Shimla vanishes amidst the clouds: ହିମାଚଳ ପ୍ରଦେଶରେ ଜାରି ରହିଛି ମୌସୁମୀ ବର୍ଷା। ମୌସୁମୀ ଆସିବା ପର ଠାରୁ ରାଜ୍ୟରେ ନିରନ୍ତର ବର୍ଷା ପାଇଁ ବନ୍ୟା ଏବଂ ଭୂସ୍ଖଳନ ଭଳି ପରିସ୍ଥିତି ସୃଷ୍ଟି ହୋଇଛି। ପାଣିପାଗ ବିଭାଗ ଆସନ୍ତା ୧୨ ତାରିଖ ପର୍ଯ୍ୟନ୍ତ ରାଜ୍ୟରେ ପ୍ରବଳ ବର୍ଷା ହେବା ନେଇ ସତର୍କତା ଜାରି କରିଛି। ପରିବର୍ତ୍ତିତ ପାଗ ମଧ୍ୟରେ ରାଜଧାନୀ ଶିମଲାର ଏପରି କିଛି ଦୃଶ୍ୟ ସାମ୍ନାକୁ ଆସିଛି, ଯେଉଁଥିରେ ସମଗ୍ର ସହର ସମ୍ପୂର୍ଣ୍ଣ ଭାବରେ ମେଘ ବାଦଲରେ ଆଚ୍ଛାଦିତ ହୋଇଥିବାର ଦେଖାଯାଉଛି। ଦୃଶ୍ୟମାନତା ଶୂନ୍ୟକୁ ହ୍ରାସ ପାଇଛି। ସମଗ୍ର ସହରରେ ଏକ ଧଳା ଆବରଣ ବ୍ୟାପିଯାଇଛି।

ପର୍ଯ୍ୟଟକଙ୍କ ମୁହଁରେ ହସ ଫୁଟାଇଲା ବର୍ଷା
ସମତଳ ଅଞ୍ଚଳର ଲୋକେ ସୁଖଦ ପାଗ ଆଶା କରି ପର୍ବତକୁ ଯାତ୍ରା କରୁଛନ୍ତି। ଏବେ ପର୍ଯ୍ୟଟକ ବର୍ଷା ମଧ୍ୟରେ ଏପରି ଦୃଶ୍ୟ ଦେଖି ଖୁସି ହେଉଛନ୍ତି। ସେମାନେ ରେନିକୋଟ୍ ପିନ୍ଧି ଛୁଟି ଉପଭୋଗ କରିବାରେ ଲାଗିଛନ୍ତି। ଏପରି ମନେ ହେଉଛି ଯେପରି ମେଘ ତଳକୁ ଖସି ଆସିଛି। ଏହି ଦୃଶ୍ୟ ଶିମଲା ପରିଦର୍ଶନରେ ଆସିଥିବା ପର୍ଯ୍ୟଟକଙ୍କ ଲାଗି ଆକର୍ଷଣ ପାଲଟିଛି।

ମେଘ ବାଦଲରେ ଅଦୃଶ୍ୟ ହୋଇଗଲା ଶିମଲା
ବର୍ଷା ପରେ ରାଜଧାନୀ ଶିମଲାର ରିଜ୍ ମୈଦାନ ଯେପରି ଗାଏବ ହୋଇଯାଇଛି। ବର୍ଷା ମଧ୍ୟରେ ଏପରି ମନେ ହେଉଛି ଯେପରି ମେଘ ଆକାଶରୁ ଭୂମିକୁ ଖସି ଆସିଛି। ବର୍ଷା ଏତେ ପ୍ରବଳ ହେଉଛି ଯେ ଦିନ ରାତି ପରି ଅନୁଭବ ହେଉଛି। ଦୃଶ୍ୟମାନତା ମଧ୍ୟ ବହୁତ କମ୍ ହୋଇଯାଇଛି। ଶିମଲା ଆସିଥିବା ପର୍ଯ୍ୟଟକ ରେନିକୋଟ୍ ପିନ୍ଧି ଏବଂ ଛତା ଧରି ବୁଲୁଛନ୍ତି।

#Shimla city was completely enveloped in clouds, causing visibility to drop to nearly zero.#Monsoon2026 pic.twitter.com/WPWZbq7hzJ

— India Meteorological Department (@Indiametdept) July 3, 2026

ଏହା ସହ ପଢନ୍ତୁ: ଭୁଶୁଡ଼ିଲା ଲୁହା ପୋଲ; ଅଳ୍ପକେ ବର୍ତ୍ତିଲେ ଟିପର ଚାଳକ

ପାହାଡ଼ ଉପରେ ଅନ୍ଧାର, ଚାରିଆଡ଼େ କୁହୁଡ଼ି
ଯଦିଓ ବର୍ଷା ଶିମଲା ସହରକୁ ସୁନ୍ଦର ଭାବରେ ସଜ୍ଜାଇ ଦେଇଛି, ହେଲେ ଏହା ଦ୍ୱାରା ଲୋକଙ୍କ ପାଇଁ ମଧ୍ୟ ସମସ୍ୟା ବଢିଯାଇଛି। ବର୍ଷା ପାଇଁ ଲୋକେ ଘରୁ ବାହାରକୁ ବାହରିବା କଷ୍ଟକର ହୋଇଯାଇଛି। ପର୍ଯ୍ୟଟକ ହାତରେ ଛତା ଧରି ବୁଲିବାକୁ ଯାଉଛନ୍ତି।

