Rinku Pinky Hotel Death / ୨୬ବର୍ଷର ଯୁବକ, ୪୬ବର୍ଷୀୟ ମହିଳା, ହୋଟେଲରେ ୯ଦିନ...ମିଳିଲା ଶବ

ଲକ୍ଷ୍ନୌ: ରୁମ୍ ନମ୍ବର ୨୦୧ । ଝୁଲନ୍ତା ଅବସ୍ଥାରେ ମିଳିଲା ପ୍ରେମୀ ଯୁଗଳଙ୍କ ଶବ । ୨୬ ବର୍ଷର ଯୁବକକୁ ୪୬ବର୍ଷୀୟ ମହିଳା । ସେପ୍ଟେମ୍ବର ୨୨ ତାରିଖରେ ହୋଟେଲକୁ ଯାଇଥିଲେ । ଠିକ୍ ୯ଦିନ ପରେ ଉଭୟଙ୍କ ମୃତଦେହ ମିଳିଛି । ସେମାନେ ଘରୋଇ ଚାକିରି କରୁଥିବା କହି ରୁମ୍ ବୁକ୍ କରିଥିଲେ । ଗୁରୁବାର ପ୍ରାୟ ସକାଳ ୮ଟା ପରେ ରୁମରୁ ଆଉ ପୂର୍ବପରି ଚା', ଖାଦ୍ୟ ପାନୀୟର ଅର୍ଡର ଆସିନଥିଲା । ଆଉ ଏବେ ଉଭୟଙ୍କ ମୃତଦେହ ମିଳିଛି । ନିଜଠୁ ପ୍ରାୟ ଅଧାବର୍ଷର ଯୁବକଙ୍କ ସହ ମହିଳାଙ୍କ ସମ୍ପର୍କ କଣ ଥିଲା ତାକୁ ନେଇ ଚର୍ଚ୍ଚା ହେଉଛି ।

• ସନ୍ଦେହ କରିଥିଲେ ହୋଟେଲ କର୍ମଚାରୀ

ଗୁରୁବାର ସକାଳୁ ରୁମ୍ ନମ୍ବର ୨୦୧ରୁ କୌଣସି ଅର୍ଡର ନଆସିବା ପରେ ସନ୍ଧ୍ୟା ୭.୩୦ଟାରେ ହୋଟେଲ କର୍ମଚାରୀ ସେହି ରୁମ୍‌କୁ କଲ୍ କରିଥିଲେ, ମାତ୍ର କୌଣସି ଉତ୍ତର ମିଳିନଥିଲା । ଏହାପରେ କର୍ମଚାରୀମାନେ ଅନେକ ଥର କବାଟ ବାଡେଇଥିଲେ । ଏହାପରେ ବି ଭିତରୁ କିଛି ଜବାବ ଆସିନଥିଲା । ଯେତେବେଳେ କବାଟ ଭଙ୍ଗାଯାଇଥିଲା, ସେତେବେଳେ ଉଭୟଙ୍କ ମୃତଦେହ ଝୁଲନ୍ତା ଅବସ୍ଥାରେ ମିଳିଥିଲା । ଏହାପରେ ହୋଟେଲ କର୍ମଚାରୀ ପ୍ରାୟ ୮ଟା ୩୦ରେ ପୋଲିସକୁ ଖବର ଦେଇଥିଲେ ।

