Argus News - ଇଦରେ ଖାମେନେଇଙ୍କ ପାଇଁ ନମାଜ ପାଠ; ଶୋକବ୍ୟକ୍ତ କଲେ ଭାରତୀୟ ମୁସଲିମ

ଆଜି ପୁରା ଦେଶରେ ଇଦର ମାହୋଲ । ଉତ୍ତର ପ୍ରଦେଶର ଅନେକ ସହର ମଧ୍ୟରେ ବି ଧୁମଧାମରେ ମୁସଲିମ ଧର୍ମାବଲମ୍ବୀ ଇଦ୍ ପାଳୁଛନ୍ତି । କିନ୍ତୁ ବରେଲିର ନବାବଗଞ୍ଜରୁ ଆସିଛି ଏକ ଭିନ୍ନ ଚିତ୍ର । ଏଠାକାର ଅଧିବାସୀମାନେ ଇଦ୍-ଉଲ୍-ଫିତରର ଉତ୍ସବକୁ ଦୁଃଖରେ ପାଳିଛନ୍ତି । ମଧ୍ୟପ୍ରାଚ୍ୟ ଯୁଦ୍ଧରେ ନିକଟରେ ଇରାନର ସର୍ବୋଚ୍ଚ ନେତା ଖାମେନେଇଙ୍କ ମୃତ୍ୟୁ ଘଟିଥିଲା । ଏଥିଲାଗି ବରେଲିର ଏହି ଅଞ୍ଚଳରେ ପାରମ୍ପରିକ ଯୁଦ୍ଧ ବଦଳରେ ଶୋକ ପାଳୁଥିବା କହିଛନ୍ତି ସ୍ଥାନୀୟ ବାସୀ ।

ବରେଲିର ନବାବଗଞ୍ଜର କସବେରେ ଏଥର ଇଦ୍-ଉଲ-ଫିତରରେ ନମାଜ ପାଠ କରିବା ପରେ ଯେତେବେଳେ ଲୋକେ ପରସ୍ପରକୁ ଆଲିଙ୍ଗନ କରନ୍ତି, କିନ୍ତୁ ଏଥର ସେପରି କିଛି ଘଟିନଥିଲା । ଲୋକମାନେ ନୂଆ କପଡ଼ା ମଧ୍ୟ ପିନ୍ଧିନଥିଲେ । ହାତରେ କଳା ଫିତା ବାନ୍ଧି ଖାମେନେଇଙ୍କ ଲାଗି ଶୋକବ୍ୟକ୍ତ କରିଥିଲେ ।

• ଖାମେନେଇଙ୍କ ମୃତ୍ୟୁ ପାଇଁ ଶୋକରେ ବରେଲି

ଏଥର ଇଦରେ ସ୍ଥାନୀୟ ଅଧିବାସୀ ଜୌହର ଅବ୍ବାସ କହିଛନ୍ତି ଯେ ଇରାନର ସୁପ୍ରିମ ଆୟାତୁଲ୍ଲାହ ଖାମେନେଇ ଶିୟା ସମ୍ପ୍ରଦାୟର ଜଣେ ବଡ଼ ଧର୍ମଗୁରୁ ଥିଲେ ଓ ତାଙ୍କ ମୃତ୍ୟୁରେ ସମ୍ପ୍ରଦାୟକୁ ଝଟକା ଲାଗିଛି । ଏଥିଲାଗି ଏଠାକାର ଲୋକେ ଏଥର ଇଦ ନ ପାଳିବାକୁ ନିଷ୍ପତ୍ତି ନେଇଥିଲେ । ଇଦ ଅବସରରେ ଶାନ୍ତିପୂର୍ଣ୍ଣ ଭାବରେ ନମାଜ ପାଠ ହୋଇଥିଲା, କିନ୍ତୁ କସବେରେ ଖୁସିର ମାହୋଲ ପରିବର୍ତ୍ତେ ଏକ ଦୁଃଖର ଲହରୀ ଦେଖିବାକୁ ମିଳିଥିଲା ।

ଅନ୍ୟପଟେ ଉତ୍ତରପ୍ରଦେଶର ଗୋରଖପୁରରେ ଇଦ ଉତ୍ସବ ଧୁମଧାମରେ ପାଳନ କରାଯାଇଥିଲା । ମୁସଲମାନ ଧର୍ମାବଲମ୍ବୀମାନେ ମସଜିଦରେ ଇଦ ପାଇଁ ନମାଜ ପଢିଥିଲେ ଓ ଦେଶର ଶାନ୍ତି ଲାଗି ପ୍ରାର୍ଥନା କରିଥିଲେ । କୁନି କୁନି ପିଲାଙ୍କ ମଧ୍ୟରେ ଉତ୍ସବର ମାହୋଲ ଦେଖିବାକୁ ମିଳିଥିଲା ।

• କେମିତି ହେଲା ଖାମେନେଇଙ୍କ ମୃତ୍ୟୁ ? 

ଇସ୍ରାଏଲ୍ ଏବଂ ଆମେରିକାର ମିଳିତ ଗୁଇନ୍ଦା ଅପରେସନରେ ଇରାନର ସର୍ବୋଚ୍ଚ ନେତା ଆୟାତୁଲ୍ଲାହ ଅଲ୍ଲୀ ଖାମେନେଇଙ୍କ ମୃତ୍ୟୁ ହୋଇଥିଲା । ତେହେରାନରେ ତାଙ୍କର ସୁରକ୍ଷିତ ବାସଭବନ 'ବୀତ୍ ଏ ରହବାରୀ' ଉପରେ କରାଯାଇଥିବା ଭୟଙ୍କର ମିସାଇଲ୍ ଆକ୍ରମଣରେ ତାଙ୍କର ମୃତ୍ୟୁ ଘଟିଥିଲା । ଏହି ଆକ୍ରମଣରେ ତାଙ୍କ ପରିବାରର ସଦସ୍ୟ ଏବଂ ଅନ୍ୟ ବରିଷ୍ଠ ଅଧିକାରୀଙ୍କର ମଧ୍ୟ ମୃତ୍ୟୁ ହୋଇଥିଲା ।

ଅଧିକ ଖବର ପଢନ୍ତୁ...