ଶୁକ୍ରବାର, ସିମଲାର ଉପକଣ୍ଠରେ ଥିବା ଜୁବ୍ବାରହଟ୍ଟିରେ ସର୍ବାଧିକ 43.5 ମିମି ବର୍ଷା ରେକର୍ଡ କରାଯାଇଛି। ବର୍ଷା ଯୋଗୁଁ ବିଦ୍ୟୁତ୍ ଆଘାତ ଯୋଗୁଁ ସିମଲାରେ ଜଣେ ବ୍ୟକ୍ତିଙ୍କ ମୃତ୍ୟୁ ମଧ୍ୟ ହୋଇଛି। ହିମାଚଳ ପ୍ରଦେଶର ବିଭିନ୍ନ ସ୍ଥାନରେ ଶୁକ୍ରବାର ସନ୍ଧ୍ୟା ପର୍ଯ୍ୟନ୍ତ ୨୪ ଘଣ୍ଟା ମଧ୍ୟରେ ମଧ୍ୟମ ବର୍ଷା ହୋଇଥିଲା, ଯାହା ଫଳରେ ୩ ଜଣଙ୍କ ମୃତ୍ୟୁ ହୋଇଥିଲା ଏବଂ ୪୯ ରାସ୍ତା ଅବରୋଧ ହୋଇଥିଲା। ଅଧିକାରୀ କହିଛନ୍ତି ଯେ ଚଳିତ ମୌସୁମୀ ଋତୁରେ ରାଜ୍ୟ ଏପର୍ଯ୍ୟନ୍ତ ୧୫.୨୭ କୋଟି ଟଙ୍କାର କ୍ଷତି ସହିଛି।

ଲୋକଙ୍କ ଦୁଃଖକୁ ଆହୁରି ବଢ଼ାଇ ଦେଇଛି ବର୍ଷା
ଶୁକ୍ରବାର (ଜୁଲାଇ ୩) ରାଜଧାନୀ ଶିମଲା ଉପକଣ୍ଠସ୍ଥ ଜୁବ୍ବଡ଼ହଟ୍ଟି ଠାରେ ସର୍ବାଧିକ ୪୩.୫ ମିଲିମିଟର ବର୍ଷା ହୋଇଥିବାର ରେକର୍ଡ଼ କରାଯାଇଛି। ବର୍ଷା ଯୋଗୁଁ ବିଦ୍ୟୁତ୍ ଆଘାତ ଯୋଗୁଁ ରାଜଧାନୀରେ ଜଣେ ବ୍ୟକ୍ତିଙ୍କ ମୃତ୍ୟୁ ମଧ୍ୟ ହୋଇଛି। ହିମାଚଳ ପ୍ରଦେଶର ବିଭିନ୍ନ ସ୍ଥାନରେ ଶୁକ୍ରବାର ସନ୍ଧ୍ୟା ପର୍ଯ୍ୟନ୍ତ ୨୪ ଘଣ୍ଟା ମଧ୍ୟରେ ମଧ୍ୟମ ଧରଣର ବର୍ଷା ହୋଇଥିଲା। ଯାହା ଫଳରେ ୩ ଜଣଙ୍କ ମୃତ୍ୟୁ ହୋଇଥିଲା। ବର୍ଷା ଯୋଗୁଁ ୪୯ ରାସ୍ତା ଅବରୋଧିତ ହୋଇ ଯାଇଥିଲା। ଅଧିକାରୀ କହିଛନ୍ତି ଯେ ଚଳିତ ବର୍ଷ ମୌସୁମୀ ଋତୁରେ ରାଜ୍ୟକୁ ଏପର୍ଯ୍ୟନ୍ତ ୧୫.୨୭ କୋଟି ଟଙ୍କାର କ୍ଷତି ହୋଇଛି।

ବର୍ଷା ଜନସାଧରଣଙ୍କ ଦୁଃଖକୁ ଆହୁରି ବଢ଼ାଇ ଦେଇଛି
ଗୁରୁବାର ସନ୍ଧ୍ୟାରୁ ବର୍ଷା ଜନିତ କାରଣରୁ ୩ ଜଣଙ୍କର ମୃତ୍ୟୁ ହୋଇଛି। ଯାହା ଫଳରେ ଚଳିତ ମୌସୁମୀ ଋତୁରେ ମୃତକଙ୍କ ସଂଖ୍ୟା ବୃଦ୍ଧି ପାଇ ୧୨ ହୋଇଛି। କାଙ୍ଗଡ଼ା ଏବଂ ଶିମଲା ଜିଲ୍ଲାରେ ବିଦ୍ୟୁତ୍ ଆଘାତରେ ଜଣେ ଲେଖାଏଁ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ, ମଣ୍ଡି ଜିଲ୍ଲାରେ ଉଚ୍ଚ ସ୍ଥାନରୁ ଖସିପଡ଼ି ଅନ୍ୟ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଥିଲା।