3 Free LPG Cylinders / LPG ଗ୍ରାହକଙ୍କ ପାଇଁ ଖୁସି ଖବର, ବର୍ଷକୁ ମାଗଣାରେ ମିଳିବ ୩ଟି ସିଲିଣ୍ଡର...ଆଜିଠୁ ଆବେଦନ ଆରମ୍ଭ

LPG ସିଲିଣ୍ଡରକୁ ନେଇ ଆସିଛି ବଡ଼ ଖବର । ରୋଷେଇ ଗ୍ୟାସ୍‌ର ବଢ଼ୁଥିବା ଖର୍ଚ୍ଚ ମଧ୍ୟରେ ଲୋକଙ୍କୁ ବଡ଼ ଆରାମ ଦେବାକୁ ଗୋଆ ସରକାର ଘୋଷଣା କରିଛନ୍ତି ଏକ ବିଶେଷ ଯୋଜନା । ଏହି ଯୋଜନା ଅନୁସାରେ ଯୋଗ୍ୟ ହିତାଧିକାରୀଙ୍କୁ ପ୍ରତିବର୍ଷ ୩ଟି LPG ସିଲିଣ୍ଡର ପାଇଁ ମିଳିବ ଆର୍ଥିକ ସହାୟତା । ଆଉ ସବୁଠାରୁ ବଡ଼ କଥା—ପ୍ରାୟ ୩,୦୦୦ ଟଙ୍କା ସିଧାସଳଖ ଲାଭାର୍ଥୀଙ୍କ ବ୍ୟାଙ୍କ ଖାତାକୁ ପଠାଯିବ ବୋଲି ସରକାର କହିଛି । ତେବେ କିଏ ପାଇବେ ଏହି ସୁବିଧା? ଆବେଦନ କେଉଁଠାରେ କରିବେ? କେଉଁ କେଉଁ ଡକ୍ୟୁମେଣ୍ଟ ଦରକାର ? ଆସନ୍ତୁ ଜାଣିବା...

ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତ ଏହି ଯୋଜନା ସମ୍ପର୍କରେ ଘୋଷଣା କରିଛନ୍ତି । ଯୋଜନାର ଲାଭ ପାଇବା ପାଇଁ ଲାଭାର୍ଥୀଙ୍କୁ ଆବେଦନ ଫର୍ମ ଭରିବାକୁ ପଡ଼ିବ । ସୂଚନା ଅନୁସାରେ, ୫ ସେପ୍ଟେମ୍ବରରୁ ପଞ୍ଚାୟତ ଏବଂ ବିଧାୟକଙ୍କ କାର୍ଯ୍ୟାଳୟରେ ଆବେଦନ ଫର୍ମ ଉପଲବ୍ଧ ହେବ । ଏହାପରେ ୯ ସେପ୍ଟେମ୍ବରରୁ ଯୋଗ୍ୟ ଲୋକଙ୍କ ଖାତାକୁ ୩,୦୦୦ ଟଙ୍କା ପଠାଇବା ପ୍ରକ୍ରିୟା ଆରମ୍ଭ ହେବ ବୋଲି କୁହାଯାଇଛି ।

ଅଧିକ ପଢ଼ନ୍ତୁ: ମାନସିକ ବିକାର ମହିଳାଙ୍କୁ ଦୁଷ୍କର୍ମରୁ ବଞ୍ଚାଇଲା ବୁଲା କୁକୁର; ମଦ୍ୟପ ଯୁବକଙ୍କୁ କଲା ନାକେଦମ

ଏହି ଯୋଜନା ନୂଆ ନୁହେଁ । ୨୦୨୨ ମସିହାର ଗୋଆ ବିଧାନସଭା ନିର୍ବାଚନ ସମୟରେ ପ୍ରତିବର୍ଷ ୩ଟି LPG ସିଲିଣ୍ଡର ମାଗଣା ଦେବାର ପ୍ରତିଶ୍ରୁତି ଦିଆଯାଇଥିଲା । ଏବେ ସେହି ପ୍ରତିଶ୍ରୁତିକୁ ଯୋଜନା ଆକାରରେ ଲାଗୁ କରାଯାଉଛି ବୋଲି ସରକାର ପକ୍ଷରୁ କୁହାଯାଇଛି ।

ତେବେ ଏହି ଯୋଜନାର ଲାଭ ସମସ୍ତ LPG ଗ୍ରାହକଙ୍କୁ ମିଳିବ ନାହିଁ । କେବଳ ଗୋଆର ସ୍ଥାନୀୟ ବାସିନ୍ଦାମାନେ ଏହାର ଲାଭ ପାଇବାକୁ ଯୋଗ୍ୟ ହେବେ। ଅନ୍ୟ ରାଜ୍ୟରୁ ଆସି ଗୋଆରେ ରହୁଥିବା ଲୋକମାନେ ଏହି ସୁବିଧା ପାଇବେ ନାହିଁ ବୋଲି ମୁଖ୍ୟମନ୍ତ୍ରୀ ସ୍ପଷ୍ଟ କରିଥିବା ଦାବି କରାଯାଉଛି ।

ଆବେଦନ କରିବା ସମୟରେ ବ୍ୟାଙ୍କ ଆକାଉଣ୍ଟର ବିବରଣୀ, ଆଧାର କାର୍ଡ ଏବଂ Voter IDର କପି ଭଳି ଡକ୍ୟୁମେଣ୍ଟ ଦରକାର ହେବ । ବିଶେଷ କଥା ହେଉଛି, ଏହି ଯୋଜନାରେ Voter IDକୁ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଭାବେ ଦେଖାଯାଉଛି, କାରଣ ଏହା ମାଧ୍ୟମରେ ଆବେଦନକାରୀ ଗୋଆର ସ୍ଥାନୀୟ ବାସିନ୍ଦା କି ନୁହେଁ, ତାହା ଯାଞ୍ଚ କରାଯାଇପାରିବ ।

ବର୍ତ୍ତମାନ LPG ଯୋଗାଣକୁ ନେଇ ଦେଶରେ ଚର୍ଚ୍ଚା ଚାଲିଥିବା ସମୟରେ ଗୋଆ ସରକାରଙ୍କ ଏହି ଘୋଷଣାକୁ ଗୁରୁତ୍ୱପୂର୍ଣ୍ଣ ମନାଯାଉଛି। ଗୋଟିଏ ପଟେ LPG ବ୍ୟବହାର ଜାରି ରହିଥିବାବେଳେ, ଅନ୍ୟପଟେ ସରକାର PNG ଭଳି ବିକଳ୍ପ ଇନ୍ଧନ ଉପରେ ମଧ୍ୟ ଗୁରୁତ୍ୱ ଦେଉଛନ୍ତି।