• ମିଳିଲା ମହିଳା ଓ ଯୁବକଙ୍କ ପରିଚୟ

ଖବର ପାଇବା ପରେ କୋତବାଲି ପୋଲିସ ଘଟଣାସ୍ଥଳରେ ପହଞ୍ଚିଥିଲା । ହୋଟେଲ କର୍ମଚାରୀଙ୍କୁ ପୋଲିସ ଉଭୟଙ୍କ ପରିଚୟ ମଧ୍ୟ ଜଣାଇଥିଲା । ଶ୍ରାବସ୍ତୀ ଜିଲ୍ଲାର ଅଧିବାସୀ ରିଙ୍କୁ (୨୬) ଗୌତମବୁଦ୍ଧନଗର ଅଧିବାସୀ ପିଙ୍କି (୪୬)ଙ୍କ ସହ ଆସିଥିଲା । ଉଭୟ ଘରୋଇ ଚାକିରି କରିବାକୁ ଆସିଥିବା କହି ବହରାଇଚରେ ହୋଟେଲ ନେଇଥିଲେ । ଉଭୟଙ୍କ ବୟସରେ ଅନ୍ତର ଦେଖି ହୋଟେଲ କର୍ମଚାରୀମାନେ ଅଧିକ ପଚରାଉଚରା କରିନଥିଲେ । ହୋଟେଲ କର୍ମଚାରୀଙ୍କ କହିବାନୁସାରେ, ଉଭୟ ପ୍ରତିଦିନ ସକାଳେ, ଅପରାହ୍ନ ଓ ସନ୍ଧ୍ୟାରେ ଚା' ସହିତ ଖାଦ୍ୟ ଅର୍ଡର କରୁଥିଲେ । କିନ୍ତୁ ଗୁରୁବାର କୌଣସି ଅର୍ଡର ନଆସିବା ପରେ ହୋଟେଲ କର୍ମଚାରୀଙ୍କ ମନରେ ସନ୍ଦେହ ଆସିଥିଲା ।

ପଢନ୍ତୁ ଏହି ଖବର: ପ୍ରେମାନନ୍ଦ ମହାରାଜଙ୍କ ଶିଷ୍ୟ ମୃତ୍ୟୁ ଘଟଣା; ନୂଆ CCTV ଭିଡିଓ କହିଦେଲା ସତ

• ମୃତ୍ୟୁର କାରଣ କଣ ?

ପୋଲିସର କହିବା ମୁତାବକ ଉଭୟ କାହିଁକି ଫାଶୀ ଲଗାଇ ଆତ୍ମହତ୍ୟା କଲେ ସେ ନେଇ କୌଣସି ପ୍ରମାଣ ମିଳିନାହିଁ । ପୋଲିସ ଉଭୟଙ୍କ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏସପି ବିଶ୍ଵଜିତ ଶ୍ରୀବାସ୍ତବ କହିଛନ୍ତି ଯେ ମାମଲାର ତଦନ୍ତ ଜାରି ରହିଛି । ବ୍ଯବଚ୍ଛେଦ ରିପୋର୍ଟ ଓ ମାମଲାର ପୁଙ୍ଖାନୁପୁଙ୍ଖ ତଦନ୍ତ ପରେ ହିଁ ଆତ୍ମହତ୍ୟାର ଅସଲ କାରଣ ଜଣାପଡ଼ିବ ।

• ବିବାହିତ ଥିଲେ ମହିଳା

ପୋଲିସ ତଦନ୍ତରୁ ଜାଣିବାକୁ ପାଇଛି ଯେ ମହିଳା ଜଣକ ବିବାହିତ ଥିଲେ । ରିଙ୍କୁଙ୍କ ସହିତ ତାଙ୍କର ପ୍ରେମ ସମ୍ପର୍କ ସୋସିଆଲ ମିଡିଆରୁ ଆରମ୍ଭ ହୋଇଥିଲା । ଏହାପରେ ଉଭୟ ସେପ୍ଟେମ୍ବର ୨୨ ତାରିଖରେ ହୋଟେଲରେ ରହିଥିଲେ । ପୋଲିସ ଉଭୟଙ୍କ ସମ୍ପର୍କ, ହୋଟେଲରେ ରହିବାର କାରଣ ଓ ମୃତ୍ୟୁ ସହ ଜଡ଼ିତ ଅନ୍ୟାନ୍ୟ ଦିଗ ଉପରେ ତଦନ୍ତ କରୁଛି ।