UIDAI free service for Aadhaar Card Update: ଏବେ ପ୍ରାୟ ପ୍ରତ୍ୟେକ ସରକାରୀ ଏବଂ ବେସରକାରୀ ସେବା ପାଇଁ ଆଧାର କାର୍ଡ଼ ଏକ ଅତ୍ୟାବଶ୍ୟକ ଦସ୍ତାବିଜ ହୋଇଗଲାଣି। ଆଧାର ସମ୍ବନ୍ଧୀୟ ସଦ୍ୟତମ ସୂଚନା ରଖିବା ଏବେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇପଡ଼ିଛି। ଏବେ ଭାରତୀୟ ବିଶିଷ୍ଟ ପରିଚୟ ପ୍ରାଧିକରଣ (UIDAI) ଆଧାର ଧାରକଙ୍କୁ ଏକ ଗୁରୁତ୍ୱପୂର୍ଣ୍ଣ ଆଶ୍ୱସ୍ତି ପ୍ରଦାନ କରିଛି। UIDAI ଘୋଷଣା କରିଛି ଯେ ଆଧାରରେ ଇମେଲ୍ ଆଇଡି ଅପଡେଟ୍ କରିବା ପ୍ରକ୍ରିୟା ଚଳିତ ବର୍ଷ ଜୁଲାଇ ପହିଲାରୁ ୩୧ ଡିସେମ୍ବର ପର୍ଯ୍ୟନ୍ତ ସମ୍ପୂର୍ଣ୍ଣ ମାଗଣା ହେବ। ବର୍ତ୍ତମାନ, ଏହି ସେବା ପାଇଁ ୭୫ ଟଙ୍କା ଦେବାକୁ ପଡୁଛି।

୬ ମାସ ପାଇଁ କୌଣସି ଶୁଳ୍କ ଆଦାୟ କରାଯାଏ ନାହିଁ
UIDAI ଅନୁଯାୟୀ, ବର୍ତ୍ତମାନ, ଆଧାରରେ ଇମେଲ୍ ଆଇଡି ଅପଡେଟ୍ କରିବା ପାଇଁ ଜିଏସଟି (GST) ସମେତ ୭୫ ଟଙ୍କା ଶୁଳ୍କ ଆଦାୟ କରାଯାଉଛି। ହେଲେ ତଥାପି ୨୦୨୬ ଜୁଲାଇ ପହିାଲାରୁ ୩୧ ଡିସେମ୍ବର ୨୦୨୬ ପର୍ଯ୍ୟନ୍ତ, ଆଧାର ମୋବାଇଲ୍ ଆପ୍ ମାଧ୍ୟମରେ ଇମେଲ୍ ଆଇଡି ଅପଡେଟ୍ କରିବା ପାଇଁ କୌଣସି ଶୁଳ୍କ ଦେବାକୁ ପଡ଼ିବ ନାହିଁ। ଏହାର ଅର୍ଥ ଏହି ସମୟ ମଧ୍ୟରେ ଏହି ସେବା ସମ୍ପୂର୍ଣ୍ଣ ମାଗଣା ହେବ। ତଥାପି, ଏହି ଛାଡ଼ କେବଳ ଆଧାର ମୋବାଇଲ୍ ଆପ୍ ମାଧ୍ୟମରେ କରାଯାଇଥିବା ଇମେଲ୍ ଅପଡେଟ୍ ପାଇଁ ପ୍ରଯୁଜ୍ୟ ହେବ। ଅନ୍ୟ ମାଧ୍ୟମରେ କରାଯାଇଥିବା ଅପଡେଟ୍ ପାଇଁ ଶୁଳ୍କ ଲାଗୁ ହୋଇପାରେ।

