ଅର୍ଗସ ବ୍ୟୁରୋ : ଦିଲ୍ଲୀ ଅବାକରୀ ନୀତି ଦୁର୍ନୀତି ମାମଲାରେ ବଢ଼ିପାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଅଡୁଆ । ହାଜର ନହେବାରୁ ତୃତୀୟ ସମନ ଜାରି କଲା ଇଡି । ଏନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ପୁଣି ଥରେ କେଜ୍ରିୱାଲଙ୍କୁ ସମନ ପଠାଇବା ସହ ଜାନୁଆରି ୩ରେ ହାଜର ହେବାକୁ କହିଛି । ଏହାପୂର୍ବରୁ ଡିସେମ୍ବର ୧୮ରେ ଇଡି କେଜ୍ରିୱାଲଙ୍କୁ ଦ୍ବିତୀୟ ସମନ ପଠାଇ ଡିସେମ୍ବର ୨୧ରେ ପଚରାଉଚରା ପାଇଁ ହାଜର ହେବାକୁ କହିଥିଲା । 

ଅଧିକ ପଢନ୍ତୁ ଭାରତ ଖବର

ହେଲେ ସେ ଅଧିକାରୀଙ୍କ ନିକଟରେ ହାଜର ନହେବାକୁ ସ୍ଥିର କରି ୧୦ ଦିନିଆ ବିପାସନା ଧ୍ୟାନ ଶିବିରକୁ ଯାଇଥିଲେ । ଦ୍ବିତୀୟ ସମନ ପାଇ ହାଜର ନହେବା ପରେ ଇଡି ପୁଣି ତୃତୀୟ ସମନ ଜାରି କରିଛି । ନଭେମ୍ବର ୨ରେ କେଜ୍ରିୱାଲଙ୍କୁ ପ୍ରଥମ ସମନ ପଠାଇଥିଲା ଇଡି । ଏହି ମାମଲାରେ ଆପ୍‌ ନେତା ତଥା ପୂର୍ବତନ ଉପମୁଖ୍ୟମନ୍ତ୍ରୀ ମନିଷ ସିସୋଦିଆ ଓ ସାଂସଦ ସଂଜୟ ସିଂହ ଜେଲ୍‌ରେ ଅଛନ୍ତି ।