Argus News - ବିହାରରେ ବଡ଼ ଅଘଟଣ...ମନ୍ଦିରରେ ଦଳାଚକଟା, ୮ ଭକ୍ତ ମୃତ

ମଙ୍ଗଳବାର ସକାଳୁ ବିହାରରେ ବଡ଼ ଅଘଟଣ । ବିହାରର ନାଳନ୍ଦାର ଏକ ମନ୍ଦିରରେ ପୂଜା ଦଳାଚକଟା ହେବାରୁ ଆଠ ଜଣ ଭକ୍ତଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଅଧିକାଂଶ ମହିଳା ରହିଛନ୍ତି । ସେହିପରି ଦଳାଚକଟାରେ ଅନେକ ଭକ୍ତ ଆହତ ହୋଇଥିଲେ । ତେବେ ଆଗକୁ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ ବୋଲି ଅନୁମାନ କରାଯାଉଛି । ଦୀପନଗର ଥାନା ଅଞ୍ଚଳ ଅନ୍ତର୍ଗତ ମଘଡ଼ା ଗାଁରେ ଥିବା ଶୀତଳା ମନ୍ଦିରରେ ଘଟିଛି ।

ସୂଚନା ଅନୁସାରେ, ଅତ୍ୟଧିକ ଭିଡ଼ ଏବଂ ଅପର୍ଯ୍ୟାପ୍ତ ବ୍ୟବସ୍ଥା ଯୋଗୁଁ ଏହି ଘଟଣା ଘଟିଛି । ଏହି ଘଟଣା ପରେ ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି ।

ଅଧିକ ପଢ଼ନ୍ତୁ: ଛାତିଥରା ଦୁର୍ଘଟଣା : ରାସ୍ତାକଡ଼କୁ ଓଲଟିଲା ଟୁରିଷ୍ଟ ବସ୍, ୫ ମୃତ ୪୫ରୁ ଉର୍ଦ୍ଧ୍ଵ ଆହତ

ପ୍ରତି ମଙ୍ଗଳବାର ହଜାର ହଜାର ଭକ୍ତ ଆସିଥାନ୍ତି

ପ୍ରତି ମଙ୍ଗଳବାର ଶୀତଳା ମନ୍ଦିରକୁ ହଜାର ହଜାର ଭକ୍ତ ପୂଜା କରିବାକୁ ଆସିଥାନ୍ତି । ଏହି ମଙ୍ଗଳବାର ସୁରକ୍ଷା ବ୍ୟବସ୍ଥା ସମ୍ପୂର୍ଣ୍ଣ ଢିଲା ପରି ମନେ ହେଉଥିଲା । ଭକ୍ତଙ୍କ ଭିଡ଼ ଯୋଗୁଁ ଦଳାଚକଟା ହୋଇଥିଲା । ଘଟଣାର ସଠିକ୍ କାରଣ ଏପର୍ଯ୍ୟନ୍ତ ଜଣାପଡିନାହିଁ ।

ଚିକିତ୍ସା ପାଇଁ ସଦର ହସ୍ପିଟାଲକୁ ପଠାଯାଇଛି

ଏହି ଘଟଣାରେ ଆହତ ଭକ୍ତଙ୍କ ସଂଖ୍ୟା ପ୍ରାୟ ୧୦ ରୁ ୧୨ ହେବ ବୋଲି ଅନୁମାନ କରାଯାଉଛି। ଆହତମାନଙ୍କୁ ଚିକିତ୍ସା ପାଇଁ ସଦର ହସ୍ପିଟାଲକୁ ପଠାଯାଇଛି। ମନ୍ଦିର ପରିସରକୁ ସମ୍ପୂର୍ଣ୍ଣ ଖାଲି କରିଦିଆଯାଇଛି ।