ଆପଣଙ୍କ ଇମେଲ୍ ଆଇଡ଼ିକୁ ଆଧାର ସହିତ ଲିଙ୍କ୍ କାହିଁକି ଗୁରୁତ୍ୱପୂର୍ଣ୍ଣ?
ଆପଣ ଆପଣଙ୍କର ଇମେଲ୍ ଆଇଡ଼ିକୁ ଆଧାର ସହିତ ଲିଙ୍କ୍ କରିବା ଦ୍ୱାରା ଅନେକ ସୁବିଧା ମିଳିଥାଏ।
ସବୁଠାରୁ ବଡ଼ ସୁବିଧା ହେଉଛି ଯେ ଆପଣ ଆଧାର ସମ୍ବନ୍ଧୀୟ ଗୁରୁତ୍ୱପୂର୍ଣ୍ଣ ସୂଚନା ଏବଂ ଅପଡେଟ୍ ସିଧାସଳଖ ଆପଣଙ୍କ ଇମେଲ୍ ମାଧ୍ୟମରେ ପାଇଥାନ୍ତି।
ଏହା ବ୍ୟତୀତ, ଯଦି ଆଧାରର ଅପବ୍ୟବହାର କରାଯାଏ କିମ୍ବା କୌଣସି ସନ୍ଦେହଜନକ କାର୍ଯ୍ୟକଳାପ ଘଟେ, ତାହେଲେ ଆପଣଙ୍କୁ ଉଚିତ ସମୟରେ ଏହାର ଖବର ମିଳିଯାଏ।
ଆପଣଙ୍କ ଇମେଲ୍ ଆଇଡ଼ିକୁ, ଆଧାର ସହ ଲିଙ୍କ୍ କରିବା ଦ୍ୱାରା ଆପଣଙ୍କର ଆଧାର ନମ୍ବର, ପଞ୍ଜୀକରଣ ଆଇଡି କିମ୍ବା ଅନ୍ୟାନ୍ୟ ସୂଚନା ପାଇବା ମଧ୍ୟ ସହଜ ହୋଇଯାଏ।
ଏହା ବ୍ୟତୀତ, ଆପଣ ଆଧାର ଯାଞ୍ଚ ସମ୍ବନ୍ଧୀୟ ତୁରନ୍ତ ଆଲର୍ଟ ମଧ୍ୟ ପାଇଥାନ୍ତି।

ଏହା ସହ ପଢନ୍ତୁ: ଆଧାର କାର୍ଡ ମାମଲାରେ କେନ୍ଦ୍ର-ରାଜ୍ୟ ଏବଂ ନିର୍ବାଚନ ଆୟୋଗଙ୍କୁ ନୋଟିସ ଜାରି

UIDAI ଦ୍ୱାରା ଏହି ପଦକ୍ଷେପ ଆଧାର ଧାରକଙ୍କ ପାଇଁ ବହୁତ ଲାଭଦାୟକ ପ୍ରମାଣିତ ହୋଇପାରେ। ଯଦି ଆପଣଙ୍କର ଇମେଲ୍ ଆଇଡ଼ି ଏପର୍ଯ୍ୟନ୍ତ ଆଧାର ସହିତ ଲିଙ୍କ୍ ହୋଇନାହିଁ କିମ୍ବା ଆପଣଙ୍କୁ ଆପଣଙ୍କ ପୁରୁଣା ଇମେଲ୍ ଆଇଡ଼ି ପରିବର୍ତ୍ତନ କରିବାକୁ ଚାହିଁଛନ୍ତି, ତାହେଲେ ଆପଣ ଜୁଲାଇ ପହିଲାରୁ ଏହି ମାଗଣା ସେବାର ଲାଭ ଉଠାଇପାରିବେ। ଏହା ଆପଣଙ୍କର ଆଧାର କାର୍ଡ ତଥ୍ୟକୁ ଅଧିକ ସୁରକ୍ଷିତ ରଖିବ।

ଆପଣ ଆପଣଙ୍କର ଇମେଲ୍ ଆଇଡ଼ି କିପରି କରିବେ ଯାଞ୍ଚ?
ଯଦି ଆପଣଙ୍କର ଇମେଲ୍ ଆଇଡ଼ି ପୂର୍ବରୁ ଆଧାର ସହିତ ଲିଙ୍କ୍ ହୋଇଛି, ତାହେଲେ ଆପଣ UIDAI Website ପରିଦର୍ଶନ କରି ଏହାକୁ Online ଯାଞ୍ଚ କରିପାରିବେ।
ଏହା କରିବା ପାଇଁ, Website ରେ "My Aadhaar" Tab କୁ ଯାନ୍ତୁ।
ଏଠାରେ "Verify Email/Mobile Number" ଉପରେ କ୍ଲିକ୍ କରନ୍ତୁ।
"Verify Email Address" ଚୟନ କରନ୍ତୁ। ଆପଣଙ୍କର ଆଧାର ନମ୍ବର Email ID, Captcha Code ପ୍ରବେଶ କରନ୍ତୁ ଏବଂ Submit Button ଉପରେ Click କରନ୍ତୁ।
ଆପଣ ଆପଣଙ୍କ Email ID ରେ ଏକ OTP ପାଇବେ। OTP ପ୍ରବେଶ କରନ୍ତୁ ଏବଂ Submit ଉପରେ Click କରନ୍ତୁ।
ଏହା କରିବା ପରେ, ଆପଣ ଆପଣଙ୍କର Aadhar Link ହୋଇଥିବା Email ID ରେ Aadhaar Authentication Successful ବୋଲି ଏକ Confirmation Mail ପାଇବେ।