80th Independence Day 2026 / ଦେଶର ୧୮ ରାଜ୍ୟରେ ଉଡ଼ିବ ଗ୍ୱାଲିୟର ନିର୍ମିତ ତ୍ରିରଙ୍ଗା

Independence Day Tiranga Flag: ଚଳିତ ବର୍ଷ ଦେଶରେ ପାଳିତ ହେବାକୁ ଯାଉଛି ୮୦ ତମ ସ୍ୱାଧିନତା ଦିବସ। ଏହି ଅବସରରେ କୋଣ ଅନୁକୋଣରେ ଫର ଫର ହୋଇ ଉଡି଼ବ ତ୍ରିରଙ୍ଗା। ହେଲେ ସ୍ୱାଧିନତା ଦିବସ ଅବସରରେ ଯେଉଁ ତ୍ରିରଙ୍ଗା ଉଡ଼ିବାକୁ ଯାଉଛି ତାହାର ମଧ୍ୟ ପ୍ରଦେଶ ଗ୍ୱାଲିୟର ସହ ଏକ ବିଶେଷ ସମ୍ପର୍କ। ତ୍ରିରଙ୍ଗା ପ୍ରସ୍ତୁତ କରିବାରେ ଏଠାକାର ଖଦୀ କାରିଗରଙ୍କ ରହିଛି ବହୁତ ବଡ଼ ଅବଦାନ। ଲାଲକିଲ୍ଲା ଠାରୁ ନେଇ ଦେଶର ୧୮ ରାଜ୍ୟ ଏବଂ ସେନା ଘାଟି ପର୍ଯ୍ୟନ୍ତ, ଗ୍ୱାଲିୟର ନିର୍ମିତ ତ୍ରିରଙ୍ଗା ପ୍ରଦର୍ଶିତ ହେବ। ସରକାରୀ ନିୟମ ଅନୁଯାୟୀ, ଦେଶର କେବଳ ଦୁଇଟି ସ୍ଥାନରେ ଜାତୀୟ ପତାକା ନିର୍ମାଣ ପାଇଁ ଅନୁମତି ଦିଆଯାଇଛି। ଯାହା ମଧ୍ୟରୁ ଗ୍ୱାଲିୟରର ଭାରତ ଖଦି ସଂଘ ହେଉଛି ଉତ୍ତର ଭାରତରେ ଏକମାତ୍ର ସ୍ଥାନ। ଚଳିତ ବର୍ଷ, ପ୍ରାୟ ୧୯୬ ଜଣ କାରିଗର ଦିନରାତି ପତାକା ତିଆରି କରିବାରେ ଲାଗିଛନ୍ତି। ଯହାକୁ ବିଭିନ୍ନ ସ୍ତରରେ ୨୦-୨୫ ଥର କଠୋର ଯାଞ୍ଚ ପରେ ପଠାଯାଏ।

କର୍ଣ୍ଣାଟକ ପରେ ଗ୍ୱାଲିୟର ହେଉଛି ଏକମାତ୍ର ପ୍ରାଧିକରଣ କେନ୍ଦ୍ର
ଏଠାରେ ଉଲ୍ଲେଖ ଯୋଗ୍ୟ ଯେ ସ୍ୱାଧିନତା ଦିବସ ଏବଂ ସାଧାରଣତନ୍ତ୍ର ଦିବସରେ ଉଡ଼ାଯାଇଥିବା ସରକାରୀ ତ୍ରିରଙ୍ଗା ମଧ୍ୟରୁ ଅଧିକାଂଶ ଗ୍ୱାଲିୟରରେ ଉତ୍ପାଦିତ ହୋଇଥାଏ। ଦେଶର କେବଳ ଦୁଇଟି ସଙ୍ଗଠନକୁ ISI ଚିହ୍ନିତ ଖଦି ନିର୍ମିତ ତ୍ରିରଙ୍ଗା ପ୍ରସ୍ତୁତ କରିବାର ଅଧିକାର ରହିଛି। ଏହା ମଧ୍ୟରୁ ଗୋଟିଏ କର୍ଣ୍ଣାଟକର ହୁବଲି ଏବଂ ଅନ୍ୟଟି ମଧ୍ୟପ୍ରଦେଶର ଗ୍ୱାଲିୟର। ଏଠାରେ ନିର୍ମିତ ହେଉଥିବା ପତାକା ମଧ୍ୟ ପ୍ରଦେଶ ସମେତ ଉତ୍ତର ପ୍ରଦେଶ, ଦିଲ୍ଲୀ, ବିହାର, ରାଜସ୍ଥାନ, ଛତିଶଗଡ଼, ଗୁଜରାଟ, ଦକ୍ଷିଣ ଭାରତକୁ ରପ୍ତାନୀ କରାଯାଏ।

