Girl Child Missing / ବାହାରେ ଛୁଆ ଖେଳୁଥିଲେ ସାବଧାନ ! ୨ବର୍ଷର ଶିଶୁ ଗାଏବ, କାଖେଇ ନେଇଗଲେ ମହିଳା

ପାଟନା: ଅନେକ ସମୟରେ ଅଭିଭାବକମାନେ ଘରେ କାମ କରୁଥିବାବେଳେ ଦାଣ୍ଡରେ ଛୁଆ ଖେଳୁଥାଏ । ହେଲେ ଏଠି ଘର ବାହାରୁ ହିଁ ଗାଏବ ହୋଇଯାଇଛି ୨ ବର୍ଷର ଶିଶୁ । ପିଲାଟି ବାହାରୁ ହଠାତ୍ ଗାଏବ ହୋଇଗଲା ପରେ ପରିବାର ଲୋକେ ଖୋଜାଖୋଜି କରୁଥିଲେ । ମାତ୍ର ମିଳିନଥିଲା ପିଲା । ଏଣେତେଣେ, ପଡୋଶୀଙ୍କୁ ପଚରାଉଚରା ମଧ୍ୟ କରୁଥିଲେ । ଯେତେବେଳେ ଘଟଣା ଥାନାରେ ପହଞ୍ଚିଥିଲା, ସେତେବେଳେ ସିସିଟିଭିରେ ଜଣାପଡ଼ିଥିଲା ପ୍ରକୃତ ସତ । ଜଣେ ମହିଳା ଛୁଆକୁ ଧରି ଚାଲିଯାଉଥିବା ଜଣାପଡ଼ିଥିଲା ।

ସିସିଟିଭି ଯାଞ୍ଚ ହେବାପରେ ମହିଳା ଜଣକ ଗାଁର ଅମରୁଲ ଖାନଙ୍କ ଝିଅ ସାବିନା ଓରଫ ସୁମି ଖାତୁନ ବୋଲି ଜଣାପଡ଼ିଛି । ଏହାପରେ ପୋଲିସ ସାବିନାଙ୍କ ସହିତ ତାଙ୍କ ମାଆ ଓ ଭାଇକୁ ହେପାଜତକୁ ନେଇଛି । ୩ ଜଣଙ୍କୁ ପଚରାଉଚରା କରାଯାଉଛି । ସାବିନା ଛୁଆଟିକୁ କୁଆଡେ ନେଇଯାଇଥିଲା ଓ ଏହାପଛର ପ୍ରକୃତ ଘଟଣା ତାହା ତଦନ୍ତ କରୁଛି ।

• କଣ ପୂରା ଘଟଣା ?

ଛୁଆଟିର ଜେଜେମାଆଙ୍କ କହିବାନୁସାରେ, ସେ ନାତୁଣୀକୁ ଅଙ୍ଗନୱାଡି କେନ୍ଦ୍ରରୁ ଆଣି ଘରେ ପହଞ୍ଚିଥିଲେ । ଏହି ସମୟରେ ସାବିନା ଓରଫ ସୁମି ତାଙ୍କ ନିକଟକୁ ଆସିଥିଲେ । ବୃଦ୍ଧା ଜଣକୁ ସାବିନା କହିଥିଲେ ଯେ କୁନିଝିଅଟିର ମାଆ ତାକୁ ଡାକୁଛି । ଠିକ୍ ଏହି ସମୟରେ ବୃଦ୍ଧା ଜଣକ ବାଥରୁମ୍ ଯାଇଥିବାବେଳେ ଠିକ୍ ଏହି ସମୟରେ ସାବିନା କୁନିଝିଅଟିକୁ ନେଇ ଚାଲିଯାଇଥିଲା । ଏହାପରେ ସିସିଟିଭିରେ ଦେଖାଯାଉଛି ଯେ ସାବିନା କିଛି ସମୟ ପରେ ଏକାକୀ ଫେରୁଛି । ଯେତେବେଳେ ବୃଦ୍ଧା ଜଣକ ତାକୁ କୁନିଝିଅ ବିଷୟରେ ପଚାରିଥିଲେ, ସେତେବେଳେ ସେ ପିଲାଟିକୁ ଦୋକାନକୁ ନେଇଥିଲା ଓ ପରେ ତାକୁ ଘର ଦୁଆରମୁହଁରେ ଛାଡ଼ିଦେଇଥିବା କହିଥିଲା । ମାତ୍ର ପିଲାଟି ନ ମିଳିବା ପରେ ଘରଲୋକେ ଚିନ୍ତାରେ ପଡ଼ିଥିଲେ ।

• ସାବିନାକୁ ପୋଲିସର ପଚରାଉଚରା

ଯେତେବେଳେ ଥାନାରେ ଖବର ପହଞ୍ଚିଥିଲା, ସେତେବେଳେ ପୋଲିସ ସାବିନାକୁ ପଚରାଉଚରା କରିଥିଲା । ପିଲାଟି ସମ୍ପର୍କରେ ପଚାରିବା ବେଳେ ସାବିନା ଭୟଭୀତ ହୋଇଯାଇଥିଲା ଓ ପିଲାଟି ଭିନ୍ନ ଭିନ୍ନ ସ୍ଥାନରେ ଥିବା କହିଥିଲା । ଏହାପରେ ପୋଲିସ ସେଠାରେ ପହଞ୍ଚିଥିଲା, ହେଲେ ପିଲାଟି ମିଳିନଥିଲା । ପିଲାଟି ଗାଏବ ହୋଇଯାଇଥିବା ଖବର ମିଳିବା ପରେ ସ୍ଥାନୀୟ ଅଞ୍ଚଳରେ ଅଚାନକ ଲୋକଙ୍କ ଭିଡ଼ ଜମିଥିଲା । କୁନିଝିଅକୁ ତୁରନ୍ତ ଖୋଜିବା ଲାଗି ଗାଁଲୋକେ ପୋଲିସ ନିକଟରେ ଦାବି କରିଛନ୍ତି ।

ପଢନ୍ତୁ ଏହି ଖବର: ଏଟିଏମ ମେସିନ୍ ତାଡି ଲୁଟିନେଲେ ଟଙ୍କା; ଚୋରଙ୍କୁ ରହିଲାନି ସିସିଟିଭି ଭୟ

• କଣ କହିଲା ପୋଲିସ ?

ମଝୋଲିଆ ପୋଲିସର କହିବାନୁସାରେ, ଘଟଣାରେ ମାମଲା ରୁଜୁ ହୋଇଛି । ପୋଲିସ ଅନେକ ଦିଗରୁ ଘଟଣାର ଯାଞ୍ଚ କରୁଛି ଓ ପିଲାଟିକୁ ତୁରନ୍ତ ଠାବ କରିବା ଲାଗି ଛାନଭିନ କରୁଛି । ପୋଲିସ ହେପାଜତକୁ ନେଇଥିବା ସାବିନା ଓ ତାର ପରିବାରକୁ ପଚରାଉଚରା କରୁଛି । ଏହାସହିତ ସିସିଟିଭି ଫୁଟେଜର ମଧ୍ୟ ଯାଞ୍ଚ କରାଯାଉଛି । ଏଯାବତ ପିଲାଟି କୁଆଡେ ଗଲା, ସାବିନା ସହିତ ସେ କେଉଁ ଯାଏଁ ଯାଇଥିଲା ଓ ତା ସହିତ କଣ ଘଟିଛି ସେ ସମ୍ପର୍କରେ ଜଣାପଡ଼ିନାହିଁ ।