ପ୍ରଭାବିତ ଅଞ୍ଚଳରେ ରିଲିଫ୍ ଏବଂ ଉଦ୍ଧାର କାର୍ଯ୍ୟକୁ ସର୍ବାଧିକ ପ୍ରାଥମିକତା ଦିଆଯାଉଛି।