ଫେବ୍ରୁଆରୀ ମାସ ଆରମ୍ଭ ହୋଇସାରିଛି ଏବଂ ଆଜି କେନ୍ଦ୍ରୀୟ ବଜେଟ୍ ଆସିବାକୁ ଯାଉଛି । ଏହା ପୂର୍ବରୁ ମୁଦ୍ରାସ୍ଫୀତି ଏକ ବଡ଼ ଝଟକା ଦେଇଛି । ତୈଳ ବିପଣନ କମ୍ପାନୀଗୁଡ଼ିକ ଏଲପିଜି ସିଲିଣ୍ଡରର ମୂଲ୍ୟ ବୃଦ୍ଧି କରିଛନ୍ତି । ଫେବୃଆରୀ ୧, ୨୦୨୬ ଠାରୁ ଦିଲ୍ଲୀ, ମୁମ୍ବାଇ, କୋଲକାତା ଏବଂ ଚେନ୍ନାଇ ଭଳି ପ୍ରମୁଖ ସହର ସମେତ ସାରା ଦେଶରେ ଏହା ମହଙ୍ଗା ହୋଇଯାଇଛି । ସୂଚନା ଅନୁସାରେ ଏହି ମୂଲ୍ୟ ବୃଦ୍ଧି ୧୯ କିଲୋଗ୍ରାମ ବାଣିଜ୍ୟିକ ଏଲପିଜି ସିଲିଣ୍ଡର ପାଇଁ ମଧ୍ୟ ପ୍ରଯୁଜ୍ୟ । ବଜେଟ୍ ଦିନ ସିଲିଣ୍ଡର ମୂଲ୍ୟ ୫୦ ଟଙ୍କା ବୃଦ୍ଧି ପାଇଛି । କିନ୍ତୁ ୧୪ କିଲୋଗ୍ରାମ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ଅପରିବର୍ତ୍ତିତ ରହିଛି ।

ଅଧିକ ପଢ଼ନ୍ତୁ: ଗ୍ରାହକଙ୍କ ପାଇଁ ଖୁସି ଖବର: ବଜେଟ୍ ପୂର୍ବରୁ ସୁନା, ରୁପା ମୂଲ୍ୟରେ ବଡ଼ ହ୍ରାସ; ଏବେ କିଣିବେ ନା ନାହିଁ ?

ପ୍ରତ୍ୟେକ ନୂତନ ମାସ ଅନେକ ଆର୍ଥିକ ପରିବର୍ତ୍ତନ ସହିତ ଆରମ୍ଭ ହୁଏ ଏବଂ ଫେବୃଆରୀ ମଧ୍ୟ ଅନେକ ବଡ଼ ପରିବର୍ତ୍ତନ ହୋଇଛି । ପ୍ରଥମ ପରିବର୍ତ୍ତନ ଜନସାଧାରଣଙ୍କ ପାଇଁ ଏକ ବଡ଼ ଝଟକା ଦେଇଛି । ତେବେ ଆସନ୍ତୁ ଜାଣିବା ଚାରୋଟି ପ୍ରମୁଖ ମହାନଗରରେ କେତେ ରହିଛି ଗ୍ୟାସ୍‌ ଦର...

ଦିଲ୍ଲୀ - ୧୭୪୦.୫୦ (୪୯ ଟଙ୍କା ବୃଦ୍ଧି)
କୋଲକତା - ୧୮୪୪.୫୦ (୪୯.୫୦ ଟଙ୍କା ବୃଦ୍ଧି)
ମୁମ୍ବାଇ - ୧୬୯୨ (୪୯.୫୦ ଟଙ୍କା ବୃଦ୍ଧି)
ଚେନ୍ନାଇ - ୧୮୯୯.୫୦ (୫୦ ଟଙ୍କା ବୃଦ୍ଧି)

ଲଗାତାର ଦ୍ୱିତୀୟ ମାସ ଧରି ଏଲପିଜି ସିଲିଣ୍ଡର ମୂଲ୍ୟ ବୃଦ୍ଧି ହୋଇଛି । ପୂର୍ବରୁ ଜାନୁଆରୀ ମଧ୍ୟ ତୈଳ ବିପଣନ କମ୍ପାନୀଗୁଡ଼ିକ ୧୧୧ ଟଙ୍କା ପର୍ଯ୍ୟନ୍ତ ମୂଲ୍ୟ ବୃଦ୍ଧି କରିଥିଲେ ।

ଅଧିକ ପଢ଼ନ୍ତୁ: ଜ୍ୟାକଲିନ୍‌ଙ୍କ ପାଇଁ RCB କିଣିବାକୁ ଚାହୁଁଛନ୍ତି ଠକ ସୁକେଶ, ଦେଲେ ୮୩୦୦ କୋଟିର ଅଫର୍‌

ଗତ କିଛି ମାସ ଧରି ୧୯ କିଲୋଗ୍ରାମ ବାଣିଜ୍ୟିକ ଗ୍ୟାସ ସିଲିଣ୍ଡରର ମୂଲ୍ୟ ନିରନ୍ତର ପରିବର୍ତ୍ତନ ହୋଇଛି । ଯେତେବେଳେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ୮ ଏପ୍ରିଲ ୨୦୨୫ରୁ ମୂଲ୍ୟ ଅପରିବର୍ତ୍ତତ ରହିଛି । ଅର୍ଥାତ୍ ଏହା ଦୀର୍ଘ ସମୟ ଧରି ଅପରିବର୍ତ୍ତିତ ରହିଛି । ଫେବୃଆରୀ ୧ରେ 14 କିଲୋଗ୍ରାମ ଏଲପିଜି ସିଲିଣ୍ଡରର ମୂଲ୍ୟ ଦିଲ୍ଲୀରେ ୮୫୩ ଟଙ୍କା, କୋଲକାତାରେ ୮୭୯ ଟଙ୍କା, ମୁମ୍ବାଇରେ ୮୫୨ ଟଙ୍କା ଏବଂ ଚେନ୍ନାଇରେ ୮୬୮ ଟଙ୍କା ରହିଛି ।