Landslide viral video 2026 / ପ୍ରକୃତିର ତାଣ୍ଡବ; ତାସ ପତ୍ତା ଭଳି ଦେଖୁ ଦେଖୁ ଭୁଶୁଡ଼ିଲା ଘର

Himachal Landslide viral video: ହିମାଚଳ ପ୍ରଦେଶର ସିରମୌର ଜିଲ୍ଲାରେ ଶିଲାଇର ବୋବରୀ ଗ୍ରାମରେ ଘଟିଯାଇଛି ଛାତି ଥରାଇ ଦେବା ଭଳି ଭୂସ୍ଖଳନ। ଏହି ଘଟଣାର ଲାଇଭ୍ ଭିଡିଓ ଏବେ ସାମ୍ନାକୁ ଆସିଛି। ଯେଉଁଥିରେ ଦେଖିବାକୁ ମିଳିଛି ଏକ ଘରର ବାହର ପଟରେ ରହିଥିବା ସୁରକ୍ଷା ପ୍ରାଚୀର ତାସ ପତ୍ତା ଭଳି ଭୁଶୁଡ଼ି ପଡ଼ିବାରେ ଲାଗିଛି। ଯାହା ଫଳରେ ସମଗ୍ର ଘର ଏବେ ବିପଦରେ ରହିଛି ଏବଂ ଏହାର ଚାରିପାଖରେ ରହିଥିବା ଜମି ଲଗାତାର ଧସିବାରେ ଲାଗିଛି।

ପୁରା ଭାଙ୍ଗି ଯାଇପାରେ ଏହି ଘର
ଗିରିପାର ଅଞ୍ଚଳରେ ନିରନ୍ତର ବର୍ଷାର ଭୟଙ୍କର ପ୍ରଭାବ ଦେଖିବାକୁ ମିଳୁଛି। ଏହାର କାନ୍ଥ ଭୁଶୁଡ଼ି ପଡ଼ିବା ସହିତ, ବର୍ତ୍ତମାନ ଏହାର ସରଞ୍ଚନା ପୁରା ଭୁଶୁଡ଼ି ପଡ଼ିବାର ଭୟ ରହିଛି। ମାଟି ଧସିବା ଜାରି ରହିବା ଯୋଗୁଁ ପ୍ରଭାବିତ ପରିବାର ଏବଂ ସେମାନଙ୍କ ନିକଟବର୍ତ୍ତୀ ପଡୋଶୀ ଏବେ ବିପଦରେ ରହିଛନ୍ତି।

ପ୍ରତି ମୁହୂର୍ତ୍ତରେ ବୃଦ୍ଧି ପାଉଛି ବିପଦ
ପରିସ୍ଥିତିର ସମ୍ବେଦନଶୀଳତାକୁ ଦୃଷ୍ଟିରେ ରଖି, ସ୍ଥାନୀୟ ବାସିନ୍ଦା ତୁରନ୍ତ ପ୍ରଶାସନକୁ ସାହାଯ୍ୟ ପାଇଁ ନିବେଦନ କରିଛନ୍ତି। ଗ୍ରାମବାସୀ କାଳ ବିଳମ୍ବ ନକରି ଘଟଣାସ୍ଥଳରେ ପହଞ୍ଚିବାକୁ ଦାବି କରୁଛନ୍ତି। ଯାହାଦ୍ୱାରା ବିପଦଗ୍ରସ୍ତ ପରିବାରକୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇ ପାରିବ ଏବଂ ସେମାନଙ୍କୁ ତୁରନ୍ତ ସହାୟତା ଯୋଗାଇ ଦିଆଯିବ।

ଏହା ସହ ପଢନ୍ତୁ: ମେଘ ଯୋଗୁଁ ଅଦୃଶ୍ୟ ହୋଇଗଲା ଶିମଲା; ହିମାଚଳରେ ବଦଳିଗଲା ପାଗ

ପ୍ରଶାସନ ପକ୍ଷରୁ ସତର୍କତା ଜାରି
ଆଶ୍ୱସ୍ତିର କଥା ଏହା ଯେ ଏହି ଘଟଣାରେ କୌଣସି କ୍ଷୟକ୍ଷତି ହୋଇନାହିଁ। ହେଲେ ତଥାପି ଖରାପ ପାଗ ପାଇଁ, ଏ ପର୍ଯ୍ୟନ୍ତ ସଙ୍କଟ ଦୂର ହୋଇନାହିଁ। ଏହାକୁ ଦୃଷ୍ଟିରେ ରଖି, ପ୍ରଶାସନ ପକ୍ଷରୁ ସତର୍କତା ଜାରି କରାଯାଇଛି। ଲୋକଙ୍କୁ ସତର୍କ ରହିବାକୁ ଏବଂ ସମ୍ବେଦନଶୀଳ କିମ୍ବା ଭୂସ୍ଖଳନ ପ୍ରବଣ ଅଞ୍ଚଳକୁ ନଯିବା ପାଇଁ ନିର୍ଦ୍ଦେଶ ଦିଆଯାଇଛି।

ଭୂସ୍ଖଳନ ପ୍ରବଣ ଅଞ୍ଚଳ ତାଲିକାରେ ରହିଛି ସିରମୌର
ହିମାଚଳ ପ୍ରଦେଶ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ (HPSDMA) ଙ୍କ Hazards Atlas ଅନୁଯାୟୀ, ସିରମୌର ଜିଲ୍ଲା ରାଜ୍ୟର ସବୁଠାରୁ ଅଧିକ ଭୂସ୍ଖଳନ ପ୍ରବଣ ଅଞ୍ଚଳ ମଧ୍ୟରେ ଅନ୍ତର୍ଭୂକ୍ତ। କେବଳ ଏହି ଜିଲ୍ଲାରେ ଏପରି ଶହ ଶହ ବ୍ଲାକ ସ୍ପଟ୍ (Landslide Black Spot) ଅଛି ଯେଉଁଠାରେ ସାମାନ୍ୟ ବର୍ଷା ହେଲେ ମଧ୍ୟ ଭୂସ୍ଖଳନ ହୋଇପାରେ। IMD ଅନୁଯାୟୀ, ସିରମୌର ଜିଲ୍ଲାର ପଛଡରେ ୨୦୭ ମିମି ଏବଂ ନାହନରେ ୧୫୮.୯ ମିମି ରେକର୍ଡ ହୋଇଥିବା ଅତ୍ୟନ୍ତ ପ୍ରବଳ ବର୍ଷା ପର୍ବତ ମାଟିକୁ ଗୁରୁତର ଭାବରେ ଦୁର୍ବଳ କରିଛି। ଜନସାଧାରଣଙ୍କୁ ନଦୀ, ଝରଣା ଏବଂ ସମ୍ବେଦନଶୀଳ ପାହାଡ଼ ଢାଲୁ ଠାରୁ ଦୂରେଇ ରହିବାକୁ ଏବଂ ଯେକୌଣସି ଜରୁରୀକାଳୀନ ପରିସ୍ଥିତିରେ ସିଧାସଳଖ 1077 ନମ୍ବର ସହ ଯୋଗାଯୋଗ କରିବାକୁ ଅନୁରୋଧ କରାଯାଇଛି।