School Closed / ଅଗଷ୍ଟ ୧୨ ତାରିଖ ଯାଏଁ ସବୁ ସ୍କୁଲ ବନ୍ଦ; କେମିତି ପଢିବେ ଏଠାକାର ପିଲା

ସାରା ଦେଶରେ ଆରମ୍ଭ ହୋଇଛି ଶ୍ରାବଣ ମାସ । ଏହି ମାସରେ କାଉଡ଼ିଆମାନେ ପ୍ରଭୁ ଶିବଙ୍କ ଆରାଧନା କରନ୍ତି ଏବଂ ବିଭିନ୍ନ ଶୈବପୀଠରେ ଜଳାଭିଷେକ କରନ୍ତି । ତେବେ କାଉଡ଼ିଆ ଯାତ୍ରା ପାଇଁ ଉତ୍ତର ପ୍ରଦେଶର ଗାଜିଆବାଦରେ ଅଗଷ୍ଟ ୧୨ ତାରିଖ ଯାଏଁ ସବୁ ସ୍କୁଲ ବନ୍ଦ ଘୋଷଣା ହୋଇଛି । ୧୦ ଦିନ ଯାଏଁ ଛୁଟି ଘୋଷଣା ପରେ ପିଲାଙ୍କ ପାଠପଢାକୁ ନେଇ ଚିନ୍ତା ଦେଖାଦେଇଛି । ଯେଉଁ ଛାତ୍ରଛାତ୍ରୀଙ୍କ ନିକଟରେ ମୋବାଇଲ ନାହିଁ, ସେମାନେ ଅଧିକ ଅସୁବିଧାର ସମ୍ମୁଖୀନ ହେଉଛନ୍ତି ।

• ନାହିଁ ଫୋନ, ନାହାନ୍ତି ଶିକ୍ଷକ

କାଉଡିଆ ଯାତ୍ରା ପାଇଁ ସ୍କୁଲ ବନ୍ଦ କରିବା ପରେ ଗାଜିଆବାଦରେ ଅନେକ ଅଭିଭାବକ ମଧ୍ୟ ଚିନ୍ତାପ୍ରକଟ କରିଛନ୍ତି । ମକନପୁରର ନବମ ଶ୍ରେଣୀର ଛାତ୍ରୀ ରୁକସାନା ଏହି ପିଲାଙ୍କ ମଧ୍ଯରେ ସାମିଲ । ଘରେ କେବଳ ଗୋଟିଏ ଫୋନ, ଯାହାକୁ ତାଙ୍କ ମାଆ କାମକୁ ସାଥୀରେ ନିଅନ୍ତି । ରୁକସାନାଙ୍କ କହିବାନୁସାରେ ଅଗଷ୍ଟ ୩ ତାରିଖଠାରୁ ସ୍କୁଲ ବନ୍ଦ ଅଛି । ସ୍କୁଲ ଗ୍ରୁପ୍ ହ୍ଵାଟ୍ସଆପ୍‌ରେ ମେସେଜ୍ ଦେଖିବା ଲାଗି ସେ ମାଆଙ୍କ ଆସିବା ସମୟକୁ ଅପେକ୍ଷା କରୁଛନ୍ତି ।

• ଅଗଷ୍ଟ ୧୨ ଯାଏଁ ସ୍କୁଲ ବନ୍ଦ

ଗାଜିଆବାଦ ଜିଲ୍ଲା ବିଦ୍ୟାଳୟ ନିରୀକ୍ଷକ ଜିଲ୍ଲାର ସମସ୍ତ ସ୍କୁଲକୁ ଅଗଷ୍ଟ ୧୨ ତାରିଖ ଯାଏଁ ବନ୍ଦ ଘୋଷଣା କରିଛନ୍ତି । ଏହି ବନ୍ଦ ଘୋଷଣା କରିବାର କାରଣ ସମ୍ପର୍କରେ ଜିଲ୍ଲା ବିଦ୍ୟାଳୟ ନିରୀକ୍ଷକ କହିଛନ୍ତି ଯେ ଭିନ୍ନ ଭିନ୍ନ ରାସ୍ତାରେ ବଡ଼ ସଂଖ୍ୟାରେ କାଉଡ଼ିଆମାନେ ଆସୁଛନ୍ତି । ଏଥିଲାଗି ଛାତ୍ରଛାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି ।

ପଢନ୍ତୁ ଏହି ଖବର: ଅତି ପ୍ରବଳ ବର୍ଷା ସମ୍ଭାବନା; ରେଡ୍ ଆଲର୍ଟ ପରେ ସମସ୍ତ ସ୍କୁଲ ଛୁଟି ଘୋଷଣା

ସ୍କୁଲ ବନ୍ଦ ହେବା ପରେ ଅନଲାଇନ କ୍ଲାସ୍ ଆରମ୍ଭ ହୋଇଛି । ନଚେତ୍ ହ୍ଵାଟ୍ସଆପ୍ ଗ୍ରୁପ୍ ଜରିଆରେ ପାଠପଢା ସମ୍ବନ୍ଧୀୟ ମେସେଜ୍ କରୁଛନ୍ତି ଶିକ୍ଷକ ଶିକ୍ଷୟିତ୍ରୀ । ମାତ୍ର ଅନେକ ପିଲାଙ୍କ ପାଖରେ ସ୍ମାର୍ଟଫୋନ ନାହିଁ । କିଛି ପିଲାଙ୍କ ନିକଟରେ ନିଜର ଫୋନ ନାହିଁ ଅର୍ଥାତ ସେମାନେ ଅଭିଭାବକଙ୍କ ଫୋନରେ ସ୍କୁଲ ଗ୍ରୁପ ହ୍ଵାଟ୍ସଆପ୍ ରହିଛି । ଏଥିଲାଗି ସେମାନଙ୍କୁ ଅଭିଭାବକ ଘରକୁ ଫେରିବା ଯାଏଁ ଅପେକ୍ଷା କରିବାକୁ ପଡୁଛି । ଆଉ ଏକ ବଡ଼ ସମସ୍ୟା ହେଉଛି କିଛି ପିଲାଙ୍କ ନିକଟରେ ଏପରି କେହି ବ୍ୟକ୍ତି ନାହାନ୍ତି ଯେ ଯେଉଁମାନେ ତାଙ୍କୁ ଅବୁଝା ଥିବା ପାଠକୁ ବୁଝାଇପାରିବେ । ତେବେ ଏହାକୁ ନେଇ ଗାଜିଆବାଦରେ କିଛି ଅଭିଭାବକ ଅସନ୍ତୋଷ ପ୍ରକାଶ କରିଛନ୍ତି ।