Dibrugarh Rajdhani Express / ଅଚାନକ ରାଜଧାନୀ ଏକ୍ସପ୍ରେସ ସାମ୍ନାକୁ ମାଡି ଆସିଲା ହାତୀ ପଲ; ଆଉ ତାପରେ...

ବନ ବିଭାଗ କର୍ମଚାରୀଙ୍କ ସତର୍କତା ଯୋଗୁଁ ବଞ୍ଚିଯାଇଛି ହାତୀ ପଲଙ୍କ ଜୀବନ। ଆସାମର ହୋଜାଇ ଜିଲ୍ଲାରେ ଦେଖିବାକୁ ମିଳିଛି ଏହି ଘଟଣା। ଯେଉଁଠି ଏକ ହାତୀ ପଲ ଏକ ଘଞ୍ଚ ଜଙ୍ଗଲ ପାଖରେ ଅପେକ୍ଷା କରି ରହିଥିଲା। ଏହାର ଅଳ୍ପ ଦୂରରେ ଡିବ୍ରୁଗଡ଼ ରାଜଧାନୀ ଏକ୍ସପ୍ରେସ ଦ୍ରୁତ ବେଗରେ ଆସୁଥବାର ଶବ୍ଦ ଶୁଣିବାକୁ ମିଳିଥିଲା। ହାତ ପଲ ଟ୍ରେନ୍ ଲାଇନ ପାର ହେବା ଅପେକ୍ଷାରେ ରହିଥିଲେ। ସେହି ସମୟରେ ଜଣେ ବନ ରକ୍ଷକ ସେମାନଙ୍କୁ ସୁରକ୍ଷା ଦେବା ପାଇଁ ଆଗେଇ ଆସି ଟ୍ରେନ୍‌ ଅଟକାଇ ଦେଇଥିଲେ। ହାତରେ ଏକ ଟର୍ଚ୍ଚଲାଇଟ୍ ଧରି, ବନ ରକ୍ଷକ ଦୂରରୁ ଗର୍ଜନ କରି ଆସୁଥିବା ନୂଆଦିଲ୍ଲୀ-ଡିବ୍ରୁଗଡ଼ ରାଜଧାନୀ ଏକ୍ସପ୍ରେସ୍‌ କୁ ଅଟକାଇବା ପାଇଁ ସଙ୍କେତ ଦେଇଥିଲେ।

ହାତୀ ଟ୍ରେନ୍ ଲାଇନ ପାର ହେଉଥିବା ନେଇ ଜଣାପଡ଼ିବା ପରେ ରାଜଧାନୀ ଏକ୍ସପ୍ରେସ୍‌ରେ ମଧ୍ୟ ବ୍ରେକ୍‌ ଲଗାଇବାକୁ ପଡ଼ିଥିଲା। ଏହା ପରେ, ହାତୀ ପଲ ରେଲୱେ ଟ୍ରାକ୍ ପାର ହୋଇ ଜଙ୍ଗଲ ଆଡ଼କୁ ଚାଲି ଯାଇଥିଲେ। ରାଜଧାନୀ ଏକ୍ସପ୍ରେସ୍‌ ଏବଂ ହାତୀ ପଲ ମଧ୍ୟରେ ଦେବଦୂତ ପରି ଠିଆ ହୋଇଥିବା ଜଣେ ସାହସୀ ବନ ଅଧିକାରୀଙ୍କ ଏହି ଭିଡି଼ଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ସାହସୀ ବ୍ୟକ୍ତି କେବଳ ନିର୍ଦ୍ଦୋଷ ପ୍ରାଣୀଙ୍କୁ ମୃତ୍ୟୁର ମୁହଁରୁ ବଞ୍ଚାଇ ନଥିଲେ, ବରଂ ନିଜର ଉପସ୍ଥିତ ବୁଦ୍ଧି ଦ୍ୱାରା ଏକ ଭୟଙ୍କର ଟ୍ରେନ୍‌ ଦୁର୍ଘଟଣାକୁ ମଧ୍ୟ ଏଡାଇ ଦେଇଥିଲେ। ହୋଜାଇ ଠାରେ ହାତୀ ପଲ ରେଲୱେ ଟ୍ରାକ ପାର ହେଉଥିଲା ବେଳେ ଜଣେ ସତର୍କ ବନରକ୍ଷୀ ସୁରକ୍ଷିତ ଭାବରେ ରାଜଧାନୀ ଏକ୍ସପ୍ରେସ୍ କୁ ଅଟକାଇ ଦେଇଥିଲେ।

ଏହା ସହ ପଢନ୍ତୁ: ଦ୍ରୁତ ବେଗରେ ଦୌଡୁଥିଲା ଟ୍ରେନ୍; ହଠାତ୍ ରେଲୱେ ଟ୍ରାକ୍ ଉପରକୁ ମାଡ଼ି ଆସିଲେ ୧୦ ସିଂହ, ଶେଷରେ...

