Assams GI-Tagged Litchis First Shipment: ସୁଦୂର ଦୁବାଇ-ସିଙ୍ଗାପୁର ଅଭିମୁଖେ ରପ୍ତାନୀ ଲାଗି ପଠାଯାଇଛି ଆସାମର ଜିଆଇ ଟ୍ୟାଗ୍ ମାର୍କା (GI Tag Mark ଲିଚୁ। ନିଜେ କେନ୍ଦ୍ରମନ୍ତ୍ରୀ ପୀୟୁଷ ଗୋୟଲ ଏହାର ଫଟୋ ସେୟାର କରିବା ସହ ଆନ୍ତର୍ଜାତୀୟ ବଜାରକୁ ଆସାମର ତେଜପୁରରୁ ଲିଚୁ ରପ୍ତାନୀକୁ ପ୍ରଶଂସା କରିଛନ୍ତି। ଏନେଇ କେନ୍ଦ୍ରମନ୍ତ୍ରୀ କହିଛନ୍ତି ଏହି ପଦକ୍ଷେପ ଚାଷୀଙ୍କ ପାଇଁ ଭଲ ଲାଭ ସୁରକ୍ଷିତ କରିବାରେ ଏବଂ ପୂର୍ବୋତ୍ତର ଭାରତରୁ କୃଷି ଉତ୍ପାଦ ପାଇଁ ନୂତନ ସୁଯୋଗ ସୃଷ୍ଟି କରିବାରେ ସହାୟକ ହେବ।

ନିକଟରେ ଏକ ପୋଷ୍ଟ୍ ସେୟାର କରି କେନ୍ଦ୍ରମନ୍ତ୍ରୀ ପୀୟୁଷ ଗୋୟଲ କହିଛନ୍ତି, ଆସାମର ପ୍ରସିଦ୍ଧ ଜିଆଇ ଟ୍ୟାଗ୍ (Geographical Indication Tag) ହୋଇଥିବା ତେଜପୁର ଲିଚୁ ଏବେ ବିଦେଶୀ ବଜାରରେ ଏହାର ମିଠା ସ୍ୱାଦ ବିସ୍ତାର କରୁଛି। APEDA (Agricultural and Processed Food Products Export Development Authority) ସହଯୋଗରେ, ତେଜପୁର ଲିଚୁ ରପ୍ତାନି ପାଇଁ ଦୁବାଇ ଅଭିମୁଖେ ପ୍ରସ୍ଥାନ କରିଛି। ଏହି ପଦକ୍ଷେପ ଏହି ଅଞ୍ଚଳର ଲିଚୁକୁ ବିଶ୍ୱସ୍ତରୀୟ ମାନ୍ୟତା ଦେବ, ଚାଷୀମାନଙ୍କୁ ଭଲ ମୂଲ୍ୟ ପ୍ରଦାନ କରିବ ଏବଂ ଉତ୍ତର-ପୂର୍ବ ଭାରତରୁ କୃଷି ଉତ୍ପାଦ ପାଇଁ ନୂତନ ସୁଯୋଗ ସୃଷ୍ଟି କରିବ।

ରବିବାର (ଜୁନ୍ ୭) ଆରମ୍ଭ ହୋଇଥିବା ତେଜପୁରର ପ୍ରସିଦ୍ଧ ଲିଚୁ ଚାଷର ଶତବାର୍ଷିକୀ ପାଳନ ମଧ୍ୟରେ ଏହି ରପ୍ତାନି ହୋଇଛି। ସୋନିତପୁର ଜିଲ୍ଲା ପ୍ରଶାସନ ଦ୍ୱାରା ଆୟୋଜିତ ୨ ଦିନିଆ ତେଜପୁର ଲିଚୁ ମହୋତ୍ସବ ୨୦୨୬, ତେଜପୁରର ଜିଲ୍ଲା ପାଠାଗାରରେ ନିକଟରେ ଶେଷ ହୋଇଛି। ଯାହା GI-Tag ହୋଇଥିବା ଫଳର ଶତାବ୍ଦୀ ପୁରୁଣା ଐତିହ୍ୟକୁ ପ୍ରଦର୍ଶିତ କରିଛି।

ଏହା ସହ ପଢନ୍ତୁ: ଦେଶ ନୁହେଁ ବିଦେଶରେ ମଧ୍ୟ ଲୋକପ୍ରିୟା ଆସାମ ଚା'; କେଉଁ ପର୍ଯ୍ୟନ୍ତ ଲମ୍ବିଛି କାରବାର?

ମହୋତ୍ସବ ସମୟରେ ବିଭିନ୍ନ ପ୍ରକାରର ପ୍ରାୟ ୧ ଟନ୍ ଓଜନର ଲିଚୁ ଦୁବାଇ ଅଭିମୁଖେ ରପ୍ତାନୀ କରାଯାଇଥିଲା। ଯେତେବେଳେ ପ୍ରାୟ ୬ କ୍ୱିଣ୍ଟାଲ୍ ସିଙ୍ଗାପୁର ପଠାଯାଇଥିଲା। ଚଳିତ ବର୍ଷ ଲୋକପ୍ରିୟ ବମ୍ବେ ପ୍ରକାରର ତେଜପୁର ଲିଚୁ ପ୍ରତି ଫଳ ପାଇଁ ୪୦ ରୁ ୫୦ ଟଙ୍କା ମୂଲ୍ୟରେ ବିକ୍ରି ହେଉଛି। ମହୋତ୍ସବ ଆରମ୍ଭ ହେବାର ଗୋଟିଏ ଦିନରେ ପ୍ରାୟ ୪ ଲକ୍ଷ ଟଙ୍କାରୁ ଅଧିକ ମୂଲ୍ୟର ଲିଚୁ ବିକ୍ରି ହୋଇଛି।

ତେଜପୁରରେ ଲିଚୁ ପରମ୍ପରାର ଉତ୍ପତ୍ତି ୧୯୨୩ ମସିହାରେ ହୋଇଥିଲା। ଯେତେବେଳେ ପ୍ରସିଦ୍ଧ ସାହିତ୍ୟିକ ଏବଂ ପୂର୍ବତନ ତେଜପୁର ପୌରପାଳିକା ଅଧ୍ୟକ୍ଷ ପଦ୍ମନାଥ ଗୋହାଇନ ବରୁଆ ସହରରେ ଲିଚୁ ବଗିଚା ସ୍ଥାପନ କରିଥିଲେ। ଅଗ୍ନିଗଡ଼ କୃଷି ଉତ୍ପାଦକ ଗୋଷ୍ଠୀ ଅନୁଯାୟୀ, ଆଜି ଏହି ଅଞ୍ଚଳର ୧୫୦ ରୁ ଅଧିକ ଚାଷୀ ଲିଚୁ ଚାଷ କରନ୍ତି। ଏହି ଲିଚୁ ମହୋତ୍ସବରେ ଚାହି, ବିଲାତି, ବୋମ୍ବାଇୟା, ପିଆଜି, ଚାଇନିଜ୍, ରୋଙ୍ଗିଆ, କାଠ ବୋମ୍ବାଇୱା ଏବଂ ଇଲାଇଚି ପ୍ରଭୂତି କିସମର ଲିଚୁ ପ୍ରଦର୍ଶିତ ହୋଇଥିଲା।