୧୯୨୫ ମସିହାରେ ଏକ ଅରଟ ସହ ଆରମ୍ଭ ହୋଇଥିଲା ଯାତ୍ରା
ତ୍ରିରଙ୍ଗା ନିର୍ମାଣ କରୁଥିବା ଏହି ଗ୍ୱାଲିୟର-ଭିତ୍ତିକ ସଙ୍ଗଠନର ଏକ ଲମ୍ବା ଇତିହାସ ଅଛି। ଏହା ୧୯୨୫ ମସିହାରେ "ଚରଖା ସଂଘ" ଭାବରେ ଆରମ୍ଭ ହୋଇଥିଲା। ପୂର୍ବରୁ ବର୍ଷକୁ କେବଳ ୧୦ ହଜାରରୁ ୧୨,୦୦୦ ପତାକା ଉତ୍ପାଦନ ହେଉଥିଲା। ହେଲେ ବର୍ତ୍ତମାନ ଚାହିଦା ଏତେ ବୃଦ୍ଧି ପାଇଛି ଯେ ବାର୍ଷିକ ୨୦ ହଜାରରୁ ୩୦,୦୦୦ ପତାକା ଉତ୍ପାଦିତ ହେଉଛି। ଚଳିତ ବର୍ଷ ସଙ୍ଗଠନ ପ୍ରାୟ ୭୦ ଲକ୍ଷ ଟଙ୍କାରୁ ଅଧିକ ମୂଲ୍ୟର ପତାକା ଯୋଗାଇଛି। ଯାହା ଗତ ବର୍ଷ ତୁଳନାରେ ୨୫ ପ୍ରତିଶତ ବୃଦ୍ଧି ପାଇଛି।

ଏହା ସହ ପଢନ୍ତୁ: ପ୍ରଥମ ଥର ପାଇଁ ଲାଲକିଲ୍ଲା ପ୍ରାଚୀରରୁ ବାଜିବ 'ବନ୍ଦେ ମାତରମ୍'

ହାତ-ସୂତାରୁ ସିଲେଇ ପର୍ଯ୍ୟନ୍ତ ଯାତ୍ରା
ଗ୍ୱାଲିୟରରେ ତ୍ରିରଙ୍ଗା ଉତ୍ପାଦନ କରିବାକୁ ୫-୬ ଦିନ ସମୟ ଲାଗେ। ସୂତା ପ୍ରସ୍ତୁତି ଠାରୁ ଆରମ୍ଭ କରି ବୁଣାବୁଣି, ରଙ୍ଗ କରିବା ଏବଂ ସିଲେଇ କରିବା ପର୍ଯ୍ୟନ୍ତ, କାରିଗର ହାତରେ ସମସ୍ତ କାମ କରିଥାନ୍ତି। କପଡ଼ା ପ୍ରସ୍ତୁତ ହେବା ପରେ, ଏହାର ତିନୋଟି ରଙ୍ଗ, ସିଲେଇ ଶକ୍ତି ଏବଂ ସଠିକ୍ ମାପ ପାଇଁ ଏହାକୁ ସତର୍କତାର ସହ ଯାଞ୍ଚ କରାଯାଏ। ବିଭିନ୍ନ ଧରଣର ପ୍ରାୟ ୨୦ ରୁ ୨୫ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ଯାଇ ଏଥିରେ ISI ମୋହର ଲଗାଯାଏ।

ଛୋଟ କାର ପତାକା ଠାରୁ ବଡ଼ ତ୍ରିରଙ୍ଗା ପର୍ଯ୍ୟନ୍ତ
ଏଠାରେ ୯-୧୦ ପ୍ରକାରର ଭିନ୍ନ ଭିନ୍ନ ଆକାରରେ ତ୍ରିରଙ୍ଗା ଉତ୍ପାଦନ କରାଯାଏ। ହେଲେ ସବୁଠାରୁ ଅଧିକ ଚାହିଦା ଥିବା ପତାକା ୨ x ୩ ଫୁଟ ଠାରୁ ନେଇ ୬ x ୪ ଫୁଟ ପର୍ଯ୍ୟନ୍ତ ହୋଇଥାଏ। ଏହା ବ୍ୟତୀତ, ମନ୍ତ୍ରୀ ଏବଂ ବରିଷ୍ଠ ଅଧିକାରୀଙ୍କ ଗାଡ଼ିରେ ବ୍ୟବହୃତ ସବୁଠାରୁ ଛୋଟ ପତାକା ମଧ୍ୟ ଏଠାରେ ପ୍ରସ୍ତୁତ କରାଯାଏ। କଠୋର ନିୟମ ଯୋଗୁଁ, ପତାକା ପ୍ରାୟତଃ ଚାହିଦା ପୂରଣ କରିବାରେ ବିଫଳ ହୁଏ। ହେଲେ ତଥାପି, ଏଠାକାର କାରିଗର ପ୍ରତ୍ୟେକ ଘରେ ଦେଶର ଗୌରବ ପହଞ୍ଚାଇବା ପାଇଁ ଦିନରାତି ପରିଶ୍ରମ କରିଥାନ୍ତି।