CJP Protest Ends / ଆଲୋଚନା ଶେଷ; ଜନ୍ତରମନ୍ତରରୁ ଆନ୍ଦୋଳନରୁ ଓହରିଲା CJP

ନୂଆଦିଲ୍ଲୀ: ସରକାରଙ୍କ ସହ କକ୍ରୋଚ୍ ଜନତା ପାର୍ଟି (CJP)ର ତୃତୀୟ ପର୍ଯ୍ୟାୟ ଆଲୋଚନା ଶେଷ । ଜନ୍ତରମନ୍ତରରୁ ଆନ୍ଦୋଳନ ହେଲା ପ୍ରତ୍ୟାହାର । କେନ୍ଦ୍ର ସରକାର ଓ CJP ପ୍ରତିନିଧିଙ୍କ ମଧ୍ୟରେ ତୃତୀୟ ପର୍ଯ୍ୟାୟ ଆଲୋଚନା ପରେ ଏହି ବଡ଼ ନିଷ୍ପତ୍ତି ନେଇଛି ସିଜେପି । ସରକାର ଦ୍ବିତୀୟ ଦାବି ମଧ୍ୟ ମାନି ନେଇଥିବା ସିଜେପି ଦାବି କରିଛି ।

• ସରକାର-ସିଜେପି ଆଲୋଚନା ଶେଷ

ପ୍ରଦର୍ଶନକାରୀଙ୍କ ବିରୋଧରେ ହେବନାହିଁ କାର୍ଯ୍ୟାନୁଷ୍ଠାନ । ଏହାସହ ରୁଜୁ ହୋଇଥିବା ମାମଲା ମଧ୍ୟ ପ୍ରତ୍ୟାହାର କରିନେବେ ସରକାର । କେନ୍ଦ୍ର ଶିକ୍ଷାମନ୍ତ୍ରୀଙ୍କ ଇସ୍ତଫା ପରେ CJP ଦାବିର ଅପଡେଟେଡ୍ ଲିଷ୍ଟ ଏକ୍ସ ପୋଷ୍ଟ ଜରିଆରେ ଜାରି କରିଥିଲା । ଅନ୍ୟ ପ୍ରମୁଖ ଦାବି ପୂରଣ ନ ହେବା ଯାଏଁ ଆନ୍ଦୋଳନ ଜାରି ରହିବ ବୋଲି CJP ପକ୍ଷରୁ କୁହାଯାଇଥିଲା । ଆତ୍ମହତ୍ୟା କରିଥିବା ଛାତ୍ରଙ୍କ ପରିବାରକୁ ୧ କୋଟିର କ୍ଷତିପୂରଣ, ଆନ୍ଦୋଳନରତ ଛାତ୍ରଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନନେବାକୁ ଦାବି କରିଥିଲା ସିଜେପି । ଏହାସହ RAF ଏବଂ ଦିଲ୍ଲୀ ପୋଲିସ ପକ୍ଷରୁ ସାର୍ବଜନୀନ କ୍ଷମାପ୍ରାର୍ଥନା ଦାବି କରିଥିଲା CJP ।

CJP spokesperson Ashutosh Ranka says,

“All our demands have been accepted. We request the protestors to peacefully withraw the protest with immediate effect.” pic.twitter.com/yXEVLj3UAd

— Cockroach Janta Party (@CJP_for_India) July 25, 2026

• ସାମ୍ବାଦିକ ସମ୍ମିଳନୀରେ ବଡ଼ ଘୋଷଣା

ଅପରାହ୍ନରେ ଏକ ମିଳିତ ସାମ୍ବାଦିକ ସମ୍ମିଳନୀରେ କେନ୍ଦ୍ର ମନ୍ତ୍ରୀ ଜେପି ନଡ୍ଡା ଏବଂ ଜିତେନ୍ଦ୍ର ସିଂହଙ୍କ ସହ ସିଜେପି ମୁଖପାତ୍ର ସୌରଭ ଦାସ ଏବଂ ଆଶୁତୋଷ ରାଙ୍କା ସାମ୍ବାଦିକମାନଙ୍କୁ କହିଥିଲେ ଯେ ସିଜେପି "ସଦ୍ଭାବନା" ସହିତ ଧାରଣା ଶେଷ କରିବା ନେଇ ଘୋଷଣା କରୁଛି । କେନ୍ଦ୍ର ସରକାର ସିଜେପିର ଦାବିଗୁଡ଼ିକ ମାନି ନେଇଥିବା ମଧ୍ୟ ସେ କହିଛନ୍ତି ।

ସେ ଆହୁରି କହିଛନ୍ତି ଯେ ଏକ ଦାବି ପୂରଣ ହୋଇସାରିଥିବା ବେଳେ, ସରକାର ସେମାନଙ୍କୁ ପ୍ରତିଶ୍ରୁତି ଦେଇଛନ୍ତି ଯେ ଛାତ୍ରମାନଙ୍କ ବିରୁଦ୍ଧରେ ରୁଜୁ ହୋଇଥିବା ପୋଲିସ ମାମଲା ପ୍ରତ୍ୟାହାର କରାଯିବ । ଏହାସହିତ ଭବିଷ୍ୟତରେ ସେମାନଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ନିଆଯିବ ନାହିଁ ଏବଂ NEET ପେପର ଲିକ୍ ଘଟଣାରେ ଆତ୍ମହତ୍ୟା କରିଥିବା ଛାତ୍ରଛାତ୍ରୀଙ୍କ ପରିବାରକୁ ନିୟମ ଅନୁସାରେ ସର୍ବାଧିକ କ୍ଷତିପୂରଣ ଦିଆଯିବ।

ପଢନ୍ତୁ ଏହି ଖବର: ଛାତ୍ରଛାତ୍ରୀଙ୍କ ଉଜ୍ଜ୍ୱଳ ଭବିଷ୍ୟତର ରୂପକାର; କେନ୍ଦ୍ର ଶିକ୍ଷାମନ୍ତ୍ରୀ ଭାବେ ଧର୍ମେନ୍ଦ୍ର ପ୍ରଧାନଙ୍କ ଉଲ୍ଲେଖନୀୟ ଅବଦାନ

ସିଜେପି ମୁଖପାତ୍ର ସୌରଭ ଦାସ କହିଛନ୍ତି, "ସରକାର ଆମର ଦାବି ଗ୍ରହଣ କରିଥିବାରୁ ଆମେ ସମସ୍ତ ପ୍ରତିବାଦକାରୀଙ୍କୁ ଘରକୁ ଫେରିଯିବାକୁ ଅନୁରୋଧ କରୁଛୁ ।" ସେହିପରି ଆଶୁତୋଷ ରାଙ୍କା ଆହୁରି କହିଛନ୍ତି, "୩୬ ଦିନର ପ୍ରତିବାଦ ପରେ ସରକାର ଆମର ସମସ୍ତ ଦାବି ଗ୍ରହଣ କରିଛନ୍ତି । ଆମେ ସମସ୍ତଙ୍କୁ ଶାନ୍ତିପୂର୍ଣ୍ଣ ଭାବରେ ପ୍ରତିବାଦ ସ୍ଥଳରୁ ଓହରି ଯିବାକୁ ଅନୁରୋଧ କରୁଛୁ ।"