ରେଳ ଧାରଣା ଅତିକ୍ରମ କରିବା ପାଇଁ ଅପେକ୍ଷା କରି ରହିଥିଲେ ହାତୀ ପଲ
ବୁଧବାର (୧୯ ଅଗଷ୍ଟ) ସକାଳେ, ଆସାମର ହୋଜାଇ ଜିଲ୍ଲାର ହାୱାଇପୁର ଠାରେ ହାତୀ ପଲ ରେଲୱେ ଟ୍ରାକ ପାର ହେବା ଯୋଗୁଁ ଡାଉନ୍ ରାଜଧାନୀ ଏକ୍ସପ୍ରେସ୍ କୁ କିଛି ସମୟ ପାଇଁ ଅଟକା ଯାଇଥିଲା। ଯାହା ଫଳରେ ହାତୀଙ୍କୁ ସୁରକ୍ଷିତ ଭାବରେ ଯିବାକୁ ଅନୁମତି ଦିଆଯାଇଥିଲା। ସୂତ୍ର ଅନୁଯାୟୀ, ନଗାଓଁ ଦକ୍ଷିଣ ଡିଭିଜନ ଅଧିନସ୍ଥ ଲଙ୍କା ରେଞ୍ଜ ଅନ୍ତର୍ଗତ ହାୱାଇପୁର ଠାରେ ହାତୀ ପଲ ରେଲୱେ ଟ୍ରାକ ପାର କରୁଥିବାରୁ ଏହି ଟ୍ରେନ୍କୁ ଅଟକାଇ ଦିଆ ଯାଇଥିଲା।

ଆସାମ ସରକାରଙ୍କ ଜଙ୍ଗଲ ଏବଂ ପରିବେଳ ମନ୍ତ୍ରୀ ଜୟନ୍ତ ମଲ୍ଲ ବରୁଆ ମଧ୍ୟ ଏହି ଘଟଣା ସମ୍ପର୍କରେ ସୋସିଆଲ ମିଡି଼ଆରେ ଉଲ୍ଲେଖ କରିଛନ୍ତି। ସେ ଏହାକୁ ଏକ "ଅପ୍ରତ୍ୟାଶିତ ଅଟକ" ବୋଲି କହିଥିଲେ। ଯାହା ସୁନ୍ଦର ବିଶାଳ ପ୍ରାଣୀଙ୍କୁ ସୁରକ୍ଷିତ ଭାବରେ ରେଳ ଧାରଣା ଅତିକ୍ରମ କରାଇବାରେ ସହାୟତ ହୋଇଥିଲା। ମନ୍ତ୍ରୀ ସେ କହିଛନ୍ତି ଯେ ଆସାମ ବନ ବିଭାଗ କର୍ମଚାରୀ, ଲୋକୋ ପାଇଲଟ୍ ଏବଂ ଲୁମଡିଂ ରେଳ ନିୟନ୍ତ୍ରଣ କକ୍ଷର ସତର୍କତା ଯୋଗୁଁ ହାତୀ ପଲ ସୁରକ୍ଷିତ ଭାବରେ ରେଳ ଧାରଣା ଅତିକ୍ରମ କରିବାରେ ସକ୍ଷମ ହୋଇଥିଲା। ଯାହା ପରେ ଟ୍ରେନ୍ ପୁଣି ଥରେ ଏହାର ଗନ୍ତବ୍ୟସ୍ଥଳ ଅଭିମୁଖେ ଯାତ୍ରା ଆରମ୍ଭ କରିଥିଲା।

An unexpected halt on the tracks, but only for our adorable giants to pass by.

This morning, the Down Rajdhani Express was stopped at Km 167/8 as an elephant herd crossed the tracks at Hawaipur under Lanka Range, Nagaon South Division, Hojai.

Alert action by our @assamforest… pic.twitter.com/qhPseOLNCv

— Jayanta Mallabaruah (@jayanta_malla) August 19, 2026

ଏହି ଘଟଣା ଆସାମରେ ମାନବ-ବନ୍ୟପ୍ରାଣୀ ସଂଘର୍ଷକୁ ରୋକିବା ଏବଂ ରେଳ ଧାରଣା ରହିଥିବା ସ୍ଥାନରେ ହାତୀଙ୍କ ସୁରକ୍ଷିତ ଗତିବିଧି ସୁନିଶ୍ଚିତ କରିବା ପାଇଁ ଉଭୟ ବନ-ରେଳ ବିଭାଗ ଦ୍ୱାରା ହେଉଥିବା ନିରନ୍ତର ପ୍ରୟାସକୁ ଦର୍ଶାଉଛି। ଏହା ସୁପ୍ରିମକୋର୍ଟ ଦେଇଥିବା ରାୟର ଗୋଟିଏ ଦିନ ପରେ ଆସିଛି। ଯେଉଁଥିରେ କୋର୍ଟ କହିଥିଲେ କୌଣସି ରାଜ୍ୟ ପାରମ୍ପରିକ ହାତୀ ଚଳାଚଳ ପଥକୁ ଅବରୋଧିତ କିମ୍ବା ବାଧା ଦେଇପାରିବ ନାହିଁ। କୋର୍ଟ କହିଛନ୍ତି ଯେ ବନ୍ୟପ୍ରାଣୀ ଗତିବିଧିକୁ ପ୍ରତିବନ୍ଧିତ କରିବା ପାଇଁ ଫସଲ କିମ୍ବା ଧନ ଜୀବନ କ୍ଷତିକୁ ଆଧାର ଭାବରେ ବ୍ୟବହାର କରାଯାଇ ପାରିବ ନାହିଁ। କୋର୍ଟ ଦେଶବ୍ୟାପୀ ହାତୀ କରିଡ଼ର ଠାରେ ପ୍ରତିବନ୍ଧକ ସର୍ଭେ କରିବାକୁ ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟକୁ ନିର୍ଦ୍ଦେଶ ଦେଇଛନ୍ତି। ହାତୀଙ୍କୁ ଘଉଡ଼ାଇବା ପାଇଁ ଅଗ୍ନିଗୋଲା ଏବଂ ନିଆଁ ଜଳାଇବା ଉପରେ ମଧ୍ୟ ନିଷେଧାଦେଶ ଜାରି କରିଛନ୍ତି।