Assam Matcha Tea / ଇତିହାସ ରଚିଲା ଆସାମ; କେଜି ପିଛା ୩୦୦୦ ଟଙ୍କାରେ ବିକ୍ରି ହେଲା 'ମାଚା ଟି'
·1 hour ago·3 min read
Key Points
ଆସାମ ପ୍ରଥମ ଥର ପାଇଁ "ମାଚା" ଚା' ଉତ୍ପାଦନ କରି ଇତିହାସ ସୃଷ୍ଟି କରିଛି। ଗୌହାଟୀରେ ଅନୁଷ୍ଠିତ ପ୍ରଥମ ନିଲାମରେ ଏହା ପ୍ରତି କିଲୋଗ୍ରାମ ୩୦୦୦ ଟଙ୍କା ମୂଲ୍ୟରେ ବିକ୍ରି ହୋଇଥିଲା। ଏହା ଭାରତର ପ୍ରିମିୟମ୍ ଚା' ବଜାରରେ ଏକ ନୂତନ ପରିଚୟ ପ୍ରତିଷ୍ଠା କରିବାର ଆଶା ସୃଷ୍ଟି କରିଛି।
Assam produces first Matcha Tea: ଦେଶରେ ଚା' କଥା ଉଠିଲେ ପ୍ରଥମେ ମନକୁ ଆସାମ କଥା ଆସିଥାଏ। ରାଜ୍ୟ ହିସାବରେ ଏହା ହେଉଛି ପ୍ରାୟତଃ ପ୍ରଥମ ରାଜ୍ୟ ଯାହା କଥା ଚା' ମନକୁ ଆସିଥାଏ। ଏବେ ଆସାମ ଚା' ଜଗତରେ ଆଉ ଏକ ବଡ଼ ସଫଳତା ହାସଲ କରିଛି। ପ୍ରଥମ ଥର ପାଇଁ ରାଜ୍ୟରେ "ମାଚା" ଚା' ଉତ୍ପାଦନ କରାଯିବା ସହ ଏହାକୁ ନିଲାମ ମଧ୍ୟ କରାଯାଇଛି। ଆଶ୍ଚର୍ଯ୍ୟଜନକ ଭାବରେ ଏହି "ମାଚା" ଚା' କିଲୋଗ୍ରାମ ପିଛା ୩୦୦୦ ଟଙ୍କାରେ ବିକ୍ରି ହୋଇଛି। ଏହା ସ୍ପଷ୍ଟ ଭାବରେ ଦର୍ଶାଉଛି ଯେ ଭାରତ କେବଳ ନିୟମିତ ଚା' ପାଇଁ ବଜାରରେ ନୁହେଁ, ବରଂ ବିଶ୍ୱବ୍ୟାପୀ ଦ୍ରୁତ ଗତିରେ ଲୋକପ୍ରିୟତା ହାସଲ କରୁଥିବା ପ୍ରିମିୟମ୍ "ମାଚା" ଚା' ପାଇଁ ବଜାରରେ ମଧ୍ୟ ନିଜକୁ ପ୍ରତିଷ୍ଠିତ କରିବାକୁ ପ୍ରସ୍ତୁତ ହେଉଛି। ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ରାଜ୍ୟକୁ ମିଳିଥିବା ଏହି ସଫଳତା ବିଷୟରେ ଜଣାଇଛନ୍ତି।
ପ୍ରଥମ ଥର ପାଇଁ ଆସାମରେ ଉତ୍ପାଦିତ ହୋଇଛି "ମାଚା" ଚା'
ଆସାମରେ ଉତ୍ପାଦିତ ହୋଇଥିବା ପ୍ରଥମ "ମାଚା" ଚା' ରାଜଧାନୀ ଗୌହାଟୀ ସ୍ଥିତ ଚା' ନିଲାମ କେନ୍ଦ୍ରରେ ନିଲାମ କରାଯାଇଥିଲା। ପ୍ରାୟ ୫ କିଲୋଗ୍ରାମ "ମାଚା" ଚା' ନିଲାମ ପାଇଁ ରଖାଯାଇଥିଲା। ଏହାର ମୂଲ୍ୟ କିଲୋଗ୍ରାମ ପିଛା ୩୦୦୦ ଟଙ୍କା ରଖା ଯାଇଥିଲା। ଏହି ଚା' ରାଜ୍ୟର ତିନସୁକିଆ ସ୍ଥିତ "ଛୋଟା ତିଙ୍ଗରାଇ ଟି ଇଷ୍ଟେଟ" ଠାରେ ଉତ୍ପାଦନ କରାଯାଇଥିଲା। ଏହା ସହିତ, ଆସାମ ଦେଶର ପ୍ରଥମ ରାଜ୍ୟ ହୋଇଛି ଯେଉଁଠାରେ ବଡ଼ ପରିମାଣରେ "ମାଚା" ଚା ଉତ୍ପାଦନ ଆରମ୍ଭ ହୋଇଛି।
ଏନେଇ କ'ଣ କହିଲେ ଆସାମ ମୁଖ୍ୟମନ୍ତ୍ରୀ?
ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ଏହି ସଫଳତାରେ ଖୁସି ପ୍ରକାଶ କରିଛନ୍ତି। ସେ କହିଛନ୍ତି ଯେ ଏବେ ଆସାମରେ ମଧ୍ୟ ଲୋକପ୍ରିୟ "ମାଚା" ଚା' ଉତ୍ପାଦନ ହେବ। ସେ କହିଛନ୍ତି ଯେ ଏହା ବିଶ୍ୱବ୍ୟାପୀ ଆସାମୀ ଚା' ମାନ୍ୟତାକୁ ଆହୁରି ମଜବୁତ କରିବ। ସେ ଏହା ମଧ୍ୟ କହିଛନ୍ତି ଯେ ଭାରତ ଏବଂ ଜାପାନ ମଧ୍ୟରେ ଭଲ ସମ୍ପର୍କ ଏବଂ ଦୁଇ ଦେଶ ମଧ୍ୟରେ ସହଯୋଗ ଯୋଗୁଁ ଏହି ନୂତନ ପଦକ୍ଷେପ ସମ୍ଭବ ହୋଇପାରିଛି।
Your favourite Matcha brew, will now be produced in Assam.
— Himanta Biswa Sarma (@himantabiswa) July 3, 2026
Furthering our glorious tea legacy, Assam becomes the first State in India to commercially produce Matcha tea at the Chota Tingrai Tea Estate in Tinsukia.
This diversification to the viral drink will help strengthen… pic.twitter.com/Yyfigliorw
ଏହା ସହ ପଢନ୍ତୁ: ଦେଶ ନୁହେଁ ବିଦେଶରେ ମଧ୍ୟ ଲୋକପ୍ରିୟା ଆସାମ ଚା'; କେଉଁ ପର୍ଯ୍ୟନ୍ତ ଲମ୍ବିଛି କାରବାର?
"ମାଚା" ଚା' କ'ଣ?
"ମାଚା" ଚାଟ ଏକ ବିଶେଷ ପ୍ରକାରର ସବୁଜ ଚା'। ଏହା ବିଶେଷ ଉପାୟରେ ଚାଷ ହୋଇଥିବା ଚା' ପତ୍ରକୁ ଭଲ ଭାବରେ ପେସି ତିଆରି କରାଯାଏ। ନିୟମିତ ବ୍ୟବହାର ହେଉଥିବା ସବୁଜ ଚା' ରେ, ପତ୍ରକୁ ପାଣିରେ ଫୁଟାଇବା ପରେ ଅଲଗା କରାଯାଏ। ହେଲେ "ମାଚା" ଚା'ରେ ସମ୍ପୂର୍ଣ୍ଣ ପାଉଡର, ପାଣି ସହିତ ମିଶାଇ ପିଆଯାଏ। ଏହି କାରଣରୁ ଏଥିରେ ଅଧିକ ପରିମାଣରେ ଆଣ୍ଟିଅକ୍ସିଡାଣ୍ଟ, ଆମିନୋ ଏସିଡ୍ ଏବଂ ପ୍ରାକୃତିକ କ୍ୟାଫିନ୍ ରହିଥାଏ।
ଭାରତ ପାଇଁ କାହିଁକି ଏହା ବଡ଼ ଖବର?
ଗୌହାଟି ଚା' ନିଲାମ କ୍ରେତା ସଂଘର ସଚିବ ଦିନେଶ ବିହାନି କହିଛନ୍ତି ଯେ ଭାରତର ପ୍ରଥମ "ମାଚା" ଚା' ନିଲାମ, ଚା' ଶିଳ୍ପ ପାଇଁ ଏକ ପ୍ରମୁଖ ସଫଳତା। ଏହା ଦେଶକୁ ପ୍ରିମିୟମ୍ ଚା' ବଜାରରେ ଏକ ନୂତନ ପରିଚୟ ଦେବ। ଏହା ଚା ରପ୍ତାନୀ ବୃଦ୍ଧି, ବଜାରରୁ ଏହାର ଭଲ ମୂଲ୍ୟ ପାଇବା ଏବଂ ନୂତନ ଦେଶରେ ପ୍ରବେଶ ପାଇଁ ମଧ୍ୟ ପଥ ଖୋଲିବ।
ସରକାର ମଧ୍ୟ ଦେଉଛନ୍ତି ପୂର୍ଣ୍ଣ ସମର୍ଥନ
ଆସାମ ସରକାର ଗୁଣାତ୍ମକ ଏବଂ ସ୍ୱତନ୍ତ୍ର ଚା' ଉତ୍ପାଦନ ବୃଦ୍ଧି ପାଇଁ ଏକ ସ୍ୱତନ୍ତ୍ର ଯୋଜନା ଚଲାଉଛି। ଏହି ଯୋଜନା ଅଧିନରେ ଚଳିତ ବର୍ଷ ପ୍ରାୟ ୪୮୬ ଚା' ବଗିଚାକୁ ୯୪.୭୦ କୋଟି ଟଙ୍କାର ଆର୍ଥିକ ସହାୟତା ପ୍ରଦାନ କରିଛନ୍ତି। ସରକାର ବିଶ୍ୱାସ କରନ୍ତି ଯେ ଏହି ସହାୟତା "ମାଚା" ଚା ଭଳି ସ୍ୱତନ୍ତ୍ର ଚା' ଉତ୍ପାଦନ ବୃଦ୍ଧି କରିବ ଏବଂ ଚା' ବାଣିଜ୍ୟକୁ ଏକ ନୂତନ ଗତି ଦେବ।
📱 Get Argus News App
✨📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
Related Topics
Explore more stories
Assam Matcha tea productionIndia first commercial Matcha teaChota Tingrai Tea Estate TinsukiaAssam Matcha tea price per kgHimanta Biswa Sarma tea tweetGuwahati Tea Auction Centre MatchaIndia Japan specialty tea collaborationPremium green tea price in IndiaAssam tea industry latest innovationIndian manufactured Matcha tea buy online