ସିମଲା: ମାଆ-ଝିଅ ସମ୍ପର୍କର ଏକ ପ୍ରେମଭରା ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଭିଡିଓରେ ଜଣେ ଝିଅ ୪ବର୍ଷ ପରେ ବିଦେଶରୁ ଫେରୁଛି । ଆଉ ନିଜ ମାଆକୁ ଦେଇଛି ବଡ଼ ଉପହାର । ଯାହାକୁ ଦେଖିଲା ପରେ ମହିଳା ଜଣକ ନିଜର ଲୁହକୁ ରୋକି ପାରିନାହାନ୍ତି । ତାଙ୍କ ଆଖିରେ ଦିଶିଛି ଗର୍ବର ଲୁହ । ଝିଅ ନିଜ କଷ୍ଟ ଅର୍ଜିତ ଧନରେ ମାଆ ପାଇଁ କିଣି ଆଣିଛି ସୁନା ଅଳଙ୍କାର । ଏହି ଭିଡିଓ ପ୍ରତିଟି ମାଆର ହୃଦୟକୁ ଛୁଇଁଛି ।

ଏହି ଭିଡିଓ ହିମାଚଳ ପ୍ରଦେଶର କଣ୍ଟେଣ୍ଟ କ୍ରିଏଟର ବଂଶିକା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏହି ଭିଡିଓକୁ ସେୟାର କରିଛନ୍ତି । ସେ ଏବେ ଜର୍ମାନୀରେ ରହୁଛନ୍ତି, ଯେଉଁଠିକୁ ସେ ନିଜର ସ୍ଵପ୍ନ ପୂରଣ କରିବା ଲାଗି ୪ବର୍ଷ ପୂର୍ବେ ଘରୁ ପାଦ କାଢିଥିଲେ । ସେତେବେଳେ ସାତ ଦରିଆ ପାରି ହୋଇ ଯାଉଥିବା ଝିଅକୁ ପରିବାର ଅଟକାଇନଥିଲେ, ବରଂ ତାଙ୍କୁ ସାହାସ ଦେଇଥିଲେ । ଆଜି ଯେତେବେଳେ ଝିଅ ନିଜର ସ୍ଵପ୍ନ ପୂରଣ କରି ସଫଳତା ହାସଲ କରିଛି ସେତେବେଳେ ପରିବାର ବେଶ ଖୁସିବ୍ୟକ୍ତ କରିଛନ୍ତି ।

• ମାଆ ପାଇଁ ଆଣିଲେ ସୁନାର ଗହଣା

ଭିଡିଓରେ ବଂଶିକା ତାଙ୍କ ମାଆଙ୍କ ସାମ୍ନାରେ ଠିଆ ହୋଇଥିବା ଦେଖିବାକୁ ମିଳୁଛି । ଏହାପରେ ବଂଶିକା ପ୍ରଥମେ ତାଙ୍କ ପଛରେ ଲୁଚି ରହିଥିବା ଏକ ଅଳଙ୍କାର ବାକ୍ସ ବାହାର କରନ୍ତି । ବାକ୍ସ ଖୋଲିବା ପରେ, ତାଙ୍କ ମାଆ କିଛି ସମୟ ପାଇଁ ଚମକି ପଡ଼ନ୍ତି, ଭିତରେ ଥିବା ସୁନା ହାର ଦେଖି ଆଶ୍ଚର୍ଯ୍ୟ ହୋଇଯାଆନ୍ତି । ଏହି ସମୟରେ, ବଂଶିକା ଆଉ ଏକ ଅଳଙ୍କାର ବାକ୍ସ ବାହାର କରନ୍ତି । ସେଥିରେ ଆଉ ଏକ ସୁନା ଅଳଙ୍କାର ସେଟ୍ ଅଛି । ଏହା ଦେଖି ତାଙ୍କ ମାଆ ଭାବପ୍ରବଣ ହୋଇ କାନ୍ଦି ପକାନ୍ତି ।

View this post on Instagram

A post shared by Vanshika (@vansshhiiikaa)

• 'ଚାରି ବର୍ଷ ପୂର୍ବେ ମୁଁ ଏହି ସ୍ୱପ୍ନ ଦେଖିଥିଲି'

ଭିଡିଓ ସହିତ, ବଂଶିକା ଲେଖିଛନ୍ତି ଯେ ସେ ଚାରି ବର୍ଷ ପୂର୍ବେ ତାଙ୍କର ସ୍ୱପ୍ନ ପୂରଣ କରିବା ପାଇଁ ଜର୍ମାନୀ ଯାଇଥିଲେ । ସେ ନିଷ୍ପତ୍ତି ନେଇଥିଲେ ଯେ ତାଙ୍କ ରୋଜଗାରରୁ ସେ ପ୍ରଥମ ବିଶେଷ ଉପହାର ତାଙ୍କ ମାଆଙ୍କ ପାଇଁ କିଣିବେ। ସେ ଲେଖିଛନ୍ତି ଯେ ତାଙ୍କ ମାଆଙ୍କ ସମସ୍ତ ତ୍ୟାଗ ଏବଂ ସଂଘର୍ଷ ପାଇଁ ଏହା ଏକ ଛୋଟ ଉପହାର । ବଂଶିକାଙ୍କ ଅନୁସାରେ, ତାଙ୍କ ମାଆ ଦୁନିଆର ସମସ୍ତ ଖୁସି ପାଇବାକୁ ଯୋଗ୍ୟ ଏବଂ ସେ ତାଙ୍କ ଜୀବନର ବାକି ସମୟ ପାଇଁ ତାଙ୍କୁ "ରାଣୀ" ପରି ରଖିବାକୁ ଚାହାଁନ୍ତି।

ପଢନ୍ତୁ ଏହି ଖବର: ପୁଣି ହଠାତ୍ ଶସ୍ତା ହେଲା ମୂଲ୍ୟବାନ ଧାତୁ, ରୁପା ୧.୯୮ ଲକ୍ଷ ଶସ୍ତା, ସୁନା ଏତିକି...

• ସୋସିଆଲ ମିଡିଆରେ ଭିଡିଓ ଭାଇରାଲ

ସେହି ସମୟରେ, ଅନେକ ଲୋକ ଲେଖିଛନ୍ତି ଯେ ପ୍ରତ୍ୟେକ ଝିଅର ସ୍ୱପ୍ନ ଯେ ସେ ଦିନେ ତାଙ୍କ କଠିନ ପରିଶ୍ରମର ଟଙ୍କାରୁ ତାଙ୍କ ମାଆଙ୍କୁ ଏକ ଉପହାର ଦେବେ, ଯାହାକୁ ସେ ସର୍ବଦା ମନେ ରଖିବେ । ଏହି ଭିଡିଓଟି କେବଳ ଏକ ମହଙ୍ଗା ଉପହାର ନୁହେଁ, ବରଂ ଜଣେ ନିଜ ମାଆଙ୍କ ପ୍ରତି ଅନୁଭବ କରୁଥିବା ପ୍ରେମ, ସମ୍ମାନ ଏବଂ କୃତଜ୍ଞତା ବିଷୟ । ସେଥିପାଇଁ ଏହା ଲକ୍ଷ ଲକ୍ଷ ଲୋକଙ୍କ ହୃଦୟକୁ ସ୍ପର୍ଶ କରୁଛି ।